********************
بوش والجزمة والنبوت
*********************
فتوة العالم ماسك نبوت
يدبح بالأفغان وبالعراق حيموت
فاكر نفسه بالمحيطات حوت
وهوه يادوبك حتة قرموط
فارد عضلاته فرحان بالهوا
رايح الجبهة ولابس زعبوط
قالو أبوه حاخليك قائد لوا
من بوش الأب لإبنه الهلفوت
خليك وتونى بلير بالحرب سوا
إنضرب بالجزمة كما البرغوت
البطل الصحفى بعتله دعوا
منتظر الزيدى حيديلو شلوت
ولما ماطالوش راح ببالو ونوا
يودع بوش من غير صوت
ياجزمتين بالعلالى يارباطهم دوا
وحدفله الإتنين خلته سفروت
وطى راسه وجالو أوا
وبقى عامل واد سكروت
وغار بداهية وجه أوباما
ولو صدق حيبقى أشتاتا أشتوت
لكن إزاى والكونجرس دول بلوا
وسياستهم دايما نفس الجبروت
إوعى تقول لأه وقول أيوا
فأمريكا بتاخدها هيا القوت
همه الشيطان عدو آدم وحوا
والعسكرى الأزرق فيلم الموت
وا لهنود الحمر شهدوا بالنوا
إحتلتهم بدون دولار ولا سحتوت
إحتلالهم للعالم نفخة بالهوا
وشعوبنا حيكونا خشب بلوط
وموش حايشوفوا أيام حلوا
حايشحتوا ويتسولوا العيش والبسكوت
**********************
تأليف: الشاعر/ عصفور الجنة
الأربعاء27 يناير 2010 ( من س 20-22)
**********************************
هناك تعليقان (2):
جدا جدا جدا رائعة .. تسلم الأنامل ..
حقيقي حلووووووووووووووووة كتير وهذا هو الهجاء الجميل والفني والمثير ..
بس على فكرة ما عرفتش يعني إيه (قرموط)
نوع من أنواع السمك النتن ولا إيه ؟؟؟
تسلم أخي في الله وبارك الله فيك .. وقد صدق حدسك بالنهاية الشنيعة لبني دراكولا!
تحياتي لك ووفقك الله وأكرمك .. آمين
أم الخلود ........
واضح إنك بتبحثى كويس لأنى وأنا بأبحث بمدوناتى ومواضيعى القديمة لاقيت تعليقك وشكرا لك على هذا الكلام فعلا القرموط نوع من السمك يحب يعيش بالبرك والمستنقعات والمية الساقية وكلها منتنة ودايما بياكل طين ووساخة تقدرى تقولى زى الخنزير ومرة كلته جالى إسهال تلات أيام وأنا صغير وكنت حاموت من الأكله من ساعتها كرهته هوه زى بوش بالضبط
إرسال تعليق