*****************************************
مدن القناة وحرب الإستنزاف
********************نازلين يعوموا بميتنا الطاهرة
********************نازلين يعوموا بميتنا الطاهرة
يدنسها جنود صهيون الكفرة
وأبطالنا مستنيين يروحوا الصحره
حالفين ياخدوا تارهم بالمرة
وجنودنا بيغلو من جوه وبره
*******************
*******************
جنودهم صبيان وبنات عريانين
من غير خشا ولاحيا عايمين
يطلعوا لسانهم لجنودنا الغيورين
قدامهم بيسبحوا رايحين جايين
وجنودنا بيغلو من جوه وبره
********************
أهل السويس الأبطال المخلصين
راحوا يحموا حى الأربعين
رجال ونساء بإيديهم حاملين
شوم حلل وبالحديد مدافعين
وجنودنا بيغلو من جوه وبرة
*******************
وشباب ونساء ورجال بورسعيد
واقفين ضد العدو إيد بإيد
وبورفؤاد براس العش حديد
خلوا أرض المعركة تقيد
وجنودنا بيغلو من جوه وبره
********************
والإسماعيلية كلها حاربو أبطال
شرطة ضحوا بحياتهم كرجال
حالفين همه والقنطرة بالغال
مايدنس العدو شرق الرمال
وجنودنا بيغلو من جوه وبره
********************
ضربوا بحر البقر المجرمين
أطفال إبتدائى بالمدرسة مجروحين
شهداء الطفولة البريئة مييتين
ودمهم بالكراسات فوقها سايحين
وجنودنا بيغلو من جوه وبره
*********************
مدن القناة بدأنا منها التهجير
خوفا عليهم من القصف الكتير
نساء وشيوخ والطفل الصغير
بلبسهم لامعاهم دولاب ولاسرير
وجنودنا بيغلو من جوه وبره
***********************
وعاشوا زينا بمدن الدلتا
بمدرسة ومستشفى ومعانا بالحتا
بشارعنا بمنوف صيف وشتا
بعزبة الملك وبغمرين وتتا
وجنودنا بيغلو من جوه وبره
************************
وحلفنا العدو بسينا مايتهنا
حنوريه عايش بجهنم ولا الجنا
وجنوده نصيدهم مهما يغيبواعنا
وأى واحد صهيونى يقرب منا
وجنودنا بيغلو من جوه ومن بره
***********************
بنوا قدام جنودناخط بارلييف
عاملين فيها ولا أبو العريف
وجواها صورهولنا موقع مخيف
ووصلوه بمضخات نابالم عنيف
وجنودنا بيغلو من جوه وبره
***********************
مكانش قدامنا غير نرفع التباب
ونبنى حائط صواريخ قرب السحاب
نقتلهم ونأسرهم وربك الغلاب
المصرى والصهيونى إش جاب لجاب
وجنودنا بيغلو من جوه وبره
***********************
عبد المنعم رياض بيزورهم يوم
صابته قذيفة من عدو شؤم
ومات البطل شهيدا بلا لوم
وحلفنا نثأرله ونوريهم النجوم
وجنودنا بيغلو من جوه ومن بره
***********************
وجه البطل أحمد إسماعيل
وحلف مايخليهم يناموا بالليل
المدمرة إيلات شافت الويل
غرقت ودمرناالمينا بجهد قليل
وجنودنا بيغلو من جوه ومن بره
************************
فى الغردقة إحتلوا جزيرة شدوان
فاكرين حايعيشوا عليها بأمان
ساعات محتلها وهوه حيران
هاجموه أبطالنا فسابها الجبان
وجنودنا بيغلو من جوه وبره
***********************
مات ناصر وكان يوم حزين
وودعته مصر بدموع العين
كانت جنازة تاريخية للمصريين
ورؤساء العالم لينا كلهم جايين
وجنودنا بيغلو من جوه وبره
*******************
ومسك السادات الحكم بعد جمال
وبأعوام الرماد يدرب العيال
تلات سنوات بالتمام والكمال
بحرب إستنزاف ومناورات وقتال
وجنودنا بيغلو من جوه وبره
**************************
تأليف الشاعر:المتحزلق المسروق أحلامه المزنوق
***********************************
هناك 4 تعليقات:
اخيرا سأستطيع التعليق...صار لى ثلاث ايام احاول و لكن خانة التعليق لا تستجيب للكتابة
عهد عبد الناصر كان فيه قمع و استبداد و ديكتاتورية و المصرى كان فيه مهان داخل بلده لكن له كرامة فى الخارج و ده كان محسسه بالانتماء و فى عهد السادات بدأ المواطن يشعر بالفخر بعد النصر و ده ايضا كان محسسه بالانتماء و لكن الان الاهانة فى الداخل و الخارج و الحرية للنباح فقط فلا احساس بالانتماء و الشباب بيطفش و الكبار هم من ينصحوهم بهذا...من الاخر البلد مش ح تنصلح حالها غير لما يكون فيه تداول للسلطة و يكون فيه دولة مدنية و نظام محاسبة و شفافية
الأخت تريز ....
شكرا على ردك السريع بالنسبة لعهد جمال عبد الناصر لم نكن و نحن طلبة نملك الا حبه و عدم التفكير اي شئ اخر تقوم به بطانته لانه كان زعيم الامة العربية و القومية العربية و لم نكن نعي الوعي السياسي الذي تقوليه و هو ان كان حقيقة و لكن ايا كان فلم نكن نملك الا ان نحبه و هذا واقع اذكره في وقته و ليس الآن و شكرا جزيلا على رأيك الذي احترمه و فيه كثير من الصحة.
انا تشرفت جدا بمرورى على مدونتك يا بشمهندس وبجد هى جميلة جدا
وان شاء الله يدوم التواصل بيننا
ويا ريت يا بشمهندس تشاركنى حملتى الجديدة
"
فكرة من كل مصرى من أجل مصر" ياريت تشاركينى فيها وكمان تنشرها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأها
07 فبراير, 2010 01:01 م
الأخ العزيز م/ محمد صالح ....
سعيد جدا بشاركتك ورأيك وأرجو أن نتداوم الرأى وإسمحلى هل لك مدونة وماهو عنوانها وكيف التواصل بننا لأنك لم تترك عنوانك أو إيميل أو كيفية الإتصال معك شكرا على تشريفك لى بمدونتى .
farouksam.blogspot.com
إرسال تعليق