صرخــــة عشــــوائية
**************************
******
ياخلق ياهوه إلحقوا الست أمينة*!*
ساكنة بصفيحة على طرف مدينة*!*
جوزى عاجز وشحاته معايه وياسمينه*!*
عساكر الفيلا اللى عالنيل مبهدلينه*!*
تبع الباشا الكبير ميللى سارقينه*!*
قاعدين ونايمين وجيرانى زى السردينه*!*
كفاياكوا طناش والله ياعالم إستوينه*!*
إرحموا راجل عاجز أسرته مسكينه*!*
ولا عشان مش خاينة ولاقونى أمينه
/
'
'
:
\
ياعالم ا لناس دول طلعوا دينا*!*
بلدنا قاسية علينا ليه وأهالينا*!*
كفاية البرد والمطر نازل علينا*!*
والصيادين عالنيل ساكنين منسينين قبلينا*!*
دلوقتى حليت بعينيهم وعايشين حوالينا*!*
إحنا بلا نجمة والنجوم الخمسة معذبينا*!*
إنتوا من كوكب تانى ومؤدبينا*!*
شغلتهم ليل ونهار للقسم مجرجرينا*!*
ولا عشان مش خاينة ولاقونى أمينه
\
'
'
:
/
ماكفاية بتوع البانجو نازلين ومبهدلينا*!*
وعلى الزبالة بتاعة الباهوات منيمينا*!*
المجارى والبلاوى والقذارة مالعمارة مشربينا*!*
البليلة والفول المدمس نسويهولهم ومجوعينا*!*
كبرنا وشابت روسنا فراحوا مربيينا*!*
مش حكام بلدنا برضاهم مشحطتينا*!*
إبنولنا مساكن شعبية وكفاية ممرمطينا*!*
الخواجه إحتلنا ومعاملش كده فينا*!*
ولا عشان موش خاينه ولاقونى أمينه
*********************************************
تأليف الشاعر/ عصفور الجنة
०९/०४/२०१०ग़
هناك 8 تعليقات:
انا بقيت حاسة اننا محتلين بالذات لما باسمع اغانى زمان اللى بتكلم عن الاستعمار و الانجليز بس حتى دول كانوا ارحم
خلاص بجد مش عارفه ايه الحل خاصة ان لو نظرنا حولنا سنجد قرغيزيا و السودان و تايلاند عندهم مشكلة مشابهة
مش فاهمه فيه ايه...تكونش عدوى فى الجو بتسبب التصاق فى الكرسي؟
Tears.....
والله لوكانوا مستعمرين ومحتلين ماكانوا عملو فينا كل اللى بيعملوه ده المشكلة
إن المغريات للحكام كتيرة جدا وبقت الدنيا كلها ماديات ولذا لازقين بالكراسى وموش قاعدين وإن شاء الله حاييجوا يقوموا من عليها موش حايعرفوا لأنهم حايلاقوا مسامير مقاس
( 16 بوصة حديد عز ومغرية كمان) يعنى حايتمنوا تكون خوابير خشبية بتاعت دراكولا مش حايلاقوا إلا حديد عز اللى حمسمرهم على الكراسى ويتحرقوا عليها
ربنا يرحمنا
هقول ايه طيب؟
Ms Venus
أهلا بيكى وربنا يرحمنا هذه حقيقة والله ونحن نراها كل يوم بالأفلامومع ذلك نعتبرها أفلام ولكنها حقيقة نعيشها
قولى اللى نفس فيه وماتخافيش
وشكرا لكى
ههههه صورة واقعيه حد الألم
أزجال حضرتك متميزة فعلا
سعيدة بتعرفى على مدونتك
صفــــــــــاء...
سعيد جدا أنى أضحكتك ولكن شر البلية مايضحك ألم ترى أفلام كثيرة بها عشوائيات
مثل " حين ميسر" و " إبراهيم الأبيض"
و " دكان شحاته" ...إلخ وكلها للمخرج المبدع خالد يوسف هذا "ياصفاء" حال عدد كبير من شعبنا الذى له حق علينا أن نساعده . أعلمتى أن أستراليا كما قال لى إبن أختى "المحاسب" أمس والذى يعيش هناك مع زوجته المصرية قريبته أن أستراليا تعطى للعاطلين كل أسبوع ألف وخمسمائة دولار لكى تعينهم على الحياة تدفع ضرائب من القادرين على العمل ومعظم هؤلاء العاطلين سودانيين شكرا على تواجدك وكلامك الطيب.
الفقر اصبح وصمة
لا سكن ولا علاج لا اعانة ولا تعليم ولا حق له عند امجتمع
وعندما يثور الفقراء تدهسهم احذية البهوات
علية العوض فى البلد
وحسبى الله فى كل مسئول خان الامانة و اصبح عبدا للكرسى والمال وترك البسطاء من الشعب ينهشهم الجوع و الفقر و المرض .
Kontiki
فعلا دى هى الحقيقة ودول أهلنا لازم ندافع عنهم ونديهم حقوقهم لأنهم بنى آدميين تصور إن إبن أختى بأستراليا يقول إن أى مغترب " ومعظمهم سودانيين"
له الحق فى معاش أسبوعى "150" دولار أسترالى أى مايعادل 500 جنيه مصرى بالأسبوع وهذا المبلغ لو تخيلت أن كيلو اللحمه عندهم باستراليا بـ ( دولار)
يعنى يجيب بالأسبوع حوالى 37,5 كيلو لحمة
وطبع يدفعه الأفراد العاملين كضرائب
شكرا لك على تعليقك وأهلا بك
إرسال تعليق