ربـــــــــاعيـــــــــــات
المطحونين المصريين
****************
همـــــه فيــــــن ...!!؟!!
بتقولى مين وهمه فين *!* اللى كانوا هنا عايشين
دول كانوا ولاد الفلاحين *!* اللى عرقهم علم بالجبين
واللى كانواعساكر مصريين*!*حرروالعريش و طور سينين
نفسى أشوفهم من سنين *!* وليه موش شايفاهم العين
بتقولى مين؟!وهمه فين؟!
\
'
'
/
وهل همه قدامى الحين*!* لأه دول ناس تانيين
الدنيا خادتهم وصبحوا ميتين*!*عايشين آه وموش عايشين
عايشين فى غابه متمرمطين*!* على لقمة العيش مدورين
وأتوبيس ومترووتوكتوك سايقين*!*وعلى الهبالة رايحين جايين
بتقول مين؟!وهمه فين؟!
/
'
'
\
وإمتى أصحى ألاقيهم صاحيين *!* فول وطعمية نازلين واكلين
وبصل خلاهم موش فايقين*!* حايفوقوا إمتى يارب العالمين
طوابيرعيش وولادهم مجرجرين*!* والرجال بشغلهم ورزقهم مطحونين
ولادهم بمدارس مارحموهم مدرسين*!* يا تدفع بالدروس يإما ساقطين
بتقول مين؟!وهمه فين؟!
\
'
'
/
وبلطجية سلاح أبيض شايلين*!*واللى ماشيين بحالهم مجرمين
اللى شاربين بانجو مسطولين*!* زى الفول والبصل قريبين
ماهى هية السطلة مترنحين*!* وهمه الحكومه عايزاهم تايهين
عشان ينسوا مشاكلهم والحاكمين*!* ويفكروا بكره ياكلوا منين
بتقول مين؟!وهمه فين؟!
/
'
'
\
شعب مصر عالطوارئ نايمين*!* وإمتى ياحكومه حانفضل متعذبين
نلف حوالين نفوسنا مقهورين*!* ولإمتى حاتخافونا وإحنا خايفين
داحنا لابنش ولا ليكم هشين*!* والدبان لزقة ياسيد العارفين
مصر وكوريا كانوا متقدمين *!* دلوقتى ماليزيا عنها متأخرين
بتقول مين؟!وهمه فين؟!
\
'
'
/
علم مصر داسوه الجزائريين*!* وبرضه دنسوه الأمن المصريين
أصل حكومتنا مالهاش دين*!* تذلك وتحط راسك بالطين
ماتشاط الكورة ليها رايحين*!* وعلم مصر وياه مرفرفين
ياشعب قوم وخليكوا جامدين*!* فاروق مشيته فاضل الظالمين
بتقول مين؟!وهمه فين؟!
/
'
'
\
يامجلس يالى إختارتك الملايين!*! خلى عندك كرامة للمحرومين
وبلاش تكونوا حزب السفاحين!*! وعايزين تضربوا بالرصاص المتظاهرين
اللى خلاكوا تقعدوا نايمين!*! وفجأة تصحوا تقولوا موافقين
الحصانة والرزانة والعفانه ياملوثين!*! وموش مكسوفين يانورة ياقصاصين
بتقول مين؟!وهمه فين؟!
\
'
'
/
يانواب القروض والخموروالسكرانين!*! فوقوا مالعفانة والمحمول يامعفنين
تحضرا جلسات تروحوا قابضين!*! سواء تايهين ضاربين فاهمين
المهم تسجل إسمك ياتخين!*! ونام حتى نصبح منتهيين
هى دى كرامة الوطنيين !*! داخسارة فيكوا الإسم يامصفقين
بتقول مين؟!وهمه فين؟!
*****************************
تأليف شاعر
واكل فول مدمس عالصبح ولكن بدون بصل
فايق نص ونص وصاحى لكن خايف مالعسل
هناك 16 تعليقًا:
استاذ فاروق ...............
و الله و الله ابداع ابداع فعلا
و فعلا كل كلمة واقعية و الله و غير كده كل كلمة مليانة احساس بكل مصرية و مصرية في بلدنا
يا رب ارحم المصريين
و اجعلهم دايما فرحانين
و لا يباتوا في ليلة مهمومين
و يرتاحوا بقى بعد شقا السنين
خالص تحياتي و تقديري
Farouk,
Obrigada pelas palavrinhas deixadas lá no meu espaço.É um prazer para mim conhecer um pouco da sua cultura. Confesso que não compreendo totalmente tudo que está escrito. Mas vejo que se preocupa muito com o social, com a dor de seu povo. És um idealista sempre guiado pela razão, coração e sentimento de justiça.Deus te ilumine, guie e proteja sempre.
Uma abençoada semana!
Abraço terno
مهموهة ..
إنشالله يخليكى والله إنا باكتب ده عشان نفوق بقى كفايانا نوم أنا كنت من الضباط اللى شاركو بحرب أكتوبر وعبرنا قناة السويس وعارف يعنى إيه تضحية من أجل الوطن وكتبت قصيدة حرب العاشر من رمضان كما عشناها بالحرب ياريت تقرأيها هية قديمة شوية لكن حاتعجبك شكرا لكى وشرفتينا
....... ( Angela Reis(Luna Luz
Let me first translate your post from portoguse to english that is
Thank you for the words left there in my space.It is a pleasure for me to know a little of his/her culture. I admit that I don't understand totally everything that is written. But I see that he/she worries a lot about the social, with the pain of his/her people. You are an idealist guided always by the reason, heart and feeling of justice.God illuminates you,
guide and always protect
My comment:
Dear friend..... Luna
I'm very pleasure to get that
fantastic comment and nice feeling from me and all egyption we sent our greetings to you hope nice and happy life for you and your country.
Farouk Nile's Son Querido amigo..... Luna eu sou mesmo prazer para obter aquele comentário de fantástico e sentimento agradável de eu e todo o egyption nós enviamos nossas saudações a você espere vida agradável e feliz para você e seu país.
O Filho de Farouk Nilo
سلام عليكم
بجد سعة استاذ فاروق بزيارتى لتلك المدونة التى تحمل طابع خاص
وسعيدة ايضا بمرورك الكريم لمدونتى واتمنى دوام التواصل
وكلامك ممتاز وبجد طالع من القلب
تحياتى واحترامى
احلى حاجه فيك
انك بتحمل معانى كبيره للشعب المهموم والمغلوب على ارداته
ابدعت بجد
ربنا يوفقك يارب
يا استاذ فاروق ما هى دى سياسة الحكومة الذكية و هى انها تدوخ الناس فى دوامة مشاكل و تخلى كل همهم لقمة العيش عشان ما حدش يلحق يفكر و لا يقول حقى يا نصابيين
فى الوقت اللى بتديهم فيه تعليم تعبان بيعودهم على الحفظ مش الفهم لما كل الشعب بقى بغبغانات و بيردد نفس الكلام من غير ما يمر على عقلة و لو حد قال عكس السائد يهبوا فى وشه و يتهموه بكل ما يخطر على بالك لانهم تعودوا على ثقافة القطيع و طبعا بيغذى ده اعلام حكومى غرقهم فى الدروشة فبقى اهم حاجة فى حياتهم الدخول بالشمال و لا اليمين و ماعندهمش وقت يفكروا و لا يفهموا اى حاجة تانية و النتيجة انهم بقوا عابيشيين فى ذل و فقر و انعدام كرامة و كمان منافقين بيتظاهروا بالدين و همه من اعلى شعوب لعالم فسادا و رشوة و تحرش
هذا الشعب المغيب اصبح مشوه تماما فكريا نتيجة تكاتف عوامل و لكن اهمها سلبيتهو استسلامة
ياريت تروح تقرأ نواب الشعب...واخد بالك من كلمة الشعب دى...و همه بيطالبوا تحت قبه مجلش الشعب بضرب المتظاهرين بالرصاص الحى...يعنى اللى بيمثلوا الشعب بيقولوا كده يبقى العصابة الكبيرة تعمل فينا ايه؟
رائعة يا استاذ فاروق وواقعية جدا فى المعانى
تحية لحضرتك ولقلمك الواعى الراقى
استاذ فاروق .. ماشاء الله عليك
ليش ما اتصير شاعر ؟؟؟ و انشوفك ع التلفزيون ؟؟؟
فعلا كلام رائع و معبر ... الله ينصركم
إمرأة من ثلج
والله زعلان جدا وأنا بأكتبها لأنى بأعتبرك كلك مشاعر عظيمة وأحاسيس ليه ماتسيبه التلج فى حاله عند الأوربيون بالقطب الشمالى أو الجنوبى وشكرا لك إطراءك لى " طالع من القلب"
الملاك الحزين ..
أحلى حاجه فيا إن ليا أصدقاء وصديقات بالمدونة مثل حضرتك وتعليقها المميز وشكرا لك
Tears
كلامك أثر فيا جدا ولازم أضيف عدة أبيات أنت فيها ملهمتى موش قولتلك محتاج رأيك لأنى باتعلم منك كل يوم حاجة حكاية نواب الشعـــــــــــب
دول اللى إختارهم الشعـــــــــــب
والمفروض بيمثلوا الشعـــــــــــب
يطالبوا تحت قبة مجلس اللى مابقاش شعب ولاحاجة وبقى مجلس الحزب الوطنى أرجوكى سميه كده عشان الأبيات اللى ناوى أكمل بيها القصيدة بيطالبوا بضرب المظاهرات بالرصاص وإحنا حانضربهم بالجزمة والله مافى مرة بحياتى إنتخبت واحد حمار وغبى منهم أبدا وموش حايكون
دومتنى لى ياأستاذة ( تييرز) وشكرا لك
Ms Venus
أشكرك جدا جدا على تشجيعك ليا وده اللى بيخلينى أكتب وأكتب مرات وتطلع ملكة الشعر فى أى وقت أقوم من النوم وأسجل مادار بذهنى فورا وشكرا على إطراءك الأروع من كلامى
Seemo
يابنتى الشاعر موش بشهادة أو لقب ياخده من جامعة أنا منذ 43 عاما باكتب شعر علمنى والدى رحمه الله والذى كان حافظا للقرآن ومدرساللغة العربية
"ألفية بن مالك " وكان يحفظها وكذا"الأوزان بالشعروالجناس والقافية" وخلافه ولما حاولت أول مرةبالشعرقالى : زفت داشعر ده, دا "نحكشة فراخ" لم أيأس وضحكت وقلت علمنى فقال لى : فعول مفاعل مفاعل فعول!*! فعول مفاعل مفاعل فعول
وشرحها لى وقال دى أحد الأوزان ثم بدأ يشرح لى أوزان أخرى فكتبت عدة أبيات
قال لى عندما رآها إنت تنفع شاعر بس ناقصك خبرة كبيرة وصممت منذ ذلك الحين أن أكتب الشعر وأول قصيدة كتبتها هى بالمدونه هذه رقم(1) بعنوان " التوبة النصوح" أقرأيها والشاعر لايكون شاعرا إلا بالناس الذين يشجعونه ويستمعون له ويحبون كلامه شكرا لك
بسم الله ماشاء الله
كيفك استاذ فاروق
والله انا كتير معجبة بقلم وكتير المدونة فوق الرائعه
فيسلم قلمك الذهبي سيدي
ودمت متميز ومتالث
تقبل مروري وردي
لك خالص تقديري واحترامي
شذى روحى ...
سعيد جدا بتشريفك لى بمدونتى ومتابعتك لما أكتب والله هذا عندى بالدنيا شكرا جزيلا لك على إطراءك الغالى على .
إرسال تعليق