*!*ببلاش إلى غرفة الإنعاش*!*
**************************
يامصر سألتهم عنك قالوا ماسمعناش
كانت صحتها كويسة راحت ببلاش
كان عندنا دم دلوقتى ماعندناش
والنخوة هربت والخوف جوانا عاش
وكرامتنا داسوا عليها وحسنى ماإختشاش
وعزتنا إتباعت بلا شيك ولاكاش
وراحت مصر بإيدين واحد بكاش
راحت ببلاش إلى غرفة الإنعاش
يامصر يامحروسة بلاقيكى دايما موكوسة
عشان حكامك سرقوكى وخلوكى منحوسة
ولالعنة فرعون عايزة النبى موسى
ولا إنتى من ظلمهم خلوكى مفروسة
يارب يخرب بيوتهم وتتزفى ياعروسة
ياغالية وعزيزة ساعتها حابعتلك بوسة
دوسيهم ياست الكل ياحلوة ياننوسة
وخليهم يبطلوا النفاق وتفريق الكوسة
راحت ببلاش إلى غرفة الإنعاش
عارف صحتك دلوقتى شوية بعافية
وخيرك رايح لغيرك ولعصابات ألمافية
ولماخشت أمريكا العراق صابتنا الكافية
أصل ربك غضبان لقلوبنا الجافية
والصهاينة بفلسطين وأمريكا بالعراق حافية
خربوها وخروجهم مستحيل بلاء النافية
وبنوا جدار يعزلوهم بوقاحة وبالعافية
نازلين شعر هجائى علينا بلاقافية
راحت ببلاش إلى غرفة الإنعاش
حاكمينك لازقة موش عارف أزيحهم
ربك يسهل ياخدهم ويريحنا منهم
أصلهم متمسمرين بغرا بالحكم بكراسيهم
أتكبروا على زويل وشرفا بلادهم
وعايزين ولادهم يلعبوا نفس لعبتهم
ماهية أبعدية أبوهم والتكية وعزبتهم
ولونسيوا المنصة الجندى المجهول يفكرهم
يقول اللى أنقذهم منها قادر يغرقهم
راحت ببلاش إلى غرفةالإنعاش
جابولك حاكمينك مرض العصر السرطان
وقطعوا بلحمك وقتلوا فيكى الإنسان
ولازم يخرجوا منك حزب الشيطان
وأجيبلك الفل و"مرايتى"و"البنفسج"والريحان
وترجعيلنا زى زمان من غير أحزان
ويشفيكى ربى الرحيم خالق الأكوان
ومعايا "ميس فينوس " وردة البستان
وأخلص مدونة " تييرز" وجيرانى السكان
راحت ببلاش إلى غرفة الإنعاش
دورت عليكى زمان أيام المجرمين
اللى عذبوا المصرى وكل المسلمين
بمجرد لحية طلعتلهم أصبحوا آثمين
يامجرمى السلام والوطن والأرض والدين
لوإنتم جبابرة يقصمكم القوى المتين
رب العزة موش حايسيبكم آمنين
"كلمات من نور" قالتلى من ساعتين
مصر لمت هدومها طفشوها المعاقين
راحت ببلاش إلى غرفة الإنعاش
جايلك ومعايا "سال" و "أبو حسام الدين"
و "مها" و"شذا" و"فتاة الصعايدة"المخلصين
ويوماتى يامصر حانورلك بضى العين
طريقك اللى توههنا عنه من سنين
ضلينا طريقنا بحكامك الظلمة المعتوهين
اللى قالولنا إدخلوها موش آمنين
وبمشيئة الله من قدام طريقنا منزاحين
ونرتاح منهم ونشوفهم قريب مطرودين
راحت ببلاش إلى غرفة الإنعاش
****************************************************
الشاعر / فاروق بن النيل
**************************
يامصر سألتهم عنك قالوا ماسمعناش
كانت صحتها كويسة راحت ببلاش
كان عندنا دم دلوقتى ماعندناش
والنخوة هربت والخوف جوانا عاش
وكرامتنا داسوا عليها وحسنى ماإختشاش
وعزتنا إتباعت بلا شيك ولاكاش
وراحت مصر بإيدين واحد بكاش
راحت ببلاش إلى غرفة الإنعاش
يامصر يامحروسة بلاقيكى دايما موكوسة
عشان حكامك سرقوكى وخلوكى منحوسة
ولالعنة فرعون عايزة النبى موسى
ولا إنتى من ظلمهم خلوكى مفروسة
يارب يخرب بيوتهم وتتزفى ياعروسة
ياغالية وعزيزة ساعتها حابعتلك بوسة
دوسيهم ياست الكل ياحلوة ياننوسة
وخليهم يبطلوا النفاق وتفريق الكوسة
راحت ببلاش إلى غرفة الإنعاش
عارف صحتك دلوقتى شوية بعافية
وخيرك رايح لغيرك ولعصابات ألمافية
ولماخشت أمريكا العراق صابتنا الكافية
أصل ربك غضبان لقلوبنا الجافية
والصهاينة بفلسطين وأمريكا بالعراق حافية
خربوها وخروجهم مستحيل بلاء النافية
وبنوا جدار يعزلوهم بوقاحة وبالعافية
نازلين شعر هجائى علينا بلاقافية
راحت ببلاش إلى غرفة الإنعاش
حاكمينك لازقة موش عارف أزيحهم
ربك يسهل ياخدهم ويريحنا منهم
أصلهم متمسمرين بغرا بالحكم بكراسيهم
أتكبروا على زويل وشرفا بلادهم
وعايزين ولادهم يلعبوا نفس لعبتهم
ماهية أبعدية أبوهم والتكية وعزبتهم
ولونسيوا المنصة الجندى المجهول يفكرهم
يقول اللى أنقذهم منها قادر يغرقهم
راحت ببلاش إلى غرفةالإنعاش
جابولك حاكمينك مرض العصر السرطان
وقطعوا بلحمك وقتلوا فيكى الإنسان
ولازم يخرجوا منك حزب الشيطان
وأجيبلك الفل و"مرايتى"و"البنفسج"والريحان
وترجعيلنا زى زمان من غير أحزان
ويشفيكى ربى الرحيم خالق الأكوان
ومعايا "ميس فينوس " وردة البستان
وأخلص مدونة " تييرز" وجيرانى السكان
راحت ببلاش إلى غرفة الإنعاش
دورت عليكى زمان أيام المجرمين
اللى عذبوا المصرى وكل المسلمين
بمجرد لحية طلعتلهم أصبحوا آثمين
يامجرمى السلام والوطن والأرض والدين
لوإنتم جبابرة يقصمكم القوى المتين
رب العزة موش حايسيبكم آمنين
"كلمات من نور" قالتلى من ساعتين
مصر لمت هدومها طفشوها المعاقين
راحت ببلاش إلى غرفة الإنعاش
جايلك ومعايا "سال" و "أبو حسام الدين"
و "مها" و"شذا" و"فتاة الصعايدة"المخلصين
ويوماتى يامصر حانورلك بضى العين
طريقك اللى توههنا عنه من سنين
ضلينا طريقنا بحكامك الظلمة المعتوهين
اللى قالولنا إدخلوها موش آمنين
وبمشيئة الله من قدام طريقنا منزاحين
ونرتاح منهم ونشوفهم قريب مطرودين
راحت ببلاش إلى غرفة الإنعاش
****************************************************
الشاعر / فاروق بن النيل
هناك 34 تعليقًا:
تدري يا شاعرنا والله تذكرني بكلام الشاعر أحمد فؤاد نجم الله يعفيه ويعطيه الصحة، ثم إن كلامك عين الصواب...
أعجبني قولك:
وعايزين ولادهم يلعبوا نفس لعبتهم ماهية أبعدية أبوهم والتكية وعزبتهم.
والله كلام يحاكي الواقع.
تقبل يا أستاذ محبتي وودي لك.
---------
مع تحيات أبو حسام الدين
أبو حسام الدين ....
معلش آسف كنت بعدل بعض الأبيات وأضيف البعض الآخر وسعيد جدا بمتابعتك وإنك أول واحد يعلق شكرا لك وشرف ليا أن أكون قريب من الشاعر أحمد فؤاد نجم الله شكرا جزيلا أخى أبو حسام الدين القصيدة لسة مخلصها دلوقتى الساعة 6.30 مسء يوم السبت 29 مايو 2010 شكرا
عمو فاروق انا قلبي بيوجعني لما حد يقول علي مصر انتهت او ضاغت بس انت جبت الوصف الصح مصر دلوقتي عيانه...
عيانه قوي وفي الانعاش ...بس ان شاء الله ربنا هينقذها وهيشفيها وهتقوم بالسلامه
لأن اللي كانوا السبب في مرضها دول ولا حاجه في عمرها الطويل وهي ياما شافت وياما مرت عليها أزمات زي الأزمه دي وأكتر بس كانت دايما بتخرج من كل أزمه متعافيه وقويه وتدوس علي اللي خربوها وظلموا ولادها وترميهم في مزبله التاريخ وهو دة اللي هيحصل ان شاء الله
بس المسأله مسأله وقت كل مريض لازم ياخد وقته علشان يتماثل للشفاء بعد ما يزال الورم السرطاني ان شاء الله عن قريب ...
البنفسج الحزين .....
أنا من غلبى وحزنى موش قادر اسكت على بيحصل لبلدنا مصر تعبت جدا وأحسن وصف وصفتيه هوه إن مصر مريضة بالسرطان وده حيوحيلى ببيت شعر يمكن أكمل القصيدة بيه وإنتى لك الفضل طبعا دا لو كتبته يمكن أجيب سيرتك "البنفسج" شكرا لك
مصر لمت هدومها وطفشت من اولادها العاقين و أولادها الساكتين .....خالص تحياتي لكي و أسفي على مصرنا الحبيبة
وأجيبلك الورد والفل "والبنفسج" والريحان .....
الله اسمي مكتوب طاااااااااااايب ...
ههههههههه شكرا
كلمات جميله جدااا لكن موجعه جداااا
اتمنى ان تتعافى ... واتمنى ان أرى كل من ساهم بقتلها مسحولا مطرودا منها ... لأنهم لا يستحقونها
تحياتي
الله يا شاعرنا الكبير اوي اوي اوي يا استاذ فاروق
الله على كلماتك المعبرة و اللي معبرة اوي اوي عن حال مصر بجد
و الله انا كل يوم بيزيد احترامي ليك
لانك بجد شخصية مبدعة و متالقة جدا جدا
ربنا يسعدك يا رب
و ياريت مصر تطلع بقى من غرفة الانعاش
يا ريت
خالص تحياتي و تقديري
عمنا واستاذنا الرائع
لقد سبق لى ان اثنيت على روحك الوثابة ونفسك الزكية...واحساسك الوطنى الجميل
اكرر تقديرى لك واتمنى لك دوام الصحة والعافية
..........
اعجبنى المقطع الاول من القصيدة
والثانى....والثالت والرابع والخامس
يعنى كلها كلمات طالعه م القلب
ولازم توصل للقلب
تحياتى وتقديرى
بجد الحال ده تعبنا
فين صوت الحق
ياريت نرجع كلنا حماس وندافع عن وطنا بصوت مسموع
تحياتى ليك
بجد انت رائع
دمت ودام اسمك
كلمات من نور....
جميلة أوى مصر لمت هدومها وطفشت من ولادها العاقين والله إنتى شاعرة
يمكن يوحيلى كلامك بأبيات شعر وحاتكونى لك الفضل يانور ( كلمات من نور ) شكرا لك
البنفسج الحزين ...
أنا قولت " البنفسج " بس ماقولتش الحزين ولو طولتى فى الكلام حاقول " الحزين" إنتى حرة بقى شرفتينى ياأجمل زهرة
فتاة من الصعيد .......
آسف إنى أوجعتك بكلامى أعمل إيه خلاص روحى حاتطلع موش قادر أسكت وهمه فاضل لهم شوية بسيطة ويقتلوا مصر وده موش حايحصل أبدا إن شاء الله دومتى يا" فاطمة"
مهموهة ....
واله إنتى اللى مبدعة لايحس بكلمات ومعناها إلا ذوى القلوب الرحيمة الطيبة الرقيقة دومتى ودام إطراءك وأشكرك على كلماتك الجميلة
Sal .
صديقى العزيز أنت تعرف أنى أعتز برأيك جدا وأذكر لك فضلك فى تشجيعى لعمل مدونة "تجاربى وحكاياتى " ولاأفتأ أذكرك بالخير مع الأصدقاء أنك سبب لذك وتشجيعك ولاأجد الكلمات المناسبة للرد على كلامك الأصيل وشكرا لك وشرفتنى دايما
شذا الروح ....
نفسى أكتب إسمك كما تكتبيه بقلوب مفتوحة ورقيقة يمينا ويسارا دومتى ياأختاه أنت أصيلة من معدن طيب وشكرا لك زوقك وكلامك
عمو فاروق ...انا فضلت أنشر ردي علي تعليقك هنا عشان أضمن انك تقراة...
اولا باشكرك انك بتعتبر كلامي فلسفه عاليه ...ودي في حد ذاتها شهادة أعتز بيها ...
وبالنسبه لسؤالك من أين أتيت بهذه الفلسفة على سني الصغير هذه؟؟
معك حق يا عم فاروق انا واحدة من شباب هذة الأيام اللي شاب قبل الأوان من الظلم اللي بيتعرض له ومحاربته بكل الطرق انه يثبت ذاته ويحقق ولو جزء صغير من طموحه ...واللي بيحاربوة هما الناس اللي أكبر منه اللي في شبابهم كان ممكن يوصلوا لطموحاتهم بأقل مجهود ..
انا فعلا ساعات بحس ان جوايا وبرايا فيه فارق زمني كبير بينهم اللي برا شابه في عز شبابهامرحه منطلقه لكن اللي جوا انسانه حاسه بالظلم والقهر ونفسها تاخد حقها في الوظيفه اللي تستاهلها واللي تعبت سنين عشان توصلها دراسات عليا وأبحاث وجهد و...و...و
وجات ناس تانيه خدت مكانها لمجرد انها بنت فلان وعلان ...الاحساس بالظلم صعب قوي ...باشكرك
واتمني مزيد من التواصل
لو وقت حضرتك يسمح ...
من فضلك ممكن اطلب ايميلك ؟
:)
ازعل ازاي يا استاذ فاروق وحضرتك ذاكرني ضمن مدونين محترمين ..
كما ظننت بي الخير ... واتمنى ان اكون عند حسن الظن
دمت مبدعا :)
تحياتي
يا عينى عليكى يا بلدى
صدقنى يا استاذ فاروق انا حزينة وخايفة من بكرة واللى هيحصل
طبعا تحية لحضرتك ولقلمك الراقى
حلوة قوي قوي قوي يا فاروق بجد
البنفسج الحزين ...
لقد أسعدنى ردك جدا لأنى كنت أحس جواك الكثير ولو عرفت قصتى فى حياتى الوظيفية
لاتختلف عنك كثيرا ولكنى كنت دائما مؤمن بالله وأن :" ماأصابك لم يكن ليخطئك وما أخطأك لم يكن ليصيبك " وأن " إعلم أن الأمة لو إجتمعت على أن ينفعوك بشيئ لن ينفعوك إلا بما كتب الله لك ولو إجتمعوا على أن يضروك بشيئ لن يضروك إلا بشيئ قد كتبه الله عليك رفعت الأقلام وجفت الصحف" صدق رسول الله صلى الله عليه وسلم" جزء من حديث بن عباس رضى الله عنه وأعرف أنك مؤمنة ولكن تحلى أكثر بالصبر وسوف تنالين أفضلم ممما تمنيتى وإعلمى بأن الله صدق حين قال " عسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون" يعنى لانعرف مصلحتنا فين يمكن اللى زعلانة إنه ماجاش وفقدتيه هو صالح لك أكيد عموما الإيميل لى هو: faroukams@yahoo.com
وشرفتينى أختاه
فتاة من الصعيد ...
سعيد جدا إنك رضيتى عن المقطع من القصيدة وشكرا لك شرف ليا إضافتكم
Ms Venus
وحشتينا والله ووحشنا تعليقاتك البراقة القوية اللى دايما بتشجعنا شكرا لك صديقتى العزيزة "ميس فينوس " إطراءك الجميل الرائع دومتى طيبة عزيزة كريمة
هوبتى ....
أولا برحب بيكى لأول مرة عندنا وسعيد بتواجدك وأرجو أن أحظى ببعض الكلمات منك على باقى المدونتين والمواضيع الأخرى وشكرا لك شرفتينا "هوبتى" ودومتى
شعر صريح و الكلام مضبوط جدا و اول مقطع تحديدا ممتاز
واضح ان الناس طهقت لدرجة اننا اصبحنا نجاهر بلا اسقاط او مواربه لكن برضة مش كفاية لان زى ما قلت فعلا مافيش دم
عايزين ما هو أكبر و الا ح نفضل محتلين
من أروع ما قرأت عن وصف الحال فى مصر
ووصف حالتها دلوقتى
بجد تحياتى لقلم حضرتك المبدع
Tears العزيزة الغالية ....
كان نفسى تكونى أول التعليقات كنت كتبت إسمك بأبيات القصيدة وعلى كل هية ملحوقة وشكرا على إطراءك الجميل ودمتى ودام تشجيعك لينا
مرايتى ...
أهلا بيكى بمدونتى وأشكرك على هذه الكلمات التى تعطينى مسئولية فقد كنت خائفا جدا وأنا أكتبها بالأمس والسبب أنها باللغة العامية والقصيدة السابقة " فاض الكيل " كانت باللغة العربية الفصحى وكانت قوية فى وجهة نظرى وخفت أن تؤثر على هذه القصيدة العامية وتكون أقل منها والحمد لله طمنتينى شكرا لك
مرايتى ...
أهلا بيكى بمدونتى وأشكرك على هذه الكلمات التى تعطينى مسئولية فقد كنت خائفا جدا وأنا أكتبها بالأمس والسبب أنها باللغة العامية والقصيدة السابقة " فاض الكيل " كانت باللغة العربية الفصحى وكانت قوية فى وجهة نظرى وخفت أن تؤثر على هذه القصيدة العامية وتكون أقل منها والحمد لله طمنتينى شكرا لك
استاذ فاروق من فضلك افتح الميل بتاعك
البنفسج الحزين ...
تقصدى المسينجر ولا الميل العادى ياهو ماهوه مفتوح وبيستقبل على طول وشكرا
والله ياأستاذفاروق أخشي أن تظن أني أجاملك والله لن أجاملك في هذا قصيدتك أكثرمن رائعه ويكفي أنها ابكتني فقدلمست الجرح حقآ..تحياتي لك ولبراعتك فالشعرأحساس وقداحسستهالدرجه فاقت حبك لها..احسنت.
أفروديت .....
أهلا وسهلا بيكى شرفتينى وشكرا برضه على المجاملة الرائعة أنا دايما بحس إن فيه شيئ ناقص بالقصيدة حتى ولو أثنى عليها كل الناس لكن دموعك غالية عندى أوى وشكرا على إحساسك الراقى الذى لاأجد كلمات تليق بك حتى أرد على إطراءك الرائع شرفتينى كثيرا
إرسال تعليق