********************************************************************************
صحانى كابوس فظيع تقريبا قرب المغربية*لقيتنى عايز أبطل شعر وأبيع مهلبية
أومطعم معتبر أبيع فيه فول وطعمية *ولا أطبخ لحمة راس وكوارع وفتة بالتقلية
أومطعم معتبر أبيع فيه فول وطعمية *ولا أطبخ لحمة راس وكوارع وفتة بالتقلية
وعشان شاطربالطبخ حاجهزللزباين ملوخية*أصل بلدنا خلاص حاكمها شوية بلطجية
حاحكيلكواالحكاية من طأطا لسلامو علية*وعليكوا ليه وإنتوا أصلا موش سائلين فيه
أصل الحكاية حياتنا خلاص بقت مستوية
**********************************
كان ياماكان بسالف العصروالأوان حرامية*نفسهم يتوبوعن السرقة والنهب والعصبجية
قالواياناس إشهدوا علينا بحينا بالباطنية*حنبطل الكيف ونسيب السيف وولادالبربرية
ورحت معاهم الفرن أجيب عيش بالصبحية*بعشرين قرش وأكبر من كحكة العيد شوية
وبتوع التموين بينقلوا شولة دقيق بالعربية *داالقط إتصالح ويا الفار وبقوا زى العسلية
أصل الحكاية حياتنا خلاص بقت مستوية
*****************************
وإحنا نروح نتصالح مع الكلاب ونبقى سوية*وحتى بتوع المروربشارع مخنوق بسفرية
بلد مالهاش صاحب ولارابط بصبح وعشية* يارب ياللى خلقتنا خدهم بقبضتك القوية
وإرحمنا يارب من العذاب بدنيتنا المصرية*اللى مالهاش مثيل ولاحتى بالبلاد الأفريقية
وحابطل الشعر وأكون إنسان بدون عصبية*وأسيب مدونتى ومرهاوتعبهاوأعمل شركسية
أصل الحكاية حياتنا خلاص بقت مستوية
*******************************
ولاالزبالة اللى ماليه الشوارع وريحتهامؤذية*وبتمنتاشرجنيه ومافيش عمال نظافة معدية
يابلدحاكمينها قذرين والعفانة جواكومستخبية *إمتى تنضفواوأحيائكواموش زينا منسية
وعمال النظافة بتوعنابمزرعة فيلاتكم متربية*زى الغنم والمواشوالبهايم والطيورالبرية
داالناس بطلت تعيا خايفة تروح الإسبتالية*لأنها حاتموت من الإهمال والإستهتاروالبلية
أصل الحكاية حياتنا خلاص بقت مستوية
************************************
*******************************
ولاالزبالة اللى ماليه الشوارع وريحتهامؤذية*وبتمنتاشرجنيه ومافيش عمال نظافة معدية
يابلدحاكمينها قذرين والعفانة جواكومستخبية *إمتى تنضفواوأحيائكواموش زينا منسية
وعمال النظافة بتوعنابمزرعة فيلاتكم متربية*زى الغنم والمواشوالبهايم والطيورالبرية
داالناس بطلت تعيا خايفة تروح الإسبتالية*لأنها حاتموت من الإهمال والإستهتاروالبلية
أصل الحكاية حياتنا خلاص بقت مستوية
************************************
******************************************************
شعر: فاروق بن النيل ( بيخرف لما كبر بعد المرض)
هناك 22 تعليقًا:
انا اشهد انك شاطر في الطبخ يا خالو
لكن انت كمان شاطر في الشعر
ربنا يعينا يارب على اللي بيحصل في البلد
خالو بما انك شاطر في الطبخ شرفني بزيارتك لمدونتي الجديده (المطبخ)
http://walaalolo.blogspot.com/
اولا الف سلامة عليك يا استاذ فاروق من اى مرض
ثانيا ح نتعبر اخر كام جملة هزار و مش ح تسيب التدوين
اشعر بكم المرارة و الاحباط بين سطورك و افهم ان هذا طبيعي جدا فى ظل ما يحدث حولنا لكن السؤال هو و بعدين....احنا رايحيين فين؟
سلامتك من التخريف يا راجل يا طيب
نورت مدونتك ونورت الدنيا كلها
والف الف مليون سلامه عليك حبيبى يا غالى
البلوج بيرقص بالفرحه بعودتك الطيبه
الله الله
ولما انت تبطل شعر مين هيمتعنا باجمل الكلمات غيرك يا عمو فاروق يا سكره
يارب العيد يكون سعيد عليك وعلى اهلللك الكراام
وربنا يديمك عليك الصحه والعافيه وراحة البال
ياه استاذ فاروق :)
بقالي كتير مجتش هنا
واما جيت لقيتك بتعتزل الشعر وبتبيع مهلبية
ده مش كابوس على فكرة ده واقع وانا نفسي ابطل كل حاجة ومبعش ولا حاجة..
ربنا يصلح الاحوال يارب
تسلم يادك مبدع كعادتك
ياريت بجد الحال يتغير لاننا بجد صعبان علينا حالنا
حضرتك اتكلمت عن حال شعب بحاله
الله عليك
دايمآ حساس وبتحس بالغير يا عمو فاروق
دمت مبدع ودام اسمك عامر ومنور فوق بالعلالى
تحياتى ليك يا مرهف الحس
توتا
ربنا يحفظك ويبارك لك فى صحتك
وفى ضميرك الاصيل يا استاذنا
كل سنه وانت طيب وبخير وصحة وسعادة
**************
وحابطل الشعروأكون إنسان بدون عصبية*
وأسيب مدونتى ومرهاوتعبهاوأعمل شركسية
****************
قول شعر يا استاذ فاروق
واعمل شركسية وبدون عصبية ان شاء الله
ولا تترك المدونة ابدا
فانت قدوتنا فى الامل والحلم بغد افضل
اسعد الله ايامك
تحياتى وتقديرى
Dr/walaa salah
شرفتى مدونتى يادكتورة وكل العيلة بتطبخ ياولاء موش كفاية الحكومة طابخاها
وسابتها لما حمضت وعايزانا ناكلها شكرا لك إطراءك وسوف أزور مدونتك فور إنتهائى من التعليق سلامى لماما ووئام ووفاءووداد وباباووسام وصلاح وأنس وهويدا
Tears
والله ياعزيزتى لسة الفرن فاتح بعد العيد(شارع البحيرى الطالبية على بعد 100 متر من شركة مطاحن جنوب القاهرة)
والميكروباص بيحمل بعد صلاة العصر ست شولة دقيق لبتوع التموين وعجبى ياوزير التموين ياصايع يانايم على ودانك ولا يمكن مطنش وبتقسم معاهم
الله يسلمك ياغالية أنا فعلا متغاظ وكتبت الشعر من غيظى وأنا باجيب بخمسة جنيه عيش وزنهم الحقيقى مايجيش بإتنين جنيه
أتنين حبيبين
شكرا جزيلا على كلامكما الطيب ياأحبائى وموش حابطل شعر ولا مدونة لغاية ماجيبلهم صرع أو أدخل المعتقل
طالبة مقهورة..درجة أولى
فعلا والله كابوس حقيقى ودا حصل النهاردة ليا وأمام عينى بتوع التموين
بالمخبز اللى جنبنا بمجرد فتحه بعد العيد وماعندناش عيش رحت أجيب بخمسة جنيه عيش لقيتهم خمسة وعشرين كحكة قصدى رغيف والميكروباص بتاع موظفين التموين بيعبوا شولة الدقيق من المطحن وعلى بعد 100 متر من شركة مطاحن جنوب القاهرة بشارع البحيرى بالطالبية وعجبى ياوزير الطناش والتموين المتهلب بمصر المحروسة بالحرامية والبلطجية
أتنين حبيبين
توتا العزيزة والله دا حصل قدام عينى النهارده وموش حلم وكابوس دا حقيقة ربنا ياخدهم وزارة التموين والحكومة كلها
Sal
حاقول ياأستاذ صلاح وإلا حانفجر من الغيظ لأن ده شوفته قدامى النهاردة وأنا بأجيب عيش من الفرن البلدى اللى جنبى فى شارع البحيرى بالطالبية والباقى موجود بالشعر وبردى على الزملاء السابقين وشكرا لك صديقى ونورت
حمدلله ع السلامه يا عمو فاروق يا جامد
نورت مدونتك والدنيا كلها ...
قول واوصف وحشنا والله شعرك عن مصر والبلاوي اللي بتحصل فيها ربنا يسلمها ويسلمنا منها ومن اللي متولينها...
البنفسج الحزين .....
كل سنة وأنتى طيبة يا"أمل" وشكرا لك اللى رجعنى للشعر الشديد القوى وكمان من غيظى للى شفته النهارده شكرا لك
والله كله استوى يا عم فاروق بس نقول إيه ...لو قرئنا القرآن وتدبرنا آياته كنا عرفنا إن علشان ربنا ينصرنا إحنا لازم ننصره أو يستبدلنا بقوم أعزة على كل ظالم ومستبد .يارب غيرنا ولا تستبدلنا يارب....عيد سعيد عليك
كلمات من نور ....
وإنتى طيبة ياغالية فعلا " إن الله لايغير مابقوم حتى يغيروا مابأنفسهم " وقال تعالى"إن تنصروا الله ينصركم ويثبت أقدامكم" وقال تعالى"ومن يتق الله يجعل لله مخرجا ويرزقه من حيث لايحتسب" صدق الله العظيم شكرا لك أختاه بأفضفض لحسن حاتخنق وإنفجر كل البلد بقت فى عصابة بلطجية والقوانين بس للى نفسهم يعملوه لصالحهم وليس لصالح الشعب الغلبان ربنا معانا
مرحبا فاروق هلا شاركتنا ملتقى الأيمان
على العنوان التالى
http://alaaelmasryalaa.blogspot.com/
علاء المصرى كل يوم.......
لا لم أشارك وأنت زورتنى ولم تعلق أو حتى تسلم أو حتى تسأل عن صحتى أو حتى تقول كلمة بمناسبة رمضان أو العيد أو رجوعى بعد فترة كبيرة مع المرض عموما شكرا لك وكل سنة وإنت طيب
حمدلله على السلامة - من زمان لم تكتب شىء وكنت متباعد لفترة كبيرة جدا حتى أنك لم تعد تزوزنا كعادتك أكيد رمضان والعيد كان شغلك أتمنى أنك تكون قضيت أيام جميلة وسعيدة مع العائلة
وأتمنى الا تحرمنا من كتاباتك الجميلة
تحياتى لك
حمدالله على سلامه حضرتك
وطبعا الوضع محبط لكن أتمنى ألا تترك الشعر :)
تحياتي
Mona
كل سنة وأنتى طيبة
كنت مريضا بنزلة شعبية حادة لمدة شهر ونصف والحمد لله الآن عدت بهذه القصيدة بعد أن كدت أنفجر بعد العيد لما رأيته من مسئولى التموين بالفرن البلدى بجوار منزلى وإستهتارهم بقوت الناس ورشوتهم من صاحب الفرن أمام عينى
سأزورك فورا وشكرا لك
فتاة من الصعيد
أهلا بك عزيزتى وكل سنة وإنتى طيبة
وشكرا لك على إطراءك
إرسال تعليق