شريط الأحاديث
تحذير للزائرين
إذا كنـــــــــــــــــــــت إنســــــــــا نا
تكــــــــــــره الشـــــعر والشــعراء
ولاتحــــــب الصــــــريح وتحـــــب
الكــذابين والمنــافقين والأفــاقين
فأرجـــــــــــــــــوك يــــــــــــــاخى
سيــــــــبنا فى حالـــــــــــــــــــــنا
وإن كـــــــــــــنت غــــــــــير ذلك
فأهـــــلا وسهــــلا بــــك معنــــا
هناك 27 تعليقًا:
يا استاذ فاروق
صدقنى مش عارفه اقولك ايه بس واضح انك طيب و ماشفتش حاجة من البلاوى عشان كده متفاجىء
بدون دخول فى تفاصيل بس انا كنت زمان من اللى بيتقال عليهم ناشطة و كنت بنزل و اصور و ارصد و اعمل محاضر لانى عضوه فى حزب معارض محترم مش من اللى باع نفسه و كنت بشارك فى الوقفات و المظاهرات و كل ده قبل ما اطفش من البلد و اعرف ان مافيش فايدة
حتى لو نشرت كل بلاويهم على النت برضة ح يطلعوا يقولولك ان الانتخابات مثال فى النزاهة و الشرطة مثال لرعاية حقوق الانسان...عارف النظام عامل زى ايه؟
انا اسفه انى ح استخدم مثل صعب بس هى دى الحقيقة..النظام عامل زى العاهرة اللى قالعه ملط و مش هاممها حد يقول عليها كده و بتعتبره اعلان و لو قال ح تجيب اللى فيها فيه زى ما قالوا خالد سعيد هو اللى بلع لفافة بانجو فشوه ملامحه كده
لو عايز تشوف بلاوى الانتخابات فاتفرج هنا
http://www.youtube.com/results?uploaded=w&search_filter=1&search_query=%D8%A7%D9%86%D8%AA%D8%AE%D8%A7%D8%A8%D8%A7%D8%AA+%D9%85%D8%B5%D8%B1&search_type=videos&suggested_categories=25&uni=3
عايز تشوف شويه بلاوى تعذيب شوف هنا
http://www.youtube.com/results?search_query=%D8%AA%D8%B9%D8%B0%D9%8A%D8%A8+%D9%85%D8%B5%D8%B1&aq=f
من الاخر كده مافيش فايدة لا من نشر اى حاجة و لا من مظاهرات و لا فيه حاجة اسمها حياة حزبية و ما اخذ بالقوة لا يسترد الا بقوه و يوم ما يظهر فى البلد رجالة ح تتحرر و لو مش ظهر ح تفضل العصابة مسيطرة على الطرح!
Tearsالعزيزة الغالية.......
مثل صعب قوى كما قلتى ولكن برغم إن دى موش أول مرة أشوف بلاوى ومصدقك فى كل اللى قولتيه موش حايأس ولكن لحين وجود رجالة عندهم كرامة وشجاعة ودم ولابيخافوش إلا من ربنا نعمل إيه نستنى حاطين إيدينا على خدودنا ولانلطم ياخواتى قوليلى أنا شوفت عالنيت بلاوى كتيرة يعنى صناديق معبية جاهزة قبل الساعة السابعة صباحا وقبل فتح اللجنة لأخذ الأصوات والجماهير كسروا البوابة وكسروا الصناديق ومعاهم المرشح المعارض ووجدوا فعلا بطاقات معبية جاهزة مالية الصناديق لصالح المرأة العاهرة
وكمان شوفت فى بلبيس كما يقولون بالصوت والصورة وطبعا واضح إن واحد من اللجنة كان قاعد بجوار الشحط اللى عمال يملا بطاقات موافقة على شخص معين ( تبع المرأة العاهرة) وقالوا خد حطها بالصندوق وعمالين يقولوا ساوى بين البطاقات البيضا والزرقا عشان تظبتها عارف كل ده وشفته نقف نتفرج ياأختى ولا نسيب البلد للمرأة العاهرة
قوليلى ماهو الحل حتى يأتى الرجال الشجعان اللى سيأخذوا حقنا بالقوة
نعمل إيه ياتيرز نستناهم ولا إيه.
لا أظن ان هناك حل فجميع الحلول برغم أنهاتبدو يسيره ألا أنهاعسيره للغايه وصعبه وستودي بحياة الكثيرين بالرغم من انهاستضمن حياه كريمةلملايين أخرين
لقدغرقناجميعآولا ملجألنا سوي الله
والقله القليله الأشراف
تحياتي لك
السلام عليكم
لا حول ولا قوة إلا بالله، للأسف الشديد...
والله يحز في نفسي ما تلقاه مصر، وما أراه في كل الدول العربية.
استاذى العزيزى
انا مع تريز البلاوى كتير
وما خفى كان اعظم
انت عارف انالتزويرفرع من فروع الفساد
اللىبقى عامل زى الطاعون وبيطول الكل
وصدقنى الفقر والجهل والمرض طال حتى اصحاب المبادئ
وهنا الخوف بجد
وقتهاهيخطلت الحابل بالنابل
واللىعندهضمير هيموت
نظام فاسد وظالم
ربنا يرحمنامنه
وانشالله انا تحت امرك
سوف اقوم بالنشر
فى القسم السياسى فى جايدا
تحياتى
ما انا من زمان بقول مفيش فايدة
السلام عليكم
ان شاء الله هاكون مع حضرتك فى هذة الحملة
لانة لازم نكون ايجابيين
نداء للجميع من فاروق بن النيل....
لأ فيه فايدة ..........
إن شاء الله فيه فايدة.......
موش عارف ليه إنتوا بتيأسوا بسرعة ؟
حرام عليكوا دانا سنى 64 سنة وعندى أمل فيكم وفى الشباب ............
ليه بتهبطونى ياناس موش حايأس أبدا
ياناس لاتقنطوا من رحمة الله.......
هكذا الشيطان عايزكوا تقولو مافيش فايدة .......
لأه فيه فايدة واللى حايقولى كلمة مافيش فايدة مرة تانية خليه فى حاله لأنى حاعتبره من الحزب الزفت " المرأة العاهرة" كما أسمته تييرز....
هذا الرد لكل من يقوم بتيئيسى وأنا حارد فقط على كل واحد على حده.
هذا ردى للجميع بلاإستثناء.........
أرجوكم أنا عارف كل المواقع اللى فيها عذاب فى مراكز الشرطة زعارف التزوير وعارف إزاى أبحث عن أى موضوع فرجاءا خدوا الموضوع بجدية ....
اللى موش عايز يكون إيجابى مثل:
........زهرة(جنى) الإسلام...........
فعلى الأقل مايكونش سلبى يعنى مايهبطناش ولا ييأسناش ياناس
أفروديت........
أظن إن شاء الله هناك حل إذا صدقت النوايا وماكناش بنتكلم فقط من لسان موش من قلبنا
أبوحسام الدين .............
أعرف أنك غير مصرى ولكنك أخى عربى وأخى فى الإسلام ومايضرنا يضرك أكيد لذا جزاك الله كل خير على كلامك الطيب وأريدك كأخى بعد هذا الكلام أن تكون معنا كمسلم وكعربى فيم ننويه من محاربة هذا الحزب الفاشى " المرأة العاهرة" كما إتفقنا على تسميته بدلا من الإسم الذى لايستقونه والله الذى لاإله غيره لن أسميه بعد هذا اليوم حتى أمام العفريت الأزرق إلا " حزب المرأة العاهرة" شكرا لك صديقى ومنتظر الرد
جايدا العزيزة الغالية.......
كلنا مع تييرز فى كلامها وأشكرك على تجاوبك مع الحملة وموش عايز تكون من عندى عايز الفكرة تكون فى مدونتكم وكل واحد زى مايحب يعمل اللى عليه..
شكرا جايدا على كلامك الطيب ويالا شدوا الحيل.. ربنا معاكى إنتى وأمانى ( العزيزة الغالية مصمم)
Ms Venus
لأ يافينوس أرجوكى بلاش هذه الكلمة:
" مافيش فايدة" لو كان فعلا مافيش فايدة يبقى:
إحنا عايشين ليه؟
بنتكلم مع بعض ليه؟
بنفتح مدونات ونروح نقف جنب بعض ليه؟
بناكل وبنشرب ليه؟
عايشين أصلا ليه؟
عندنا دم وعقل وقلب وكرامة ولا لأه؟
اللى بيسقف لوحده مين حايسمعه ولاإيه؟
قوليلى يافينوش لما مافيش فايدة نقعد نحط إيدينا على خدودنا ولا إيه؟
نعم أخي العزيز فاروق
"من لم يهتم بأمر المسلمين فلس منهم"
كوني لست مصرا هذا صح ولكن أتابع أحداث مصر، فهي البلد العربي الوحيد الذي أعرف عنه الكثير بعد بلدي المغرب، والحقيقة أن ما قلت هو صحيح.
أسأل الله الفرج
زهرة(جنى) الإسلام .........
لن أقول لك إلا :
جزاك الله كل خير ولن أملى عليك ماتفعل أنت حر فى مدونتك المهم كما قلت أن نكون إيجابيين ونبدا على بركة الله هذا الشهر ديسمبر حتى نهاية هذا العام والله معنا .
ياناس أنا من اليوم موش طيب .....
أنا وحش أوى وموش حاقول إلا اللى يرضى ضميرى حتى أموت وأنا راضى عن نفسى وراضى عنى الله ........
وماتزعلوش موش حاجامل حد بعد الآن حاقول الحقيقة واللى بيزعل من الحقيقة
مايلزمنيش تعليقه لأنى موش فاتح المدونة دى عشان شهرة أو مكسب أدبى أو مكسب مادى دول كلهم والحمد لله رزقنى الله بهم ولاعايز مناصب فى هذه المخروبة ( الآن على الأقل) وحانصلحها بسواعدنا وقلوبنا قبل لسانا اللى قلبه نظيف وعقله سديد وصبره كبير ربنا يقويه ويجازيه عما يفعل من خير للناس قبل الكلام ........ خلص الكلام دمتم بخير
حاضر يا استاذ فاروق اللى تشوفه
حقيقى انا باحترم روحك النبيلة التى لا ترضى بالظلم
احييك
وكلنا مع تييرز
تحياتى
عمو فاروق ...
مش هقولك مفيش فايده ...
بس انا مع تيرز تماما في كلامها والمثل اللي قالته عن الحكومه اللي خلاص فجرت ومعدش بيهمها حد لا الشعب ولا المعارضين ولا حتي امريكا زي ما كانت بتعمل حساب لشكلها قدامها زمان ...ولا العالم كله الفساد علني وعيني عينك واللي مش عاجبه يخبط دماغه في الحيط ...ووصلت في التجبر والطغيان للذروة لكن صدقني والله يا عمو انا حاسه ان دي نهايتها لأن كل شئ لما بيوصل لمداه واعلي قمه فيه بيبدأ في التحلل والانحسار وبيبدأ طريقه للنهايه (زي قوانين الطبيعه ما بتقول)فانا وعلي العكس من كل اللي حاصل متفاؤله وحاسه ان شاء الله ان نهايه اللي احنا فيه ده خلاص قربت ولازم عدل ربنا في الناس دي يتحقق ...
تحياتي وانا معاكم في الحمله ان شاء الله علي قد ما أقدر...
Sal. صديقى العزيز أستاذ/ صلاح
تحية لك أوضح لك إن المشكلة موش فى الحكومة المشكلة فينا إحنا وطول ماإحنا سلبيين حانديها شرعية لما تفعله لو كل المعارضة إمتنعت عن الإنتخابات النتيجة إنهم حايعرفوا أنهم إتذنقوا وبقوا لوحدهم فى الساحة وحاينكشفوا قدام العالم
شكرا لك
البنفسج الحزين ...الفاضلة أستاذة/أمل
غيبتى كتيرعننالعل المانع خير إن شاء الله
شكرا على كلامك الطيب وتقديرك للأمور صحيح نهايته قربت ونحن مع تييرز فيما قالته الفائدة بس فينا نحن يعنى لازم نعمل حاجة مانقفش مكتوفى الأيدى على الأقل نفضحهم وكل مايزيد صوتنا حايخرم ودانهم وحايضطروا يستجيبوا أو يخلعوا شكرا لكى
استاذ فاروق ياريت تقرأ ده
http://www.almesryoon.com/news.aspx?id=44387
تييرز العزيزة الغالية......
الرابط اللى إديتهولى بالرسالة الأولى ليس به شيئ ربما خطأ
سوف أحاول مع الرابط الجديد وشكرا لكى
السلام عليكم
كلام جميل هنكتب ماشى بس للازم نكون وقعين شويه يعنى الى هيكتب على النت للازم كمان يتكلم مع الناس فى الواقع اصحابه اهله فى الشارع وهكذا
وفقكم الله
اتفق تماما مع المجاهد الصغير
بدل الكلام يجب ان يكون هناك فعل
بدل حملتك على النت
لما لا تنزل الشوارع بحملات
ولا إحنا مش فالحين غير في الكلام وبس
ثائر
المجاهد الصغير........
كلامك جميل جدا ومافيش عندى غيرالكلام على الأقل فى وضعى الحالى " 64 عاما عامل 3 عمليات بساقى اليمنى وبامشى بعكاز عايزنى أعمل إيه ياشاب أتكلم وألا أنزل الشارع وبرضه حاتكلم بس وسط عصابتهم اللى مابترحمش عجوزا أو صغيرا عموما عندك حق يالا ياشباب شدوا الحيل وإحنا معاكم
الغير معرف ......
أهلا بيك بمودونتى صديقى وسأقول لك نفس الكلام الذى قلته للمجاهد الصغير طالم إنك تقول : أتفق تماما مع المجاهد الصغير
فين رأيك بقى ياغير معرف وليه قولته طالماتتفق تماما وليس لك رأى :
كلامك جميل جدا ومافيش عندى غيرالكلام على الأقل فى وضعى الحالى " 64 عاما عامل 3 عمليات بساقى اليمنى وبامشى بعكاز عايزنى أعمل إيه ياشاب أتكلم وألا أنزل الشارع وبرضه حاتكلم بس وسط عصابتهم اللى مابترحمش عجوزا أو صغيرا عموما عندك حق يالا ياشباب شدوا الحيل وإحنا معاكم
وكمان فالحين فى الكلام لأن دية سلاح الحكومة يافالح وإنت ليه عالنيت أصلا دلوقتى بتتجول عشان تنقد ولاإيه ياشاب يامصرى.
عمك/ فاروق ( والله أقولها لأنى سنى كبير)
موش بأكبرعليك صديقى
ابن النيل..
انا على الفيس بوك شوفت مهاااااااازل بمعنى الكلمة
حقيقي الحزب الوطني مبوظ البلد
وانا للأسف مش هقدر اشارك ف الحملة لأني نادر اما بدخل مدونات وقتي مش ملكي خالص
وكمان حفاظا على المرارة المتبقية..معنديش غير واحدة بس والله :)
ربنا يكون في العون
طالبة مقهورة درجة ممتازة.......
عذرك معاكى وربنا معاكى ويكفى تشريفك لناوشكرا لكى تواجدك وإهتمامك
إرسال تعليق