!*! نظيف والأشكيف *!*!
**************************************************************
خلص الكلام وماتت الأحلام ومابقاش فينا واحد عفيف
وإتفرقت الأحبة وهربت الصحبة لما جه يمسك نظيف
وطلعت بره أمشى أتلفت وبقت الحياة شيئ سخيف
بلد مافيهاش أمان كل يوم يصغر فيها الرغيف
الحياة إتبدلت الذليل صبح عزيزوالعزيز إتذل وبقى شيئ مخيف
حتى حكامنا مغتصبين ضيعوا شرفنا على كراسيهم بتزييف
جالهم منافق بيزيف الحقايق ويصدقوها ساقى القوم الشريف
الشيئ الغريب إنهم أسماء بلا مسمى وعز الخنفس الحريف
وحديده بالدخيلة بيصهره عشان بإذن الله حايطلع منه خفيف
لأنه حايستحمى فيه ويصبح رماد ومن نار جهنم ألطف يالطيف
وكلهم بينافقوا ولد عايزين يخلوه يعلا بالعافية ولد الأشكيف
من صغرى عام سبعين كنت عسكرى ونفسى أبقى عريف
دلوقتى كرهت العسكروالميرى لأنها عصاهم للقهر والتخويف
داشيئ بقى مقرف وماسخ وكتر شبابنا العاطل عالرصيف
مصرغاب عليكى الربيع إمتى فصل الزوابع ينتهى والخريف
إمتى يروح الذل من حياتنا والخوف والإهانة والقهر العنيف
ويخف عن كاهل كل غلبان الغلا والمرتب يكفى المصاريف
ويغورمنافق وبلطجى وحرامى ونتشجع ومايكونش فينا ضعيف
ويصحى النايم ويتحرك السلبى حتى الأموات حاسين بالسفيف
داربك خلق لنا أربع فصول خريف وشتا وربيع وصيف
عايزينا ليه نفضل عايشين بالجزمة وبالذل وكأننا بكنيفكرهتونا بعيشة الحضر بالمدينة روحنا نهرب لأهلنا بالريف
أونفضل نجسا زيكم وندخل ونخرج منها من غير تشطيف
لقيناهم واقفين بطوابيربطلوا يخبزوا والنطع عندهم بقى شريف
طبعا تبع حزبهم اللى فى كل بيت علم ولادنا سوء التصريف
حكومة فتوة بنبوت ياتدفع ياإما تموت شقاوة بقلاوة داتخاريف
فاتورة كهربا ويا الزبالة ياحلاوة تسرقنا عينى عينك كله تكاليف
مليارات تسرقها هيئة النظافة والكهربا متفقين داسحت وتسويف
هوه ياناس إحنا عايشين بغابة ولا كلومبيا ولا بجزر مالديف
الفتوة بيقول إدفع الإتاوة دوغرى وإلا حتتحول لشخص نحيف
طبعا من التعذيب بالسجون والجوع والقهر والبرد بلا تكييف
ولو عايز تصيف حايجيبولك المية بالأرضية عندك للتصييف
تاهت عنا خطاوينا مركبنا ماشى بعاصفة بلا شراع أو مجاديف
البلد بلا قانون أومبدأ وإتملت توك توك دى سبوبة سايقها الكيف
والبلطجى هوه قانون الغاب اللى ماشى بسنجه وسلسلة وسيف
عايزبعد كده تحكمنا بإيه؟ مامعكش أى سند ولا إحترام ياظريف
وصاحب البيت بقى غريب فيه وفى بلده يعاملوه كأنه ضيف
*************************************************************
تأليف المهندس/ فاروق بن النيل
فى الأحد 12/12/2010( 6.30 مساءا)
صديقى صديقتى...... ركزوا بكلمات الأغنية حاتلاقيها بتنطبق على حالنا بالضبط
"يادولة الظلم إمحى وبيدى"
**************************************************************
خلص الكلام وماتت الأحلام ومابقاش فينا واحد عفيف
وإتفرقت الأحبة وهربت الصحبة لما جه يمسك نظيف
وطلعت بره أمشى أتلفت وبقت الحياة شيئ سخيف
بلد مافيهاش أمان كل يوم يصغر فيها الرغيف
الحياة إتبدلت الذليل صبح عزيزوالعزيز إتذل وبقى شيئ مخيف
حتى حكامنا مغتصبين ضيعوا شرفنا على كراسيهم بتزييف
جالهم منافق بيزيف الحقايق ويصدقوها ساقى القوم الشريف
الشيئ الغريب إنهم أسماء بلا مسمى وعز الخنفس الحريف
وحديده بالدخيلة بيصهره عشان بإذن الله حايطلع منه خفيف
لأنه حايستحمى فيه ويصبح رماد ومن نار جهنم ألطف يالطيف
وكلهم بينافقوا ولد عايزين يخلوه يعلا بالعافية ولد الأشكيف
من صغرى عام سبعين كنت عسكرى ونفسى أبقى عريف
دلوقتى كرهت العسكروالميرى لأنها عصاهم للقهر والتخويف
داشيئ بقى مقرف وماسخ وكتر شبابنا العاطل عالرصيف
مصرغاب عليكى الربيع إمتى فصل الزوابع ينتهى والخريف
إمتى يروح الذل من حياتنا والخوف والإهانة والقهر العنيف
ويخف عن كاهل كل غلبان الغلا والمرتب يكفى المصاريف
ويغورمنافق وبلطجى وحرامى ونتشجع ومايكونش فينا ضعيف
ويصحى النايم ويتحرك السلبى حتى الأموات حاسين بالسفيف
داربك خلق لنا أربع فصول خريف وشتا وربيع وصيف
عايزينا ليه نفضل عايشين بالجزمة وبالذل وكأننا بكنيفكرهتونا بعيشة الحضر بالمدينة روحنا نهرب لأهلنا بالريف
أونفضل نجسا زيكم وندخل ونخرج منها من غير تشطيف
لقيناهم واقفين بطوابيربطلوا يخبزوا والنطع عندهم بقى شريف
طبعا تبع حزبهم اللى فى كل بيت علم ولادنا سوء التصريف
حكومة فتوة بنبوت ياتدفع ياإما تموت شقاوة بقلاوة داتخاريف
فاتورة كهربا ويا الزبالة ياحلاوة تسرقنا عينى عينك كله تكاليف
مليارات تسرقها هيئة النظافة والكهربا متفقين داسحت وتسويف
هوه ياناس إحنا عايشين بغابة ولا كلومبيا ولا بجزر مالديف
الفتوة بيقول إدفع الإتاوة دوغرى وإلا حتتحول لشخص نحيف
طبعا من التعذيب بالسجون والجوع والقهر والبرد بلا تكييف
ولو عايز تصيف حايجيبولك المية بالأرضية عندك للتصييف
تاهت عنا خطاوينا مركبنا ماشى بعاصفة بلا شراع أو مجاديف
البلد بلا قانون أومبدأ وإتملت توك توك دى سبوبة سايقها الكيف
والبلطجى هوه قانون الغاب اللى ماشى بسنجه وسلسلة وسيف
عايزبعد كده تحكمنا بإيه؟ مامعكش أى سند ولا إحترام ياظريف
وصاحب البيت بقى غريب فيه وفى بلده يعاملوه كأنه ضيف
*************************************************************
تأليف المهندس/ فاروق بن النيل
فى الأحد 12/12/2010( 6.30 مساءا)
هناك 33 تعليقًا:
والله ياباشمهندس
الأحوال بقت مقلوبة
وتدمي القلوب والأقلام
وقد عبرت عنها ببراعة وصدقت
سلمك الله
أشكرك وأشكر لك مرورك وكلماتك الطيبة
دمت بود
ماما أمولة...........
شرفتينى وسعيد أن يكون تعليقك هذا المميز أول تعليق على هذه القصيدة ضمن حملتى التى بداتها منذ بداية شهر ديسمبر وحتى بداية العام القادم شكرا لكى
الوزارة الجديدة برئاسه نظيف برضه
عجبني جدآ البيت ده
"مصرغاب عليكي الربيع ..........
جميله ياأستاذلكن بتفكرنابضعفناوعجزنا
تحياتي لقلمك الذي يعي مانحن فيه
مع الأسف بقينا ماشيين بمبدأ خالف تعرف
لإمتى بقى ولفين رايحين بينا
الله اعلم يا عمو فاروق
أفروديت .........
شكرا على كلامك الطيب وإطراءك الجميل وتشجيعك المستمر
كلمات من نور..........
ربنا يخلصنا من الخلاف وإن شاء الله طرقنا قريب يتحدد شكرا لكى
السلام عليكم
ياااااااااااااااااااه بجد قوبنا وجعتنا من كتر ما شفنا ومن اللى بنشوفه
شكرا لحضرك ع طرحك
المشكلة مش فى نظيف لان اللى قبله و قبل اللى قبله كانوا شرحه..دى عصابة حاكمة
المشكلة فى الشعب الذليل اللى مش فاهمه مستنى ايه عشان يثور
مدونة رحلة حياة......
أشكرك وشرفتينا وجزاك الله خيرا على تواجدك
مدونة رحلة حياة......
أشكرك وشرفتينا وجزاك الله خيرا على تواجدك
Tearsالعزيزة الغالية........
لو فكرنا شوية كنا قولنا إن حسنى ونظيف وسرور وعز وجمال وعلاء ويوسف والفقى .......إلخ من الشعب موش من برة البلد ودى مصيبتنا فى نفسنا يعنى البطانة المنافقة تهيئ لحكامها سوء الأعمال فتضر الشعب :
" إن الله لايغير مابقوم حتى يغيروا مابأنفسهم"والنفس كما تعلمين أختاه أمارة بالسوء دائما إلا مارحم ربى
شكرا جزيلا على تأييدك لى
استاذ فاروق
عجبنى البيت دا
ويغورمنافق وبلطجى وحرامى
ونتشجع ومايكونش فيناضعيف
المشكلة يا استاذنا
كالعملة لها وجهان
وجه ذو حكومة وحاشية فاسدة
والوجه التانى شعب اخرس مستسلم
وما دام التانى على حاله يستاهل الاولانى
اللى يجراله
وعجبى على راى صلاح جاهين
تحياتى وتقديرى
Sal....أخى وصديقى الفاضل/ أستذ صلاح
أحييك على سرعة البديهة ومسك الخيوط
فعلا صديقى تعتمد بعض القصص والحكايات والبوستات والقصائد والأشعار على فكرة ربما كثيرون يقرأون ولايلاحظون ماتعنيه فعلا قصدت ذلك كما حللت الإنسان الضعيف هو سبب فى كل البلاوى التى تهجم على الأمة شكرا لك صديقى
قصيدة رائعة
عن واقع حزين
ربنا يصلح الحال
مع خالص تحياتى
Tamer Nabil
شرفتنى صديقى وأرجوك أن تستمتع بالأغنية بالفيديو وكلماتها الصادقة
شكرا لك صديقى وأهلا بك دائما
كلمات يا خالو دايما بتعبر عن حالنا المرير
إللي كلنا عايشينه
لكن بنعيشه مش بمزاجنا فقط مجبورين
وزارة وراء التانية مش فارقه
كلها سياسية بلد داريه
مصر غاب عليكي الربيع
تخيلت وانا أقرأ كلامك اني جالسه في مسرح
او بيت فني وهذا الالقاء امامي
قد ايه كلاماتك معبره وفيها كريشندو
يشعر قارئها بفش غليله
وصراحتك تدل علي شجاعتك
تقبل مروري
السلام عليكم
اللهم نجنا من القوم الظالمين
والله يا استاذ فاروق البلد من سوء الى اسوء ياعنى مافيش اى تقدم ومافيش امل يكون فى اى تقدم لان مافيش حد بيحكم البلد دى وبيحبها بجد يعنى هنفضل من وحش الى اوحش
ربنا يسترها علينا فى الايام الجايه
دمت بخير
أختك جميله المصرى
د/وداد حبيبتى..........
شكرا جزيلا ويالا شدى حيلك عشان تخلصى الدكتوراة وتناقشيها وشكرا لكى تغيير الوزرا موش فارقة طالما إحنا زى ماإحنا
كارولين فاروق .........
إسمك جميل وسعيد جدا بتواجدك عند بابا فاروق لأول مره شرفتينى وكلامك تاج على رأسى لا تحرمينا من زيارتك وأرجو أن تكونى عضوه بمدونتى لأنى فورا ذاهب إلى مدونتك وشكرا
جميلة المصرى ...........
إن شاء الله تتفك الأزمة طول ماإحنا عندنا أمل وماتقوليش مافيش أمل دانتى جميلة وكمان مصرية فإزاى تقولى مافيش أمل الظلم إن شاء الله سينتهى لسبب واحد أن الله لايرضاه حتى للكافر فكيف يرضاه لمسلم لن أقول مؤمن شكرا لكى لاتفقدى الأمل عزيزتى
هقول كلمة واحدة بس
لكِ الله يا مصر
ولنا الله جميعا
Ms Venus / العزيزة الغالية ....
خير الكلام ماقل ودل يافينوس
فعلا لكى الله يامصر
شكرا لكى
استاذ فاروق
فكر واسلوب رائع ما شاء الله عليك
تقبل تحياتي العطرة
العيب مش فى الحكومة فقط بس بل وفى الشعب المتواكل والمتخاذل فى كل المجالات وده رأى.
karmen
البراعة موش فى الكلمات دى فى اللى بيقروها ويفهموها ويقدروها شكرا جزيلا على إطراءك الطيب
Mona
فعلا لو كان دا شعب عنده دم تلتينه موش موافق عليهم وبرغم من كدة نايم ولاعنده دم ولا كرامة
ربنا يسلم شكرا لكى منى
اتفرج وشوف اللى على راسهم بطحه
http://www.masrawy.com/News/Egypt/Politics/2010/december/13/zakria_azami.aspx
تعليقات الناس على الخبر كافية و وافية :)
Tearsالعزيزة الغالية........
زرت الموقع ورأيت الفيديوهات وحاولت أن أنزل بعضها ولم أستطع ولكنى لم أرى تعليقات وقمت بكتابة تعليق لو قرأه الأشكيف لوقع من طوله دالو كان عنده دم أو قلب أصلا .
شكرا لكى عزيزتى
والله اخى فاروق
حالنا لا عاد يسر عدو ولا حبيب
بس العيب مش فى الحكومه بس
فيه مثل بيقول يافر عون مين فرعنك
قال ما لقتش حد يهدنى
احنا كده
انكسرنا واستسلمنا وبنبكى
كلماتك جميله دخلت الى القلب
دمت دائما عظيم اخى
تحياتى
جايدا العزيزة الغالية.........
فعلا كلامك صحيح ولو صبرتى شوية حاتلاقة الرد على كلامك بالقصيدة الجديدة اللى خلصتها دلوقتى وحانشرها فورا الآن وشكرا لكى
كلامك بيحكي الواقع للاسف يا خالو
ربنا يرحمنا
مشكور يا خالو على كلماتك الجميله
Dr/walaa salah حبيبتى
الواقع أمر ولاأستطيع أن أحكيه بصدق
هى تشبيهات فقط شكرا لكى حبيبتى...
خالو/ فاروق
إرسال تعليق