***!*!جاوبونى على الأسئلة!*!***
من فضلك أجب على الأسئلة
أو على الأقل على سؤال واحد
************************************************
فهمونى فيه أسئلة بتراودنى مالهاش إجابة عندى ياجماعة؟!
ليه حياتنا دايما مالهاش طعم ولاريحة ولاشكل وبقت ملتاعة؟!
والصراحة فى بلدنا ليه تزعل والنفاق بنتنفسه بكل بلادة؟!
وليه كل واحد فينا له رأى و مابنتفقش على شيئ بساعة؟!
وليه العصبية بقت تجرى بدمنا وبتخش ويانا دورالعبادة؟!
وليه بنلاقى مشاكلنا مالهاش حل وحياتنا عايشينها بفظاعة؟!
وليه مابنقعدش بيوم بعقل نتناقش مع نفوسنا بحق ياساده؟!
وليه كل واحد فينا عايز يثبت للناس وحده يملك الشجاعة؟!
وليه ياناس فرعون أصلا فى بلدنا إتفرعن وبقت عنده عاده؟!
وليه صار البلطجى يقدر يبرطع وينشر الفساد جوانا بنطاعة؟!
وليه إحنا بقينا سلبيين مالناش قوة ولا رأى ولا حتى إرادة؟!
وليه الحر فينا يقبل على نفسه الذل والظلم والصياعة؟!
وإحنا ليه دايما شاطرين نتكلم وننصح وحياتنا قهوة سادة ؟!
وليه مانغيرش نفوسنا قبل ماننصح غيرنا ونبطل نخاعة؟!
هل إحنا ماشيين صح وبنقدر نكون لنا على وطنا سيادة؟!
وهل الإستقامة هى طريقنا نطبقه على ولادنا وياالرضاعة؟!
وهل ضميرنا موش مرتاح وموش حاسين جوانا بسعادة؟ّ!
وهل لو شوفنا حد غيرنا بيغلط بنقوله مايصحش بلا شفاعة؟!
وهل بنزعل لو حد قام نصحنا أو ينقدنا ونرد نقوله: بزيادة؟ّ!
وهل لما مابنلاقيش سبب مقنع للحل بنعلق الفشل بالشماعة؟!
وهل راضيين على بناتنا يمشوا شبه عرايا كأنهم بعد الولادة؟!
وبنقول مايهمش دى موضة وتطور وهوه لبس آخر خلاعة؟!
وهل لما نشوف حد بيظلم واحد ونقدر نساعده نسدعينا برماده؟!
وليه لماما يختفى واحد فجأة بالشارع بندور عليه بالبلاعة؟!
وليه كل واحد حاسس إنه غريب عن وطنه وإنها موش بلاده؟!
وليه عندنا الندالة والجبن والسلبية والمشى جنب الحيط مناعة؟!
وليه العدل والحق والصدق موش عايزين نعلقه بصدورناقلادة؟!
وليه كل واحد بعربيته بالشارع حاسس إنه واخد حقه بدراعه؟!
وليه المصرى تلاقيه مابيروحش الشغل بتاعه أبدا فى ميعاده؟!
وليه كل واحدمنا يمشى بخيلاء وكأنه مافيش زيه وفاردقلاعه؟!
وليه كل واحد بيحكمنا مابيسيبش كرسيه إلا بالقتل أوبالإبادة؟!
وهل إحنامحتاجين عشان ناخد حقوقنامنهم لتليفزيون أو إذاعة؟!
وليه كل واحدبيحكم فى مجتمعناالعربى عايزيركب وراه ولاده؟ّ!
وليه فاكرنا حمير ببردعه ولا تكية أبوه ولازم نستعد لصراعه؟!
فهمونى دية أسئلة بتراودنى مالهاش إجابة عندى ياجماعة؟!
****************************************************
تأليف المهندس/الشاعر فاروق بن النيل
فى الثلاثاء 14/12/2010م(8 ن المحرم 1432هـ)
الساعة التاسعة والنصف مساءا
هناك 34 تعليقًا:
للأسف يا خالو مفيش غير إجابة واحده ممكن ترد على كل أسئلتك دي
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
وتفسير هذه الآية الجميلة التي تلخص حياتنا
تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر ، ومن شر إلى خير ومن رخاء إلى شدة ، ومن شدة إلى رخاء حتى يغيروا ما بأنفسهم ، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط ، والتفرق وغير هذا من أنواع العقوبات جزاء وفاقا قال سبحانه : (وَمَا رَبُّكَ بِظَلامٍ لِلْعَبِيدِ)
لنا الله يا خالو
تحياتي لك
د/وداد حبيبتى ........
سعيد جدا إنك تكونى أول واحدة تعلقى على هذه القصيدة اللى لسة مخلصها دلوقتى ياقروبة بسرعة عرفتى برغم إنها بتاخد 6 ساعات حتى تظهر عند المدونين لكن عندى بتظهر مباشرة وشكرا لكى على تعليقك بأحترم إجابتك وهى فعلا صحيحة برغم إن كل سؤال له إجابة
هههههههههه
اصل أنا عرفت من البوست إللي فات انك بتقول هتنزل دلوقتي حالا بوست جديد
فدخلت مدونتك لقيتك فعلا طرحته
قلت احجز اول رد
وأتشرف بردود المدونين عليك
د/ودادحبيبتى.....
يبقى برضه إنتى مستقصدانى لأن البوست اللى فات المفروض صاحبته "جايدا" لو زكية كانت نزلت تعليقها قبلك لأنه رد عليها بس جدعه يابت طالعة لخالك
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
جوابي الوحيد يا عمو فاروق إننا افتكرنا ديننا مخلصنا ومنجينا وتمعنا في الإستنطاع والتواكل ولا صك الغفران
تعمل ايه بقى الا اننا لازن نتغير ونتصلح
ييياه كل دى اسئلة و تقليب مواجع
طبعا صعب الواحد يرد على واحد واحد لكن ممكن نقول ملخص
احنا عندنا مشكلة فى التعليم و ده نتج عنه قله وعى بالحقوق عموما و لدينا ميراث كبير من الخوف ناتج عن القهر و الذل و الظلم و تراكمات الحكم المستبد و ا ستخدام العنف من الحاكم ضد الشعب لقهره...المعتقلات عندنا من قديم الازل و فى مصر تم افتتاح اكبر متحف لادوات التعذيب فى العالم
http://www.youm7.com/News.asp?NewsID=242296&SecID=12
و ده ادى لسلبية الشعب و ان كل همه بس يقدر يعيش بالحد الادنى و دايما فى صراع او مربوط فى ساقية و بالتالى اعصابه مضغوطة و عصبى و عنيف على بعضه و بيدعى العلم ليعوض النقص بداخلة الناتج عن قله حيلته
الحال ممكن ينصلح لو عندنا حاكم عادل بيحب مصر و بالتالى ينصلح التعليم و يتوفر العمل و يسود العدل نسبيا فتنصلح الشخصية المصرية
لكن المعضلة كيف يأتى هذا الحاكم و كل الابواب مغلقه بالحديد و النار...نحن محتلين احتلال مصرى و مقدرات الدولة و ثرواتها بيد عصابة لم يختارها احد ولا يملك احد تغييرها بلا سلاح لانها مسلحة و نحن عزل تماما
كلمات من نور...........
شكرا لكى فعلا كل واحدله شخصيته وطالما أنكى إتخذت القرآن الكريم وإحدى آياته حلا فإن شاء الله كما قلت لدكتورة وداد فى إجابتها الخير فيكى أختاه وفيكم معشر النساء المؤمنات القانتات السائحات الثيبات والأبكارا وشكرا لكى
Tearsالعزيزة الغالية.........
لاتحزنى ... تفائلى ... والله الذى لاإله غيره ستفك هذه الأزمة إن شاء الله...
عارفه أنا متفائل ليه.........
عشان فيه ناس فى البلد دية لسة عندهم ضمير وهمه موش قليلين تلتين الشعب المصرى حسب إحصائياتهم الظالمون لم يحضروا ويشاركوا بالمهزلة.........
كمان واحده مثلك حزينة من قلبها على بلدها والظالم طول مافيه مخلصين مثلك بيرتعد همه اللى خايفين موش إحنا لأننا عزل ومع ذلك مرعوبين مننا .......
صحيح أننا لانفعل شيئا إلا الكلام والكتابة والدعاء والصلاة لله ليل نهار
والله صديقتى لايحب الظلم لعباده حتى ولو كانوا كفارا فمابالك إذا كانوا مؤمنين به رب السموات والأرض إنه هو المنتقم الجبار" ولاتحسبن الله غافلا عما يعمل الظالمون إنما يؤخرهم ليوم تشخص فيه الأبصار" صدق الله العظيم
إن الله لايرضى الطلم لعباده .
شكرا لكى عزيزتى على إجابتك
ياه اسئله كثيره جدا
انا نفسي نفسي اسئلها
وعندما نحتار
نقول طب وبعدين
احنا محتاجين وقفه
وموقف حاسم بس مش
بالعنف محتاجين
نحتج كلنا عايزين
نحتج بس ناقصنا شيء
واحد
قائد يقود هذا
امثال سعد زغلول
واحمد عرابي
ولكن هناك اكيد امل في هذا
لان الزمن بيعيد نفسه
اكيد في امل
تعليقى الوحيد هو
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
والأسئلة كثيرة ومتنوعة
وقد علقت على تعليقك فى المدونة عندى
تحياتى ياأستاذنا
تييرز العزيزة الغالية.......
دخلت على الموقع( اليوم السابع) وقرأت موضوع الدكتور محمد عبد الوهاب المؤرخ المصرى الأمريكى الجنسية والذى يعمل متحفه بالمريوطية بمحافظة الجيزة لأدوات التعذيب الذى إستخدمها الحكام والمخابرات بالعالم فى جميع العصور وقد كلفته هذه الأدوات كما يقول ملايين الدولارات وسيفتتح معرضه قريبا
شكرا لكى
الأستاذة الفاضلة منى........
كما تعودت ذهبت أولا لأقرأ تعليقك عندك على تعليقى لأنى خشيت أن تكونى زعلانة والحمد لله كان ردك يثلج صدرى شكرا لكى على الرد على تعليقى وكذا أشكرك على إجابتك التى لايختلف عليها إثنان وشكرا لك مرة أخرى وشرفتينى
كارولين فـــــــــــــــــــــــاروق
شكرا لكى على تواجدك فعلا القائد له تأثيركبير على الشعب ولكنهم لايستحقونه إذا لم يسعوا إلى ذلك بالقرب من الله شكرا لكى
الاسئلة كثييرة يا استاذنا
بس بيجمعها سؤال واحد
ليه احنا كدا
والاجابة طويلة وكبيرة
انا ما اقدرش اجاوب بشكل مفصل
انما على المجمل هى عدة عوامل
من ثقافة دينية سائدة تروج لطاعة ولى الامر ...مسلمات راسخة عبر السنين تنحى الى الخضوع والمسكنة ومقولات بالية مثل اللى تعرفه احسن من اللى ماتعرفوش
الى تعليم فاشل ...الى غياب للوعى بالحقوق ...الى غياب اليقين بان الاستبداد هو اساس البلاء
اضافة الى التخاذل والخوف المستفحل فى النفوس
يعنى كوكتيل من المحبطات والتوهان
.............
اعجبنى البيت
وليه مانغيرش نفوسنا قبل ماننصح غيرنا ونبطل نخاعة؟!
لما نبطل نخاعة
ينصلح حالنا
تحياتى وتقديرى
" من غير ليه ! "
دى اعظم اغنية البلد بتغنيها فى هذا الزمان ياعم فلروق
احب اجواب علىلا سوال
فرعون اتفرعن ليه ؟
علشان ملقاش حد يلمه ياعم فاروق
العجيب ان اجابة السوال الكبيرده
هى مثل الشعب بيردده من الالف السنين
يظهر ان الشعب هيفضل طول عمره يغنى
تحياتى
اخي
دنيتنا اتغيرت
علشان القلوب بقت حجر
والااخلاق تاهت وسط زحمة البشر
والدين بقى كلام على الورق
تهنا وتاهت روحنا
في دنيا المصالح الفانية
وبعدنا عن بعضنا
واحنا حملينا خنجر نطعن روحنا
قبل ما نطعن بعض
تحياتي
أستاذنا الفاضل/صلاح....Sal
شكرا لك تحليلك وشرحك وإجابتك
عباس بن فرناس........
المشكلة إن الحكومة بتغنى علينا بجد لكن غنى الشعب فى الهوا ومالوش أى تأثير
شكرا لك
شهرزاد.......
الله عليكى وعلى تعليقك المميز ولكلامك اللى فى الصميم شكرا لكى ياشهزاد وشرفتينى
أعجبني تعليق مدام منى للغاية
وأتيت لأعبر عن خالص امتناني لتعليقك الرقيق عندي
شرفتك للغاية بحضرتك وأتمنى أن يستمر هذا الزخم من العطاء لك، كما رأيته في مدونة حكاياتكالتي نالت تقديري بألقها الشديد
دمت بكل الخير والعطاء
الأستاذ الفاضل/ أحمد شريف
كم هو شرف لى أن أحظى بزيارتك الأولى لى
وشكرا لك على إطراءك وأرجو أن تتجول وتقول لى رأيك فى كل شيئ وشكرا
رائعة ذات هدف سامي
والاجابة ع كل ده عشان احنا فعلا بعيد عن ربنا سبحانه وتعالي
تحياتي لقلمك المبدع
Karmen.........
أختى الفاضلة كما قلتى هوه ده فعلا السبب الحقيقى والإجابة عن كل الأسئلة شكرا لكى على ذكاءك وإجابة واحدة تكفى .
أخى الكريم : م/ فاروق
أحسنت لقد طرحت تساؤلات تلح علينا جميعاً
ونريد إجابة عنها ..ربما تهدأ نفوسنا قليلاً....
تقبل خالص التقدير والاحترام لشخصك الكريم ولقلمك النبيه
فهمونى فيه أسئلة بتراودنى مالهاش إجابة عندى ياجماعة؟!
ليه حياتنا دايما مالهاش طعم ولاريحة ولاشكل وبقت ملتاعة؟!
الفقر والجوع والبطاله
والصراحة فى بلدنا ليه تزعل والنفاق بنتنفسه بكل بلادة؟!
علشان ده اللى ماشى اليومين دول وبيفتح الابواب يعنى مانقدرش نقول للكداب فى وشه انت كداب
هتقف مصالحنا وتبقى الحياة هباب
وليه كل واحد فينا له رأى و مابنتفقش على شيئ بساعة؟!
وليه العصبية بقت تجرى بدمنا وبتخش ويانا دورالعبادة؟!
الميه بفلوس والنور اسعارة ذياده
ناقص ايه يبيعوا الهوى فى قزازة
وليه بنلاقى مشاكلنا مالهاش حل وحياتنا عايشينها بفظاعة؟!
علشان فيه ناس بتعانى من المجاعه واحنا واقفين نتفرج ببجاحه
وليه مابنقعدش بيوم بعقل نتناقش مع نفوسنا بحق ياساده؟!
لا ن الضماير ماتت ولو اتغيرنا غيرنا مش راح يتغير
يبقى لازم نشربها ساده
وليه كل واحد فينا عايز يثبت للناس وحده يملك الشجاعة؟!
علشان الزمن ده ما بقاش زمن الجماعه
وليه ياناس فرعون أصلا فى بلدنا إتفرعن وبقت عنده عاده؟!
قالو ا يافرعون ايه فرعنك رد وقال مالقتش حد يهدنى
وليه صار البلطجى يقدر يبرطع وينشر الفساد جوانا بنطاعة؟!
لان الخوف سكن قلوبنا من الجوع
وبقى رغيف العيش سبب مجاعه
وليه إحنا بقينا سلبيين مالناش قوة ولا رأى ولا حتى إرادة؟!
علشان خفنا واستسلمنا وضعفنا
وقانون الطؤارئ خلنا نمشى جنب الحيط
وليه الحر فينا يقبل على نفسه الذل والظلم والصياعة؟!
وإحنا ليه دايما شاطرين نتكلم وننصح وحياتنا قهوة سادة ؟!
حتى لو شربناها ذياده طعمه بردوا ساده
وليه مانغيرش نفوسنا قبل ماننصح غيرنا ونبطل نخاعة؟!
هل إحنا ماشيين صح وبنقدر نكون لنا على وطنا سيادة؟!
ازاى بس قولى وحكمنا اسود وديابه
وهل الإستقامة هى طريقنا نطبقه على ولادنا وياالرضاعة؟!
حتى التعليم ضاع
يبقى نطبق ايه
وهل ضميرنا موش مرتاح وموش حاسين جوانا بسعادة؟ّ!
علشان انكسرنا وحسينا بالعجز فى درنا
وهل لو شوفنا حد غيرنا بيغلط بنقوله مايصحش بلا شفاعة؟!
هيعمل ايه بس الاصم وهيسمع ازاى من غير سماعه
وهل بنزعل لو حد قام نصحنا أو ينقدنا ونرد نقوله: بزيادة؟ّ!
فيه ناس بتنش وناس بتقول دى بس حلاوة روح او مجرد عاده
وهل لما مابنلاقيش سبب مقنع للحل بنعلق الفشل بالشماعة؟!
كتير هى دى محتاجه ما احنا الشماعه
وهل راضيين على بناتنا يمشوا شبه عرايا كأنهم بعد الولادة؟!
وبنقول مايهمش دى موضة وتطور وهوه لبس آخر خلاعة؟!
ههههههههه
ما انا بقولك صرنا فى زمن الخداع والتفاق والخلاعه
وهل لما نشوف حد بيظلم واحد ونقدر نساعده نسدعينا برماده؟!
اه ولاذات لما يكون ده قصاده
يبقى فين الشهامه
وليه لماما يختفى واحد فجأة بالشارع بندور عليه بالبلاعة؟!
اهمال وسلبيات
وليه كل واحد حاسس إنه غريب عن وطنه وإنها موش بلاده؟!
لاننا متنا فيها
مظلومين
وليه عندنا الندالة والجبن والسلبية والمشى جنب الحيط مناعة؟!
عيش جبان ولا تموت اسد
وليه العدل والحق والصدق موش عايزين نعلقه بصدورناقلادة؟!
علشان اصبح مالوش تمن فى هذا الزمن
وليه كل واحد بعربيته بالشارع حاسس إنه واخد حقه بدراعه؟!
ههههههههه
علشان اختلط الحابل بالنابل
وليه المصرى تلاقيه مابيروحش الشغل بتاعه أبدا فى ميعاده؟!
كسل هو مودينا فى داهبه غير الكسل
وليه كل واحدمنا يمشى بخيلاء وكأنه مافيش زيه وفاردقلاعه؟!
وليه كل واحد بيحكمنا مابيسيبش كرسيه إلا بالقتل أوبالإبادة؟!
علشان يقدر يشربه يا اخ فاروق ذياده
وهل إحنامحتاجين عشان ناخد حقوقنامنهم لتليفزيون أو إذاعة؟!
حتى الاعلام بقى كدبه
وليه كل واحدبيحكم فى مجتمعناالعربى عايزيركب وراه ولاده؟ّ!
اكيد بيضمن مستقبلهم ويعمر جيوبهم من دم الغلابه
وليه فاكرنا حمير ببردعه ولا تكية أبوه ولازم نستعد لصراعه؟!
علشان احنا سمحنا لنفسنا نكون كده
فهمونى دية أسئلة بتراودنى مالهاش إجابة عندى ياجماعة؟!
اتمنى اكون جاوبت
وربنا يستر عليك وعليا
هههههههههههههه
تحياتى
أخي الكريم
لو لم يحدث كل ما ذكرته حضرتك لتعجبنا
وكيف لا يحدث وكل أسبابه موجودة من غياب للضمير وتواري دور الأسرة وفساد الإعلام وإنهيار التعليم وتحول حياتنا إلى حياة مادية فجة ومن قبل ومن بعد نسينا ديننا فكانت النتيجة فساد في الأخلاق وإنهيار في كل شئ
اللهم إرحمنا
شكرا لك
تخياتي
كلام جميل وهردلك عليه من وجهه نظري يا خالو
ليه حياتنا دايما مالهاش طعم ولاريحة ولاشكل وبقت ملتاعة؟!
مين قال انها ملهاش طعم ولا ريحه
لا يا خالو دي ليها طعم وريحه بس طعم ماسخ
خالي من اي حلاوه
يبقى السؤال ليه الحياه بقى طعمها كده
لان الحياه زي اللبن الصافي اقل شئ بيلوثه
وللأسف حياتنا اتملت بالملوثين اللي خلوا طعمها ماسخ
والصراحة فى بلدنا ليه تزعل والنفاق بنتنفسه بكل بلادة؟!
الصراحه بقت تزعل لانها اصبحت عمله نادره اوي
قليل اوي لما تلاقي حد صريح
عايز تروح لواحد منافق وتكلمه بصراحه وميزعلش
صعب اوي يا خالو
اكيد هيزعل ويمكن يتهمك انت بعدم الصراحه
وليه كل واحد فينا له رأى و مابنتفقش على شيئ بساعة؟!
لاننا مبقيناش نثق في حد
خلاص كل واحد ماشي بدماغه
انعدام الثقه والامان السبب في ده يا خالو
وليه العصبية بقت تجرى بدمنا وبتخش ويانا دورالعبادة؟!
عشان دلوقتي مش هتعرف تاخد حقك لو بقيت هادي
لازم تزعق وتتعصب عشان تعرف تاخده ولو عرفت يبقى احمد ربنا
وليه بنلاقى مشاكلنا مالهاش حل وحياتنا عايشينها بفظاعة؟!
لاننا دايماً متشائمين
بنبص لنص الكوبايه الفاضي وبس
بنبص لمشاكلنا ومبنبصش لمشاكل غيرنا
وليه مابنقعدش بيوم بعقل نتناقش مع نفوسنا بحق ياساده؟!
دي بقى معروفه عشان كل واحد فينا فاكر نفسه انه هو الصح والباقي غلط
عايزني اناقش نفسي في ايه وانا صح على طول ههههه
وليه كل واحد فينا عايز يثبت للناس وحده يملك الشجاعة؟!
لأننا للاسف مبنحبش اللي يواجهنا بعيوبنا
عشان كده بنسبق ونحاول نثبت للناس العكس
وليه ياناس فرعون أصلا فى بلدنا إتفرعن وبقت عنده عاده؟!
عشان بإختصار ملقاش حد يوقفه عند حده
وليه صار البلطجى يقدر يبرطع وينشر الفساد جوانا بنطاعة؟!
عشان بقينا نرفع شعار الجبن سيد الاخلاق
بقينا نسيب البلطجي يعمل اللي هو عايزه واحنا بنتفرج عليه
وليه إحنا بقينا سلبيين مالناش قوة ولا رأى ولا حتى إرادة؟!
ممكن تقول ده بسبب الصدمات يا خالو
قلنا كتير رأيينا ومحدش سمعه
بقى عندنا نوع من اليأس والسلبيه
لي رجعه يا خالو لتكمله الاجابات بس ادعي اني افتكر عشان انا بقيت نسايه اوي
أستاذ محمد الجرايحى......
شكرا جزيلا على تعليقك وإجابتك
عايدا ( جايدا) العزيزة الغالية....
أعجبنى جدا إجاباتك وماكنتش عايز أتعبك أنا قلت لكى ممكن تجاوبى سؤال واحد على الأقل لكنك مصرة على الإجابة على كل الأسئلة بنت شاطرة عايزة تاخد أعلى الدرجات وكمان مخلصة ربنا يكرمك ويجعل حياتك سعيدة وتخلصى من الهم اكبير قريب أوى إن شاء الله دومتى أختاه
Atef Shahin
شرفتنى وأهلا بيك وشكرا على تعليقك وكلامك المميز ودمت صديقى
Dr/walaa salah حبيبتى الغالية ...
على فكره ماكنتش عايز أتعبك كان كفاية الإجابة على سؤال واحد وبرغم علمى إن كل سؤال له إجابه تخصه لكن فى النهاية ممكن إجابة واحده تكفلى......
وهيه وداد القروبة قالت إجابة واحده تشمل الكل لو كنا فعلا نغير نفسنا كل شيئ حانصلح" إن الله لايغير مابقوم حتى يغيروا مابأنفسهم " صدق الله العظيم شكرا لكى حبيبتى ....
خالو/ فاروق
إرسال تعليق