السفارة !!!ولعت بالعمارة
********************************************
********************************************
فى يوم الجمعة الموافق التاسع من سبتمبر عام 2011 م وفى جمعة تصحيح المسار قام شباب الورد والنسيم العليل شباب مصرونهر النيل شباب الكرامة الأصيل شباب العز والكبرياء الجميل بتحطيم الجدار العازل الذى بنته إسرائيل أمام سفارتها بمصر ولم يكتفوا بذلك بل صعد شاب منهم لينزل العلم الإسرائيلى بعد أن أنزله من قبل الشاب أحمد الشحات بشهر أغسطس بل قاموا بإقتحام السفارة وألقوا باوراق الأرشيف بالشارع تتطاير بالهواء وهرب سفير إسرائيل إلى مطار القاهرة لتنقلة طائرة خاصة إلى إسرائيل أرأيتم شعبا بالعالم كله فعل ومارس الديمقراطية والسياسة والحرية والدبلوماسية كما مارسها هذا الجيل الرائع الذى فعل مالم تفعله قوة أو حكومة أو مجلسا بعد ثورة 25 يناير 2011م فلك التحية والإجلال ياشباب وشعب مصر
****************************************************************
قصيدة " السفارة !!! ولعت بالعمارة"
الله عليك !!!! ياشباب النيل !!!*!!! تسلم إيديك ياخد الجميل
أقولك إيه!!!! وأكافئك بإيه !!!*!!!قمت وثرت وعملت المستحيل
سياسة وحرية!كرامة وديمقراطية!*!غضبتك هرَّبت سفيرإسرائيل
مين يقف قصادك !؟ مين يتحداك؟!*! نهايته حتما مع عذرائيل
الله عليك ياشباب النيل
سنين فاتت من غيرتغيير!!!*!!!حكومات راحت بزعيق وصفير
العالم كله منك يتعلم !!!*!!!إزاى حررتنا بميدان التحرير
طردت مبارك فرعون مصر!*!قبل مايخلينا نتحول لحمير
رفعت راسنا لفوق السما!!!*!!! رجعت الضحكة لصغيِِّر وكبير
الله عليك ياشباب النيل
الولاد بجمعة تصحيح المسار !!!*!!! مشيوا بمصرعكس التيار
راحوا دوغرى على السفارة !!!*!!!وقدام العمارة هدمواالجدار
وولعت الدنيابمصرالمحروسة!!!*!!! ليلها إتحول يوميها لنهار
وإقتحمواالسفارة محاشهومش حد!*!! ورقها طاير ومولعة نار
الله عليك ياشباب النيل
قولولى بالدنيا زيهم مين!!!*!!! عيال جدعة ولاد حلويين
فكرتونى ياأبطال من سنين!!!*!!! بألمانيا سنة تسعة وسبعين
شوفت عندهم سوربرلين!!!*!!!الألمان مارديوش يبقوا متفرقين
هناك إخوتهم بالغرب عايشين!*! وهمه خلوهم ألمان شرقيين
الله عليك ياشباب النيل
راحوا بعدها قايمين ثايرين !!!*!!! على النظام وكل الحاكمين
هدواالسوراللى يفرق ملايين!!*!!كل الأهل والصحبة والمحبين
ساعتها كنت ضمن الفرحانين!!*!!ولماهديتواجدارالإسرائيليين
عرفت إنكواأحفادصلاح الدين !!*!!وإن شاءالله تحرروافلسطين
الله عليك ياشباب النيل
***********************************************************
تأليف المهندس الشاعر/ فاروق سحير ( فاروق بن النيل )
فى يوم جمعة الموافق 9 من سبتمبر 2011 م
هناك 20 تعليقًا:
استاذى
قلبى كان بيرفرف من الفرحه مع كل ورقه بطير من سفارتهم
وكان بينبض بفرحه مع كل جزء بينزل من الجدار
بعد النهارده شباب مصر هو اللى هيف ويرد الطعنه بالف
صورن بخاطرتك ما حدث على ارض الواقع وابدعت فى الوصف
دمت دائما مبدع تحياتى
عايدا ........
دايما أنت الأولى ........
والله عدة مرات أمس وأول أمس بأحاول أنزل تعليق عندك وكذا منى وطبعا ( تييرز )- ومحمد الجرايحى مافيش فايدة
العجيب تعليقى نزل عند صديق لنا غايب من مدة ورد عليا والحمد لله هوه بخير ( بنى غازى - ليبيا ) طبعا أستاذ صلاح(Sal)
شكرا أرجوكى حلى اللغز لأنى كلما ذهبت للتعليق يقولى غير مسموح لك ليس لك حساب جارى عند بنك حضرتك إرحمينا
أستاذنا الكريم : فاروق بن النيل
هؤلاء الشباب هم الأمل ورغم كل محاولات التشويه......
وأحييك على طرحك الرائع والمعبر بصدق عن روحك الطيبة
حفظك الله ورعاك
أستاذنا/ محمد الجرايحى..............
أشكرك على كلامك ...........
أنا بأعتبر مافعله الشباب رسالة ورد فعل من شعب مصر إلى إسرائيل التى عاثت بالأرض فسادا وقتلت ماشاءت من جنودنا وضباطنا دون رد رادع أو حتى رد من المجلس العسكرى مناسب وأنا برغم من ردود أفعال الحكومة والمجلس ضدهم فأنا أرى أنهم أفضل من هؤلاء جميعا وأعترض على مافعله البلطجية فى وزارة الداخليةومديرية أمن الجيزة بنفس اليوم وشكرا لك .........
على فكرة موش عارف أعلق عندك لأن الرد بيقولى مالاكش حساب عندنا فأرجوك إفتحلى حساب بالبنك عندك وشكرا
السلام عليكم
ابى م فاروق
دايما بلاقى عندك توصيف للى بيحصل
انا كنت مستاء جدا من بناء الجدار وعارف ان دا شئ مستفز
ولما اتهدم استأت عشان عارف ان دا شئ مستفز
مش عشان مش عاوزه يتهد لا عشان بندى لحد مالوش لازمة مبرر ان يعمل فوضى وفتنة فى البلد
ننتهى من الحاجات الرمزية والتخريب والهدم والحرائق ونركز فى الشغل والجيش يلتزم بتسليم السلطة ويتشد على ايد الشرطة لحد ما تأدى دورها ولو مش عاوزين يتحاكموا على كدا عشان بلدنا تستقر ومتفضلش فوضى طول العمر
دومت بخير
ولدىالعزيزمحمدمتولى"مدونة رحلة حياة
معك تماما فيماقلت ونحن نحتاج لإستقرار والأمن أكث من أى شيئ آخر ........
لكن !!!!!!!!!!!!!!!!!!!!!!!!!!!
هل ياترى لو خرجت ن بيتك ووجدت حجارة موضوعة أمام بيتك ، ماذا تفعل؟
لو خرجت من بيتك رايح شغلك ووجدت كلب سعران جالس أمام بيتك يمنعك من الخروج بطمأنينة، ماذا تفعل؟
لو خارج من بيتك ولقيت بلطجى واقفلك
بسنجة أو سيف أو بلطة أو سكينةأو حتى مسدس ، ماذا تفعل؟
أترك لك الجواب ولدى وشكرا عى تواجدك
وسعيد بتعليقك وأنك وجدت شيئا مفيدا يستحق القراءة، شكرا لك
أستاذ الكريم : فاروق بن النيل
صراحة أنا أتعجب مما يحدث لك فى التعليق فى مدونتى ولاأعرف لها حلاً
أرجو الإفادة
أستاذنا الفاضل محمدالجرايحى...........
فعلا حدث ويقول لى الرد : ليس لك حساب
عندنا وجايدا العزيزى ذلك وفشكوزوول
وأفروديت والوحيد الذى يقبل تعليقى هو صلاح من بنى غازى " ليبيا " Sal"
شكرا لك جزيلا ...........
السلام عليكم ورحمة الله وبركاته
تحياتى وكل سنه وانت طيب
وحشتنى خالص والله ومن شهور وانا تايه لايص مش عارف اكلم ولا حد يكلمنى لحد ما الواد الامير الازهرى عمل لى المدونه دى بدلا من فشكووول الاولى اللى ضاعت وغرقت فى البحر ولا عرفتش انقذها وقاعده لوحدها بزورها زى الغريب
وبعدين يا حبيبى انت تيجى تغلس على زى ما انت عايز هو انا اقدر افتح بقى ولا اقول كلمه واحده
ويا حبيبى مش عاجبنى .. بس امرى لله عشان خاطرك عاجبنى .. وخصبن عنى وعن اللى يتشدد لى عاجبنى ..
شكرا على الزياره يا حبيبى كنت فاكرك نسيتنى
تحياتى
فشكووووووووووووووووووووووووووووووول
شكرا على تواجدك ومايهمكش تروج مدونة
وتيجى أخرى ......
أهلا بيك ياريس
فشكوووووووووووووووووووووووووووووو
لهوه أنا أقدر أغلس عليك أو أنساك ياريس دانت وحشتنى جدا وكنت بعيد عن المدونة لمدة خمسة أشهر
بالتوفيق والسداد
تحيتي ومودتي
أستاذنا الكريم:فاروق سحير ( فاروق بن النيل )
أرجو ألا تعاود الغياب من الجديد فى انتظارك
محمد ملوك ..........
حياك الله وشرفتنى
وشكرا لك
أستاذنا الفاضل / محمد الجرايحى ...
نحن لانسى الأحبة فى الله وإذا بعدنا عنهم فهم فى قلوبنا .........
شكرا لك وحياك الله ياأخى محمد
أستاذنا الكريم
الحمد لله أنك بخير ولكن ينقصنا تواجدك بيننا......
أستاذنا الفاضل/محمد الجــــــرايحى
تحية إجلال لشخصك وآسف على تقصيرى بزياركم لإنشغالى وشرفتنى تواجدك
السلام عليكم
فينك ياشاعرنا جيت اسلم وأخد العيدية
كل سنة وانت طيب يااستاذ فاروق وبخيروصحة وسعادة
انتظر قصيدة قويه
بعيدالعيدان شاء الله
أفروديت
كل عام وانتم بخير ...بأذن الله سنكتب قصيده جديده قريبا ...شكرا على مرورك ..
إرسال تعليق