****************************************************************
يامصرى قوم وكفاية نوم*حاكمينك ديابة وغربان وبوم
ناهشة بلحمك وفوقيك بتحوم*وإنت عكس التيار بتعوم
يامصرى قوم وكفاية نوم
********************
يابلدى لية أنا فيكى مظلوم*ولوقمت عليكى الكل يلوم
يطلعوا عليا بالطوب والشوم *ورصاص بصدرى ودمى بالكوم
يامصرى قوم وكفاية نوم
****************
يوم جعان والتانى بصوم*وإذا أكَّلْتينى أكْلِك مسموم
رضَّعتينى بصغرى نبق ودوم*وحكامك ياكلواكافيارومشروم
يامصرى قوم وكفاية نوم
*******************
ثوْرتِك بتضيع يوم ورا يوم* وجلابيتك ياأمى مليانة خروم
دايما سايبانى فيكى محروم*وظالمينى ناس بكروش وتخوم
يامصرى قوم وكفاية نوم
*****************
يامصر فرعونك ظلم المحكوم*قطع بلحمه باعوا مفروم
عيِّشُه عِرْيانْ من غيرهدوم*نوِّمه عيَّانْ صَحَّاه محموم
يامصرى قوم وكفاية نوم
*****************
يامصرى قوم وكفاية نوم* حاكمينك ديابة وغربان وبوم
ناهشة بلحمك وفوقيك بتحوم*وإنت عكس التيار بتعوم
يامصرى قوم ماكفاية نوم
**************************************************
شعر فاروق سحير( الشاعر فاروق إبن النيل
السبت 17 د يسمبر 2011م
هناك 4 تعليقات:
كلامات رائعه شكرا لك ..مع تحياتى لك
نور
امصرى قوم وكفاية نوم*حاكمينك ديابة وغربان وبوم
ناهشين بلحمك وفوقيك بتحوم*وإنت عكس التيار بتعوم
ااااااااااه يا استاذ فاروق
القلب موجوع والروح بتروح
واحساس بالقهر والعجر غريب يجتاح القلوب والعقل
حسبنا الله ونعم الوكيل
مصر شكلها كده داخلة على ثورة اكبر من ثورة يناير
ربنا يحى مصر ويسلمها ياااااااااااارب
نور العزيزة الغالية........
كنت عارف إنك حاتكونى الأولى وإطراءك هذا يسعدنى أرجو أن تكونى عرفتى إنى خليتها كأنها أغنية لسيد درويش وباحاول الآن تلحينها وإنزالها على اليوتيوب بموقعى (youtube.com/farouksam
شكرا لكى يانور
أم هريرة .... أستاذة ليلى الفاضلة..
نحن فعلا خرجنا من مطب دخلنا على دحضيرة زى المثل مابيقول من فرعون لفرعون أكبر وربنا يستر لأنالمجلس الأعلى لو مالمش نفسه مصر حتبقى زى ليبا بالضبط وحايدخل حلف الناتوا وإسرائيل حاتفرح وده مخطط أمريكى للأسف بينفذه المجلس العسكرى بجدارة بمعنى إنه قال لمبارك: خلى عنك وإحنا حانفذلك اللى إنت عايزه , حانخليها فوضى ونجهض الثورة ربنا يستر علينا
شكرا لكى
إرسال تعليق