**!! على فيض الكريم !!**
************************
على فيض الكريم
*************************************************
صبح الصباح يشقشق والخلق تنادى يافتاح ياعليم
وأطمطع بدرعاتى وأطقطق أروح أتوضى بهمس النسيم
وألاقى ست غلبانة بتتعكز وتزعق يارزاق ياكريم
ساعتها عرفتك يامصر رايحة على فيض الكريم
على فيض الكريم يابلدى مافى جيبى ولا مليم
********************************************
طول عمرى وأنا بجرى مايئست أبدا ياربى
لامرة تهت عنك أوضاعت خطوتى ولامات حبى
آمالى أشجاروسحب عالية وورود بتقابلنى بدربى
لوطال الزمان وقسى عليا أوكبرت أحزانى بقلبى
على فيض الكريم يابلدى مافى جيبى ولامليم
*************************************************
أنا غنى بحبك ليا وشبعان بحنيتك الغالية عليا
لاعمرى خفت منك أو من ظالمينك وإهانتك فيا
أووحشة سجونك وغربتك وطردك لولادك ولاتعذيبك ليا
ولا زعلان عشان ضياع أطفالك بالشوارع والبلطجيا
على فيض الكريم يابلدى مافى جيبى ولامليم
**************************************************
ماهمه دول يامصر ولادك اللى ولدتيهم بالزبالة
هتكواعرضك إغتصبواأرضك وزيفوارجاله وعياله
وقطعوا جلبيتك عملوهارقع وخلوكى بأصعب حاله
خربوا فلاحك وزراعته قتلوا جاموسته وسرقوا ماله
على فيض الكريم يابلدى مافى جيبى ولامليم
**************************************************
الله حى والفرج جاى وربك كرمه مالو زى
شافعى تصلى مالكى تجلى حنبلى أوحتى حنفى
تأذن بالسيدة أو بالحسين بتضرب جرس بكنيسة مارى
تصلى بكنيسة القديسين أوتروح تعتكف بالسيد البدوى
على فيض الكريم يابلدى مافى جيبى ولامليم
*****************************************************
ماهية بلدى لفظتنى بعصبية بين مخاضى ودمى
إتمرمطت فيها إتبهدلت من طرف جلبيتى لكمى
لعنوا سلسفين جدودى شتموا خالتى وسبوا عمى
كرهونى بولادتى نسونى حنية أمى وزودولى همى
على فيض الكريم يابلدى مافى جيبى ولامليم
*********************************************
قسما بربى اللى حاميكى مانى ساكت خلاص عليكى
ياترجعينى لحضنك دوغرى وترضعينى حنانك بدرى بإيديكى
وتنسينى قساوة الماضى بحلاوة لقمة القاضى ياخليكى
تبوسى الأيادى وتتوسلى يابلادى وآخدحقى من حبابى عنيكى
على فيض الكريم يابلدى مافى جيبى ولامليم
*********************************************************
شعرالمهندس/فاروق سحير(الشاعر/فاروق بن النيل) فى الإثنين 2يناير 2012م 8مساءا
هناك 16 تعليقًا:
على فيض الكريم
ابلغ واجمل وابهى ما قرأت من دعاء خالص صادق من القلب للقلب
كل عام انت والاسرة الكريمه بخير
أستاذنا الفاضل / فاروق فهمى.....
كل عام وأنتم بخير
حناخد حقنا بإيدينا طال الزمان أو قصر
موش حانسكت تانى
يوم خمسة وعشرين يناير الجاى أو اللى بعده حناخده يعنى حناخده إن شاء الله رضيت مصر أو رفضت.,..........
شكرا لك صديقى
رائعة استاذى وحشتنى
كل عام وحضرتك بألف خير واسرتك الكريمه
نبع الغرام .........
كل سنة وإنتى بخير وحب وسعادة ورفاهية وإستقرار
إنتى اللى رائعة والله شكرا لكى عزيزتى
السلام عليكم
طول عمرى وأنا بجرى مايئست أبدا ياربى
لامرة تهت عنك أوضاعت خطوتى ولامات حبى
آمالى أشجاروسحب عالية وورود بتقابلنى بدربى
لوطال الزمان وقسى عليا أوكبرت أحزانى بقلبى
على فيض الكريم يابلدى مافى جيبى ولامليم
*******************
(((يوم خمسة وعشرين يناير الجاى أو اللى بعده حناخده يعنى حناخده إن شاء الله رضيت مصر أو رفضت.,..........)))
وكلنا استاذى العزيز فى انتظار 25 يناير الجاى ومصر بالتأكيد مستنياه كلها
وبعون الله سترد مصر اعتبارها وان شاء الله هنقضى على كل فساد مهما طال الزمان
رائعة مشاعرك البسيطة الرقيقة التى تفيض اخلاص ووفاء لبلدك الغالية مصر
استمتعت بكل حرف ومعنى استاذى الغالى شكرا لك
تقبل مرورى و تحياتى
أستاذتنا الفاضلة لولو الغالية..
أهلا بيكى فعلا لماحة تفاحة مرتاحة فى أفكارك وضاحة بتلقطيها وهيا طايره فعلا إخترتى كلام من قلبى خرج سواء بالقصيدة أو بردى على أستاذ فاروق فهمى
مثلك أختى فى مصر يجعلنى عندى أمل فى بكره والله شكرا لكى
الظلم زاد اوى و القهر بيكبر و كل ما نفتكر النور قرب يطلع قبر جديد
السلام عليكم
والدى العزيز
كل عام انتم بخير
دوما والدى كلماتك تقطر عشقا وحبا لارض مصرنا
دومت رائعا سيدى
ياسلام ياتييرز إنتى فعلا شاعرة بالفطرة وفلسفية بالمنطق كلامك هو ماقل ودل شطرا لكى
محمد متولى صديقى العزيز موش ولدى وبس شكلرا لايشعر بالكلمات إلا حساس قلب مرهف ووجدان نابض وإنسان بمشاعر فياضة تسلم ويسلم ردك الأبلغ من كلماتى شكرا
كل سنة وحضرتك طيب عام سعيد عليك وعلى اسرتك الكريمة
أستاذة منى.................
وإنتى والأسرة الكريمة بخير وسعادة
لعلك تكونى بخير وأهلا بكى دائما
طمنينى عليكى....
وشكرا جزيلا أختى الفاضلة.....
أستاذ فاروق يا ابن النيل.
تحية طيبة.
مازال قلمك الثوري ينبض بالحرف، وهكذا عهدتك..
بارك الله فيك
أبو حسام الدين ............
حمد الله على السلامة .......
معلش مازالت التعليقات عندى فيها مشكلة منذ عدة أيام
أبو حسام الدين ............
حمد الله على السلامة .......
معلش مازالت التعليقات عندى فيها مشكلة منذ عدة أيام
إرسال تعليق