*!!* عـــــاشق الحـــــرية *!!*
***********************************************
أحب الجمال والحرية * وأكل الفول والطعمية
بعربية على ناصية * ولا الكوشرى أبوتقلية
وعلية شطة ودقة * وآكل بعده مهلبية
ياسلام لما أتسلطن *أسمع الست بأغنية
وأنا قاعد عالساقية * بليلة صافية قمرية
وأنا رايق أسمع *عبد الوهاب بالمغربية
وعلى صوتك ياحلم *تلاقينى قاعدلك بالعصرية
وأعشق هدوء البحر * وصيد السمك بالجوبية
وأموت فى الحمام * أربية عندى غية
أهوى الصيد بالنبلة * للطيور عالشجر والمية
أجيب التوت مالشجرة*والتين البرشومى بإيديه
والنخلة العالية أحدفها * بطوبة عالسباطة قوية
تنزل أحلى بلح * أحمر ورطب عسلية
وعالغيط أسحب الجاموسة * ومعايا عمتى بهية
نشوى درة وبطاطا * وناكل فطير وتسقية
وجبنة قديمة بمش * ورز معمر بصينية
طول عمرى دوغرى*ماحبش الكذب والملاوية
راجل بسيط جدا * أحب الناس بعفوية
ماليش أعداء أبدا * حتى اللى جم عليه
ولما كبرت عقلت * ورحت أصطاد ببندقية
لقيتنى موش عارف * والسمك بماكنة عصرية
لكنى عشقت الغربة * وبلاد الدنيا بسفرية
كنت عايش سعيد * عمرى مادمعت عينية
كانت حياتى بسيطة * كلها مرح وحنية
بالمولدأركب مراجيح*أراجوزوتياتروبمسرحية
آكل ترمس وحلبة * وبصل وبالوظة مصرية
وأشوف الأسد بالسيرك* وفرس راكباه ولية
نموروبلياتشووأكروبات*وغنا ورقص ودورية
ولما فكرت أتجوز * وأخلف عيال شقية
جيبتلهم كل اللعب * ماحرمتهومش من التسلية
لكنهم والله حزانا * عصبيين وصعبوا عليه
عمرهم ماعاشوا المتع * زى أبوهم بالبرية
وركبتنى الهموم بمصر * لما سيبت القرية
وعشعش الفساد بمخى*لحكام مليانين معصية
وقسوة الزمان عالولاد * من بلطجية وداخلية
فكرت لقيت الحل * عالفيس بوك والصحبجية
وعملت مدونة بإسمى *وكلمات شعرية ونثرية
إسمها عصفور الجنة * لكن صواريخها معدية
خالد سعيد شهيد * حتى مصطفى عطية
ولما تونس عملتها * حسيت بحركة ثورية
قربت البعيد والتجديد * ونزلنا بالتحرير سوية
ويوم خمسة وعشرين *قضينا عالفلول الوطنية
وراس التعبان إتقطعت* هيه وكل الحرامية
لكن ياولاد إصبروا * لسة فيه بلطجية
ورجال أعمال فاسدين * وأمن دولة وعصبجية
عايزين الرشوة ترجع *والتعذيب والظلم شوية
عمراللى فات ماحايرجع * لعبد المطلب أغنية
واللى نصرنا أكيد * هوه رب البرية
أبدا مايتخلى عنكم * ضد العصابات اليهودية
*********************************************
شعر المهندس/ فاروق سحير ( فاروق إبن النيل ) الخميس 2/2/2012 م الساعة الحادية عشرة مساءا
نموروبلياتشووأكروبات*وغنا ورقص ودورية
ولما فكرت أتجوز * وأخلف عيال شقية
جيبتلهم كل اللعب * ماحرمتهومش من التسلية
لكنهم والله حزانا * عصبيين وصعبوا عليه
عمرهم ماعاشوا المتع * زى أبوهم بالبرية
وركبتنى الهموم بمصر * لما سيبت القرية
وعشعش الفساد بمخى*لحكام مليانين معصية
وقسوة الزمان عالولاد * من بلطجية وداخلية
فكرت لقيت الحل * عالفيس بوك والصحبجية
وعملت مدونة بإسمى *وكلمات شعرية ونثرية
إسمها عصفور الجنة * لكن صواريخها معدية
خالد سعيد شهيد * حتى مصطفى عطية
ولما تونس عملتها * حسيت بحركة ثورية
قربت البعيد والتجديد * ونزلنا بالتحرير سوية
ويوم خمسة وعشرين *قضينا عالفلول الوطنية
وراس التعبان إتقطعت* هيه وكل الحرامية
لكن ياولاد إصبروا * لسة فيه بلطجية
ورجال أعمال فاسدين * وأمن دولة وعصبجية
عايزين الرشوة ترجع *والتعذيب والظلم شوية
عمراللى فات ماحايرجع * لعبد المطلب أغنية
واللى نصرنا أكيد * هوه رب البرية
أبدا مايتخلى عنكم * ضد العصابات اليهودية
*********************************************
شعر المهندس/ فاروق سحير ( فاروق إبن النيل ) الخميس 2/2/2012 م الساعة الحادية عشرة مساءا
هناك 4 تعليقات:
لكن ياولاد إصبروا * لسة فيه بلطجية
ورجال أعمال فاسدين * وأمن دولة وعصبجية
عايزين الرشوة ترجع *والتعذيب والظلم شوية
عمراللى فات ماحايرجع * لعبد المطلب أغنية
واللى نصرنا أكيد * هوه رب البرية
دعواتك استاذ فاروق
لاتنسى مصر بدعاءك الطيب
يااااااااااارب احميها مصر بهية الصبية
ياااااااااارب انصرها ولاتشمت بنا الاعداء ابدا ابدا
شكرا لك اخى العزيز على مشاعرك الطيبة وكلماتك البسيطة الصادقة من قلب مصرى جميل
بارك الله فيك واعزك
تحياتى وتقديرى
أستاذة لولو ............
دائما الأولى والسباقة بالخير ربنا يجعلك تعطى أكثر مما تأخذين دائما شكرا على كلامك الطيب وإطراءك الجميل الذى لم يترك لى إلا الدعاء
اللهم يارب العالمين ياأرحم الراحمين ياحى ياقيوم يامن بيده مقاليد الأمور
وبحكمته هدانا للنور وبعفوه وكرمه أرشدنا إلى طريق السرور إنى أسألك ياألله
يابديع السموات والأرض إنى أسألك ياألله
الواحدالأحدالفردالصمد الذى لم يلدولم يولدولم يكن له كفواأحدبأن تحمى مصر والمصريين من أعدائهم وأن تجعل ثدبيرهم تدميرهم وأن تهلك الظالمين بالظالمين وتخرجنا منهم سالمين يارب العالمين... آمين
شكرا لكى أختى
Feenk ya ostaz farouk
?
I hope you are in good health
Tears
ana mehager el modawana me shoor daima hala el facebook " Farouk Abdel Hafiz " faroukams@yahoo.com
ente feenek ya hadia wahshany keteer
إرسال تعليق