إهداء ... إلى زملاء الدراسة أهدى إليهم هذه الكلمات .....
فى عام 1966 كنت طالبا فى المعهد العالى لللإلكترنيات بمنوف وكنت بالعام الدراسى الثانى وكنا ندرس مادة الهندسة الكهربائية من خبير ألمانى ومعيد مصرى ( سمير عبد العظيم هو الآن دكتور) وقد غنت أم كلثوم أغنية أحببناها جميعا وهى ( أمل حياتى ) وقد ترجمت الأغنية إلى لغة الإلكترونيات والكهرباء وأسميتها(أمبير حياتى) والذين يدرسون هذه العلوم سيفهمون جيدا ماأقول بل أن العامة تفهم بعض كلماتها.
**************************
"" أمبير حيـاتى ""
أمبير حياتى ياقلب خالى من الحديد
ياأعلى قدرة فقدها قلبى ولا فى الحديد
خد منى أوميجا وإدينى لنده تقدر تقيد
إشحنلى قلبك إشحنلى بشحنة سالبة إشحنلى
وسيبنى أتمغنط سيبنى ياريت مجالى مايشدنيش
*************************
زمنى !فارادى! فولتية! ياأحلى لغة كهربية
ياميوه إمبارح وميوه دلوقتى
ياميوهى لبكره ولآخر وقتى
إحكيلى قولى إيه مالمجال ناقصنى تانى وانا بين قطبيك
عمرى ماشفت نفاذ فى حياتى زى نفاذك
ولا حسيت ياميوه بمجالى عند فراغك
وقابلت مجالى وقابلت الشحنة وقابلت الحث
أول ماقابلتك وإديتك فيضى يادواير الحث
أكتر مالحث ده ماشبكش أكتر مالمغنطة ماجذبش
بعد هنايا معاك يافارادى لو راح شحنى أنا مازعلش
*******************************
وكفاية تجذب قلبى عندك من غير حديد
خد منى أوميجا وإدينى لنده تقدر تقيد
إشحنلى قلبك إشحنلى بشحنة سالبة إشحنلى
وسيبنى أتمغنط سيبنى ياريت مجالى مايشدنيش
**********
يالى حثك خلى كل ملفى جذب
يالى شحنك صحى لوحى وشد قلب
وإنت فى مجالى تجذبنى شوية
وتشحن فارادى ولا حتى ثانية
يصعد مجالى لايغيب مجالك لايغيب مجالك ولو شوية
قد كدة مجذوب إليك !!!!!!!!! قد كدة ملفوف عليك
نفسى إشحنلك بشحنة ماتشحنتش لحد تانى
شحنة قد قلبك دا كله !!!! قد ملفاتك وحاثاتك
شحنة زيك واللى فى قلبك فين
دانت قلبك داعمره مايجذبش إتنين
وكفاية تجذب قلبى عندك من غير حديد
خد منى أوميجا وإدينى لنده تقدر تقيد
إشحنلى قلبك إشحنلى بشحنة سالبة إشحنلى
وسيبنى أتمغنط سيبنى ياريت مجالى مايشدنيش
*****************************
يافارادى مهما طال شحنى معاك برضه جذباته قليلة
دى السعات اللى فى لوحاتك ماتشحنهاش ساعات طويلة
حثك ياحبيبى ملا ملفى وقلبى !!!!!!**!!!!
بيشحن لوحى بشحنة وبيجذب قطبى!!***!!
بيزيد بيزيد فى كولومه دايما بيزيد!!!***!!!
وتملى جديد فى فاراده تملى جديد!!!**!!!
إنت خلتنى أزيد الحث وياك ألف حث!!**!
كل شحنة بيك بتجذبنى من جديد وأفضل أحس
وكفاية تجذب قلبى عندك من غير حديد!!*!!
خد منى أوميجا وإدينى لنده تقدر تقيد!!*!!!
إشحنلى قلبك إشحنلى بشحنة سالبة إشحنلى
وسيبنى أتمغنط سيبنى ياريت مجالى مايشدنيش
ياريت ياريت مايشدنيش
***********************
تأليف الشاعر/عصفور الجنة
عام 1966
هناك تعليقان (2):
ههههههه
جميلة اوى قصيدة الامبير ده ربنا يخليه و يسعد قلبنا دايما
:)
الأخت الفاضلة تيريز تحية طيبة ...
والله شرفتى المدونة ورفعتى روحى المعنوية على فكرة هذه الكلمات قلتها وأنا طالب بسن 19 عام وعجبت الطلبة والأساتذة والمعيدين وطلبوا منى سنتها(1966)أن ألقيها بالحفل السنوى الدراسى على المسرح وفعلا قلتها وكانوا يصفقون بحرارة .
شكرا جزيلا وأهلا بكى بمدونتى نورتينى .
إرسال تعليق