البـــــلد عايـــــــزة ولـــــد
**************
البلد دى أبدا موش حاتبقى بلد *!*
إلا لو ربنا رحمنا وحكمنا ولد *!*
يخلى ناسها عايشة فى خير وسعد*!*
ويحول حياتهم لراحة من غير نكد*!*
يصبحوا يلاقوا كل حوت فيها جمد*!*
والفقير يبقى كبير ويطلعلوا ألف يد*!*
وزيرها يكون خادم لشعبه مش سيد *!*
ريسها مايتفرعنش ولايفترى ولايظلم حد*!*
البلد دى موش عايزة إلا ولد
\
:
'
/
المخلص فيها هوه اللى صاحب الضمير*!*
موش المعتوه الأبله اللى نايم بالسرير*!*
ولا المريض النفسى أبو بكرش كبير *!*
اللى نازل أكل بقوت الغلبان والفقير*!*
وتشوفه عايش لنفسه وحواليه منافقين كتير*!*
دايما متشبس برأيه لهواه ولمصلحته أسير*!*
مايكونش أبدا ملك ولايكون إبنه أمير *!*
ولامتبت بالحكم ودماغه الفاسدة ملحومه بقصدير*!*
البلد دى موش عايزة إلا ولد
/
:
'
\
لايخلى الفساد ساكن فى كل مصلحة *!*
ولا الحرامى يمشى فيها مختال بأنزحة*!*
ولارجال أعمال فوق كتاف الشعب مسطحة*!*
ولاحكومة نازلة وطالعة علينا مرجحة*!*
ولا ناس خلوا حياتنا بقت مشاع ومتجرحة*!*
كأننا بقر حليبها الصافى ضافوله منفحة*!*
سجون للشرفا والحرامية فيها نازلين سرمحة*!*
سرقة ونهب وفساد ونواب آخر سنكحة*!*
البلد دى موش عايزة إلا ولد
\
:
'
/
حوادث مرورها فيها قتلى مالهاش عدد*!*
طرق وكبارى وأسفلت دايما يتخرب ويتجدد*!*
علاج الفقير والغلبان مستحيل بره البلد*!*
لكن الوزرا والأكابر همه حظهم أسعد*!*
عايز رخصة قيادة روح للخزنة سدد*!*
بس شخشخ جيبك وخلى قلبك أجمد*!*
يبنوا مدارس وجامعات ومستشفيات بلجان أجود*!*
من حاتم الطائى زمتهم أوسع ودمهم أبرد*!*
البلد دى موش عايزة إلا ولد
/
:
'
\
لو عرفو ا اللى جاى ماقتلوك ياسادات*!*
وكان عيطوا بحرقة على سراب الحريات*!*
من كل مصرى شريف وكل المصريات*!*
اللى قتلو ضحكتهم وأحلامهم وكل الأمنيات*!*
ياريتنى ماإتولدت ولاعشت ببلد حاكمينها المافيات*!*
والمنافقين والمهلبين ونواب حزب وطنى سات*!*
فرجونا فيها فيلم آخر مسخرة وأغنيات *!*
واللى مش عاجبه يخبط دماغه بالصخريات*!*
البلد دى موش عايزة إلاولد
/
:
'
\
قالولنا زمان إنت إبن مين بمصر*!*
والظاهر دلوقتى بقت موضة كل عصر*!*
زمن الباشوات رجع والبيه يملك قصر*!*
يمصوا دم الغلابة ونازلين فيهم عصر*!*
أراضيهم ببلاش وشبابنا شادين الحزام بالخصر*!*
الصحرا حوالينا من أكتوبر لمدينة نصر*!*
محتاجة قرار لولد يكون عنده بصر*!*
واللى عملوه بالشعب ذنوب مالهاش حصر *!*
البلد دى موش عايزة إلا ولد
/
:
'
\
فاكرينها تكية أبوهم فوقيها رايحين جايين *!*
يستبيحوا عرض مصر وشرفها ضيعوه من سينين*!*
يامصرى قوم إثأر لشرفك وكرامتك الضايعين*!*
عتاولة الحكم ولادهم عايزينهم علينا حاكمين*!*
بالعز متمرمغين وياويلك ياعز من الغاضبين*!*
يالى بقيت أسوأ راجل أعمال للضالين*!*
ومشيت بركب نواب الحديد والنار والمنافقين*!*
بمشيئة الله ألاقيكم بفرن حديد عز مصهورين*!*
البلد دى موش عايزة إلا ولد
\
:
'
/
ياصاحبى يالى أبوك شغال بقصر القبة*!*
قولتلى بيوم تلاجة بيتكوا دايما بتتعبه*!*
بسفرة مليانة حمام ورومى داغير المستخبة *!*
وحلويات وجاتوهات وتورتات مرمية ومتهلبة *!*
سألت كام ميزانيتهم قلتلى سرية ومتكهربة*!*
إبنى بيتك والرشاوى والمحاضر للحى متهببة*!*
وفلوس معاشات خدوها وشغلوها من ناس متعبة*!*
والمسئول واخد أراضى سعرها برخص الأتربة*!*
البلد دى موش عايزة إلا ولد
\
:
'
/
خسارتنا بالمليارات بمنطقة توشكى وأبو طرطور*!*
لازراعة نفعت أو فحم ودراسة الجدوى بالسطور*!*
لأنهم عايزين يرفعوا المية لأعلى الصخور *!*
وهوه النيل صعب يروح العريش والطور*!*
يعنى لازم نحتاج نرفع المية بموطور*!*
ممثلين رايحين وفنانين وطلال ماسكلهم ساطور*!*
طفشوا زويل بيكرهوا الإختراعات ويحبوا العطور*!*
بلد عايزة حرق حكامها وتركبهم الحنطور*!*
البلد دى موش عايزة إلا ولد
****************************
تأليف الشاعر
***********
المتحزلق المزنوق ا للى حياكل عيش وحلاوة !*!
المتشوق المسروق عشان يبطل فزلكة وشقاوة!*!
هناك 25 تعليقًا:
استاذ فاروق .........
حلوة اوي القصيدة دي معبرة بجد عن حال بلدنا
ربنا يعيننا يا رب على حال بلدنا
و يرحمنا برحمته الواسعة يا رب
بجد حلوة و شكرا ليك
و على فكرة اسمي مهموهة بالهاء في الاخر
مش مهمومة بالميم في الاخر
ربنا ما يكتب الهم على حد ابدا
خالص تحياتي
البلد عايزة اراده شعب واعى و عارف ان لو ماخدش حقة بيده ح يفضل ينهب
البلد عايزة دستور محترم مش متفصل على المقاس
البلد عايزة برلمان محترم فيه عقول مثقفة و مستنيرة مش حملة مؤهلات متوسطة و محو أمية...برلمان يحاسب و يقيل الحكومة
البلد عايزة رئيس منتخب بجد مش بالتزوير
رئيس مش فرعون
تحياتى
فاروعس مق بن النيل ...
مهموهة والله كنت فاكرك مهمومة بمشاكل البلد طلعع نقبى على شونة متشكر جدا على إطراءك والجقيقة كنت
مستعجل وحاكلها وعلى فكرة أضفت أربع أبيات أخرى
وشاكر على تشريفك لى مرة أخرى .
فاروق بن النيل ...
أساتذتى الفاضلة تريز ...
والله بأكون سعيد جدا
بتواجدك وتشريفك لى بكلمات رقيقة قوية مثل ماقولتيه شكرا لكى .
جميلة اوى اوى يا استاذ فاروق
تحية لحضرتك
Ms Venus...
إنشالله يخليكى وتجيبيلى عيش وحلاوة بعد الكلام الحلو اللى قولتيه وشكرا لتشريفك لى
الصديق العزيز مهندس فاروق
ازيك على الله تكون فى احسن حال
بالنسبه لتحذيرك من المعلومات الماخوذه من الشات اذيع بالفعل وسنكرره مرة اخرى مع تعليقك على قراصنة الفيسبوك
اجمل تحيه
الصديق العزيز صلاح حجازى ...
أنت تسأل والكمبيوتر يجيب ....
شكرا جزيلا شرفت مدونتى والله
السلام عليكم ورحمة الله وبركاته
ازيك يا شاعر يا كبير وحشتني اوي
ايه يا عم القصيده الحلوه دي
بصراحه كل يوم بتثبتلي انك شاعر عظيم
وخلي بالك انا لغاية دلوقتي مقلتش انك خالي عشان لما تتمسك يا عم انا مش قد الحبس وانت عارف هههههههههههه
بجد حلوه اوي يا خالو وانت شاعر بجد بكل اللي حواليك
بس هتوحشنا لما تتمسك ههههههههههههههههههه
ازيك يا خالو
والله انك شاعر رائع بمعنى الكلمة
وانا فرحانه جدا انك بتعبر بكل مشاعرك واحاسيسك
كلماتك جميلة جدا
بس ان شاء الله مش هتتمسك ولا حاجة
احنا في بلد الديمقراطية
قول إللي انت عايزة ومتخافش
لأن الكل عارف ان دي الحقيقة
على العموم انا عملت حسابي برضوا وجيبت حلاوة وعيش احتياطي
بإنتظار كل جديدك يا خالو
فاروق بن النيل ...
وداد ... شكرا على تواجدك وتشريفك للمدونة وإن كنت زعلان عشان كنت عايز تعلقى على كل الموضوعات بسرعة عشان فيه بعضها ليس به تعليق ومواضيعها هامه وبها أفكار وشكرا لكى
خالك/ فاروق
فاروق بن النيل ...
د/ ولاء الفيدو لعلى الحجار وهوه مش بتاعى دا موجودعلى اليوتيوب شكرا بس عايز أسأل سؤال كيف يمكن مسح تعليق بعد نزوله وشكرا
عبرت عن اللى جوانا صح
تسمح لى انحنى لحضرتك على أسلوبك الراقى
ربنا يوفقك يارب ويكرمك خير يا فندم
ومتشكره لحضرتك مرورك الاجمل لمدونتى ودا اكبر شرف ليا
وادعوك لزياره البوست الاخير ويبقا التواصل ان شاء الله تعالى
تحياتى
ايناس
ALaa morad
Thank you for spech this is ture every one should be say like you tank you.
فاروق بن النيل ....
علاءمراد ... شكرا جزيلا على تشريفك مدونتى وأرجو ألا تكون الأخيرة وشكرا على إطراءك وسلامى لأمير وداليا وربنا يعطيها الصحة .
إبتسامة ملاك ...
والله سعيد جدا بتواجدك وشرفتى مدونتى وشكرا جزيلا على إطراءك وأرجو ألا تكون زيارتك الأخيرة لمدونتى ..وإن شاء الله أزورك وأرى البوست الأخير لكى .
معبرة ويارب تتحقق على الاقل حتى بعد مانموت - تحياتى ويسلم القلم والابداع
Mona.....
كنت منتظر رأيك لأنه يهمنى جدا وشرفتينى
وأشكرك على إطراءك وربنا يديكى طولة العمر وتكونى سعيدة ويتحقق مرادنا وأمنياتنا إن شاء الله وشكرا جزيلا لكى وإلى لقاء...مع تحياتى ...
Alaa Morad
Welcome to my own space , thank's for your nice comment , I hope not to be final visiting to me , I would like to comment for all written supjects .
thank's Alaa, my greetings to your family Ameer Eldeen, Dalia and all in Sydney Australia .
farouk son's nile
قصيدة في غاية الروعة و الاتقان ... ما شاء الله عليك فنان .. ^_^ و الله يحمي مصر أم الدنيا و الله يعين شعب مصر و ييسر أحواله
تقبل مروري
Seemo.....
شكرا سيمو على إطراءك وشرفتى مدونتى وأرجو ألا تكون زيارتك سريعة وأن تبقى مدة أطول لكى أحظى بسعادة فى تعليقاتك على كل الموضوعات الأخرى . وشكرا.farouksam.blogspot.com
قصيدة رائعة ومعبرة عن حالنا فعلاً محتاجين الشخص الصح اللى يتولى بلدنا ويراعى ربنا فيها وفى الشعب الغلبان اللى كل همه فى يومه انه يلاقى قوته وقوت ولاده .
مسلمة ...
شرفتى مدونتى لأول مرة ياريت تبقى خمس دقائق بس وتصفحى موضوعاتها وعلقى على قدر إستطاعتك وشكرا لكى إطراءك لعلها
لاتكون الزيارة الأخيرة لك.شكرامره أخرى
إرسال تعليق