ياوزيرمصرللعدل فين الرحمة والعدل
ويأيها النائب العام إرحم ضعف العوام
351 مواطن محبوسين بمحكمة الجيزة الإبتدائية صباح يوم الأربعاء 27/10/ 2010 من الساعة 9 صباحا وحتى يوم الخميس الموافق 28/10/ 2010الساعة 9 صباح لمدة24ساعة دون إقترافهم أى ذنب نتيجة فقط لمرض نفسى للقاضى حسام الدين (شفاه الله) وأنا معهم بدون غطاءأو نوم على دكك خشب وحديد وإذاأردت أن تذهب إلى دورة المياة القذرة جدا جدا حتى أنك يغمى عليك بمجرد التفكير فى الذهاب إليها سوف تذهب ومعك حارس بسلاح وكأنك مجرم وقد كنت فى حضورقضية لى مع المحامى عبدالوهاب الذى معه توكيل منى بكل القضايا ولكن نظرا للإستشكال فيجب أن أحضروالقضية هى قضية مبانى(عدم بناء بدروم لعمارتى بشارع موازى لشارع فيصل بحسن محمد بمنطقة فيصل لإستخدامة كجراج لسكان العمارة التى لم يسكنوها بعد وكذا بروزات زائدة عن الشارع ) وبرغم عملى لجراج سطحى لعدم تمكنى من عمل البدروم لكثرة المياة الجوفية نتيجة لردم ترعة الهرم بهذا الشارع والتى سببت عدم مقدرة جميع مالكى العمارات بهذاالشارع ( بطول 3 كيلومتر) من عمل بدروم نهائيا لهذا السبب والنتيجة هومحضرمن حى بولاق تحول إلى قضية بدفع غرامة 500 ألف جنيه ولماطلب المحامى خبير مثمن كالعادة بالثلاث قضايا السابقة لنفس العمارة منذعدة أسابيع سابقة لقاضى آخربنفس المحكمة(المستشارالمحترم /عبد الرحمن محمود)قام فورابالتأشيربالقضياياالثلاثة على مدى الأسابيع السابقة بإنتداب خبير مثمن ليعيد تقييم المبالغ والغرامات المحددة من قبل الحى ( لأن الحى كخصم لايجوزله أن يكون مثمنا للغرامة قانونا)وخرجت من المحكمة فى القضاياالثلاثة وهى كلهامبانى بالساعة الحادية عشرة صباحا بنفس اليوم أما القاضى المبجل(المستشار/ حسام الدين)فقد صمم أن يأخذ القضايامعه بالسريربالإستراحة الملحقة لقاعة المحكمة فمرة يأكل ومرة ينام ومرة يتفرج على التليفزيون ونحن ننتظره 24ساعة بقاعةالمحكمةوقدأخذمنابطاقتنا(الرقم القومى)ولانستطيع أن نتحرك إلابحرس تصوروا351 شخصايدخن نصفهم منهم العاجزوالمريض(حوالى عشرة )والسيدات الكبيرة بالسن فوق الخمسين(حوالى عشرة)ومنهن الشابات الأقل من الثلاثين خريجى جامعات وأبناء عائلات محترمة وبرغم مقولة حكمة"المتهم بريئ حتى تثبت إدانته"لكن فى مصر"المتهم مجرم بل حيوان حتى تثبت براءته " ولا أقول إلا"حسبناالله ونعم الوكيل " والعجيب أن معظم القضاياكانت تأجيل أوإنتداب خبيرأوإستماع إلى شهود نفى أوبراءة وتم ذلك كله"التأجيل""والموافقة على إنتداب الخبير""والبراءة""وعدم الإستماع للشهود "عشان موش فايق دلوقتى وبالى موش رايق هكذاكان ردالقاضى على الأخ "هريدى"من أسوان وقدجاءمعة شاهدين قاطعاآلاف الكيلومترات ليستمع إلى ردالقاضى بالتأجيل وعدم إستماعه للشهود أما"سيد"فكان حظه أفضل من"هريدى" فقدوافق على إنتداب خبيرله والحمدلله مثلى تماماتم ذلك بعد 24ساعة من فرمان القاضى المبجل"حسام الدين"وفى كل نصف ساعة من الليل بعدالساعة العاشرة مساءايخرج عليناحاجب المحكمة من غرفة التداول المغلقة لينادى على رقم وشخص ويعطيه ورقة صغيرة ليستلم بطاقته من سعادة أحدالأمباشية الحارسين عليناوهم خمسة وطبعايطلب منه قبلهامبلغ 100جنيه إكراميةولما طلب من رجل عجوزمائة جنيه ردعليه سيبلى العشرين جنيه عشان أرجع بيتى بيهم لأنى مامعاييش غيرهم وآخريقول مفيش غيرعشرين جنيه بس وست أخرى تقوله والله مافيش معايافلوس وحارجع ماشية لأن البيت قريب.
***************************!*! حسام وخالد زمل المحكمة !*!
********************************************************************************
ياوزير العدل إلحقنا من حسام الدين* ورانا يوم مايعلم بيه إلا رب العالمين
قاضى ظلمناوعذبنا بحبسه للمتهمين * من غير رحمة وكأننا موش بنى آدمين
دعينا عليه بساعات أربعة وعشرين* دعاء خالص لناس غلابه مظلومين
والمتهمين بالمحكمةردواجميعهم آمين*شاهندة شاهيناز خالد حسام بدمع العين
ياوزير العدل إلحقنا من حسام الدين
**********************
فى كل بلد من بلاد العالم * بيقولو المتهم بريئ حتى تثبت إدانته
لكن بمصر المحروسة تلاقى لازم * المتهم مجرم حتى تثبت براءته
وياريت بس كده أنا موش فاهم * ليه بيعاملو المتهم كأنه حيوان بذاته
ويعذبوه لوكاتب أو صحفى أو عالم * وربما بالسجن يوما ما يفقد حياته
ياوزير العدل إلحقنا من حسام الدين
**********************
ياأيها النائب العام المحترم أين العدل*من شرور من وضعوا فوقهم الآية
"إذاحكمتم بين الناس أن تحكموا بالعدل*ولوعايزنى حاحكيلك أصل الحكاية
أناوتلتمية وواحدوخمسين إنسان كلناأمل*بالمحكمة بقواضى نتمنى لها نهاية
بمحكمة الجيزة عشان القاضى يديناحل*والمستشارحسام الدين فاكرها حماية
ياوزير العدل إلحقنا من حسام الدين
***********************
بدأنا يوم الأربعاء أكتوبرسبعة وعشرين * الساعة تسعة صباحا نستنى قاعدين
سنة ألفين وعشرة والقاعة مليانة مدخنين*والساعة عشرة بدا القاضى حسام الدين
بالمائة الأولى بدأ جلسة السادة المتهمين *ومافيش حكم صدر وكأنه بمسرحيين
ورفعت الجلسة الساعةواحده وإحنامخنوقين*والسادسة مساءابرضه رفعها للقاعدين
ياوزير العدل إلحقنا من حسام الدين
*********************
وكل نص ساعة يخرج لينا الحاجب*ينادى على واحد وياخد ميت جنيه
ماشفتش وشة لتسعة الصبح لأجل نتعاتب*العفوماتقدرش تنطق وتقول ولاحتى إيه
يازمل حسام ولا كلمة وجميعنا فى عذاب*وعبدالوهاب المحامى وأنا معاه من غيرليه
وشاهيناز وخالد وشاهندة بأحكام سراب*والناس إنفجرت موش عارفه تعمل إيه
ياوزير العدل إلحقنا من حسام الدين
***********************
ونمت بالدكة بعد صلاة الفجر مستنى*عظامى ورجلى بتتألم وعمرى فوق الستين
بجنب عواجيزمرضى بالسن أكبر منى*ووقدامى ستات كبيرة وورايا أكترغالبانين
وكلنا بندعى عالقاضى اللى رايح يغنى*يارب إنتقم لنا من القاضى حسام الدين
حتى دورة المية القذرة بالحارس تمنى*وكأنك رايح تصيف بشرم الشيخ أو العلمين
ياوزير العدل إلحقنا من حسام الدين
**********************
قالولنا ماحدش يتكلم ولاينطق بالقاعة* لحسن القاضى يحبسوا أربعة وعشرين ساعة
ولاحتى واحد يفتح موبايله ولاالسماعة* ومافيش واحد منكوا يولع سيجارة بالولاعة
قلتلهم إلتزموا بما أقرته المحكمة ياجماعة* فألتزمنا وكافأنا القاضى لأخلاقنا بفظاعة
وإذابعجوزتبكى كطفلة حرموهامن الرضاعة*وبتنابالمحكمة لتانى يوم والناس ملتاعة
ياوزير العدل إلحقنا من حسام الدين
***********************
**********************************************************************
تأليف الشاعر المهندس/فاروق بن النيل
هناك 25 تعليقًا:
يا ساتر يارب
كل ده وانتوا مش مجرمين
امال لو مجرمين فعلا بيعملوا فيهم ايه
ربنا يرحمنا برحمته
والله انا عن نفسي بقيت اخاف من سيرة الشرطه والمحاكم وكل حاجه ليها علاقه بيهم
حمداً لله على سلامتك يا خالو
ومعلشي هى دي بلدنا للاسف
هنعمل ايه بس ربنا كريم قادر يرحمنا برحمته
حمدلله على سلامتك يا خالو
موقف لا تحسد عليه
للأسف هي دي بلدنا
مش بيحترموا حد
ولا حتى بينفذوا القوانين صح
جايين على الغلابة ويتشطروا
ربنا معانا دايما
ولا تزعل يا خالو
هى دى مصر
للأسف
صدقنى ما عارفة اقولك ايه يا استاذ فاروق
تفتكر فى امل ؟
Dr/walaa salah
حبيبتى ولاء الحمد لله على كل حال وموش قادر أوصفلك اللى كنت فيه رجلى اللى فيها تلات عمليات ورمت وإتخشبت وموش عارف آكل أو آخد الدوا عشان ماباعرفش أدخل وأقعد إلا على تواليت أفرنجى موش دلع والله ماباعرفش لأن رجلى لاأستطيع ثنيها والحمد لله وحسبنا الله ونعم الوكيل.
خالو/ فاروق
وداد حبيبتى.......
شكرا جزيلا على تأييدك وموش زعلان منهم زعلان عليهم وعلى اللى بيعملوه بالناس." لاحول ولاقوة إلا بالله"
خالو/ فاروق
Ms Venus
فعلا كلامك مضبوط فينوس وشكرا لك
والله دا ذل وظلم احنا قرفنا خلاص ومش باين لهاأخر ...............
المهم انك كويس ورجعت بالسلامة ربناياخدهم بقي ويريحهم
تخيل من كام يوم واحد أنتحر لآنه اتحكم عليه بتلت سنين ظلم واللي يأكد أنه مظلوم أنتحاره هي دي بلد الكوسه
بجد داذل وظلم بيين أحناقرفنا خلاص ومش باين لهاأخر ........................
المهم أنك رجعت بالسلامه تخيل في واحد أنتحرمن كام يوم لآنه أتحكم عليه بتلت سنين ظلم واللي يأكد براءته أنتحاره
وأتش ماأنت عارفه أتحكم عليه بخمستاشر وبكرة يتخفضوا كمان
أي بلدفيهاكوسه تتوقع فيها أي حاجة
في حفظ الله ياشاعرنا
أفروديت ......
المهم ألا نيأس من رحمة الله أبدا والإنتحار هو يأس من رحمة الله وكفر وظلم للنفس والمسلم والمؤمن يجب ألا يفعل ذلك أبدا والحمد لله على كل حال
استاذ فاروق
انا حاسة بالمرارة اللى بداخلك و شوفت موقف مشابهة من قبل و عارفه ان البلد فوضى و مافيهاش قانون و لا عدل و لا نظام و عايزة الحرق بس عايزة اقولك لو سمحت شيل القصة كلها اللى كاتبها او عيد صياغتها لان اللى كاتبه ده يضعك تحت طائلة القانون الغير العادل بتاعنا لانك ذكرت اسماء رجال قضاءو كلامك ده يصنف قانونا قذف و سب و ممكن يضايقوك بقضية صعبه بجد خاصة انك حاطط صورتك و اسمك كامل
ده غير ذكرك لموضوع الرشوة و ده يعتبر كشف فساد بدون دليل و مستندات و يعرضك لعقوبة زى الصحفيين فخلى بالك لانك لو وريت اللى ناشره علنى على النت ده للمحامى ح يغمى عليه من كتر القضايا اللى ممكن يعملوهالك عشانه
صدقنى حاسة بالغصة اللى فى نفسك من اللى حصل بس اتقى شرهم
تييرز العزيزة العالية ......
ماتعرفيش أنا تعبت قد إيه بالمحكمة ورجلى اللى فيها تلات عمليات ورمت جدا وماكنتش عارف أحركها ولاهمه هنا وعايز آخد ادوا عشان الإنتفاخ يروح ومايجيبش جلطة أو أى شيئ مؤذى ماعرفتش لأن معنى ده إنى حاضطر أدخل الحمام عدة مرات وفين الحمام ده قصدى ( دورة مياة بنى آدمين) والله لن أتراجع عما كتبت وأقدر لك خوفك وحتى لو أتسجنت دانا حذفت صورتى وإسم الشارع اللى فيه العمارة وبرغم من كده ماتخافيش همه لو عايزين يجيبونى أنا جاهز شكرا لكى دانا كنت بالمحكمة بازعق وأقول مافيش محامين عندهم كرامة ييجوا معايا للنائب العام حتى ولو من غير بطاقتى الرقم القومى لأن بلدنا للأسف بيخافوا من اللى فوق دايما ويخافوا مايختشوش
تييرز .......
على فكره كل المتهمين دفعوا فلوس ودى أول مرة تحصل لأن كان ليا ثلاث قضايا بالشهر السابق نفس الموضوع ونفس المحكمة وقاعة مجاورة ولكن مستشار قاضى تانى وذكرتها بالمقدمة ومع ذلك نفس العساكر ونفس الحاجب كانوا مؤدبين جدا طب إزاى ياست الكل
تييرز ....
على فكره صور الموجودين أعلى الشعر همه خالد وحسام عندهم قواضى كانوا جالسين بجوارى بالمحكمة وأنا صورتى هى الطفل الحزين المغلوب على أمره المكسورة
نفسه وزلعته وقلته
النائب العام؟
ده حضرتك طيب اوى
ناقص تقول عايز مبارك يحقق العدل و يمحو الفساد
ربنا يعنيك على الحياة فى مصر
يااااااه كان يوم صعب قوي يا خالو
قرأت الرسالة وانزعجت جداً من اللى حصل
هو كدا كل واحد صاحب سلطة يحب يتحكم في خلق الله واحنا علينا نستحمل لحد ما نخلص مصلحتنا
على راي المثل ... إن كان ليك عند الكلب حاجه قوله يا سيدي ...
بس اللى بيصعب على الواحد الناس الغلابة اللى مبيعرفوش يصرفوا ولا ليهم ظهر ...
والحمد لله إن الموضوع وصل لحد كدا ورجعت بالسلامة..
والقوي فيه اللى اقوى منه واللى بيتنطط على خلق الله
هيجيله اللى يتنطط عليه ...
ولكن هنقول إيه
الله المستعان
ولا حول ولا قوة إلا بالله
بتنادي على مين يا عم فاروق يا بن النيل ؟؟؟؟؟؟؟؟؟؟؟
نادي على الله تعالى أن يرحمنا ويغيرنا ولا يستبدلنا والله المستعان و إليه المشتكى
فوضى وتسيب
ربنا يعينك وحسبى الله ونعم الوكيل
Tears
لو قرأتى المقدمة أو الشعر لعرفتى أننا
دعينا من قلوبنا كلنا على المستشار بقاعة المحكمة وكلنا قلنا بصوت واحد آمين وقد تعودت فى حياتى أن ألجأ إلى الطرق الشرعية وإذا فشلت فقد عملت اللى عليا والباقى على ربنا وقد دعوناه كلنا قبل أن أكتب ماكتبت
tote soly
الحمد لله على كل حال ومن هذا نتعلم ونأخذ خبراتنا بالحياة
حسبنا الله ونعم الوكيل ولاحول ولاقوة إلا بالله العلى العظيم
كلمات من نور......
بنادى عليك ياربى وقد ناديت وأنا بمحاكمتى وقلنا جميعا حسبنا الله ونعم الوكيل وقد كتبت هذه القصيدة ربما يتحرك أى مسئول منهما لإحقاق الحق فينقلون القاضى حسام الدين ويرجعون القاضى السابق المحترم ( عبد الرحمن) مرة أخرى
Mona
شكرا أختى منى والحمد لله نحن فى مصر بلد القانون( المتهم مجرم " حيوان" حتى تثبت براءته)
حسبنا الله ونعم الوكيل
لاحول ولاقوة إلا بالله العظيم"
اتابع
لا حول و لا قوة إلا بالله
sonnet
متابع
حسبنا الله ونعم الوكيل
my dear friend. I´ve never . thanks so much for the lovely comment at Poesia em Língua Portuguesa. I´ve thought very interesting the video about the war in 1967. A very good and well done post. Congratulations. See you ooon, Renata Cordeiro forgotten you. I´ve been very sick hiHaaaa
Dear RENAT MARIA PARREIRA CORDEIRO
I'm very happy to visit me in my blog that video for ware betwean egypt and israeal ,which we lost sinai and after 6 years we get victory to iseaeal in 1973 ware 6 october at 2,15 pm , i sharing as captin in that ware in el qantra sharq( EAST SWEASE CANAL), i said for that ware to remember for all peapol that if we are with god in our life , ofcourse gud shall help us and give us victory.
Thank's dear friend and welcome always in my blog and my country.
إرسال تعليق