ّفى اليوم الخامس من يونيوعام ألف وتسمائة وسبع وستون( 1967 م)هجمت إسرائيل صباحاعلى جميع مطارات مصرودمرت جميع الطائرات وأصبح جنودمصربسيناءصيدا سهلاللطائرات الإسرائيلية وخلال ستة أيام هزم الجيش المصرى وتقدم الرئيس جمال عبدالناصريطلب من الشعب المصرىمحاسبته عن النكسة كما كانوا يسمونها ويطلب التنحى عن رئاسة جمهورية مصرالعربية فكتبت هذه القصيدة يوم التاسع عشر من يونيوعام ألف وتسعمائة وسبع وستون وأناعمرى عشرين عاماوقد كنت وقتها طالبابالصف الثانى بالمعهد العالى للإلكترونيات بمنوف .
*****************************************************
**! إطفوا ياولاد النور**!
!*! 67 نكسة أم هزيمة !*!
قالوا إطفوا ياولاد النور*والدهان أزرق عالزجاج البنور
وقدام كل باب بيت رصوا سور*من قنابل الطيارات اللى بتلف وتدور
قالوا إطفوا ياولاد النور
**********************
وقفت أنا واصحابى بالشارع *نحميه من جواسيس العدو المخادع
كل واحد ينادى ياصاحبى سامع *تبلغنابالطوارئ لو شفت حد راجع
قالوا إطفوا ياولاد النور
*********************
بعد يومين قالوا إمسكوا أى جندى *لما تلاقى حديهرب من الجبهة عندى
واحنا واقفين نقول تمام يافندى*أنا هنا ضد أى خاين أو لاوندى
قالوا إطفو ياولاد النور
**********************
ولقيت واحد منا لابس ميرى*قولتله أوقف بطريقى وسيرى
جاى منين ورايح فين ياعسكرى*قالى وسع ياواد لأخليك أسيرى
قالوا إطفوا ياولاد النور
********************
بصيت ولقيت دا أحمد أخويه*هوه اللى راجع إ بن أمى وأبويه
حضنته ونسيت زرقان البوية*اللى عالشبابيك والضلمة والسوروالموية
قالوا إطفوا ياولاد النور
**********************
سيبته بلبسه دايخ يومين نعسان*ولما يتعب دوغرى لابد حلاقية صحيان
لاقيته راجع عالسرير ورايح بالتوهان*ونفسه بصدره طالع ونازل كأنه غرقان
قالوا إطفوا ياولاد النور
*********************
ولمامن النوم فاءقالنا يا ولاد عطشان *قام شرب مويه بعدها قال أنا جعان
حطيناقدامه ديك شمورت وشربةكمان*فضل ياكل لايبصلنا ولاحاسس إنه تعبان
قالوا إطفوا ياولاد النور
********************
ولما إرتاح قعد يشرب سجاره وشاى *بصيت وقولتله أحمد ياخويه معايا جاى
فبدايحكى بحسرة كماعازف ربابة وناى*على شهدا سينا وفكرنى بشهدا دنشواى
قالوا إطفوا ياولاد النور
*******************
قالى مخزنى ياخويه بالقسيمة فجرته بإيديه*اللى كان مليان سلاح ولع قدام عينيه
وصاحبى بدبابته للقدس رايح فاكرها تكية*فاتح على آخرسرعة بيحسبها دورية
قالوا إطفوا ياولاد النور
*******************
ورجعت فوق الجتت ماشى غيرالأسرا*بالنهارأستخبى وبالليل أمشى راجع بالصحرا
ومعاياتلاته زملامن غيربندقه وإحنابأسا*وبالقناة سلمنا نفسناللصليب الأحمر بالمسا
قالوا إطفوا ياولاد النور
********************
قالوا نكسة قلتلهم لاوالله أبدا هزيمة *وبجهلنا وإستهتارناهزمتنا إسرائيل اللعينة
عبد الحكيم عامرخانابسكروإهمال بعزيمة*خربها وقعد على تلها مخلاش لنا قيمة
قالوا إطفوا ياولاد النور
*******************
ذنبهم إيه كان جنودنا يدخلوهم الحرب*من غير مايستعدوا ويتمرنوا على الضرب
طيراناللعدومكشوف دمروامنه كذاسرب*وهوه قاعد بالمطارات وطيارينابغم وكرب
قالوا إطفوا ياولاد النور
************************
وقف ريسناجمال!!بمرارة وحزن وقال*حاسبونى وجهولى السؤال!عن الهزيمةوالقتال
بس حاتنحى وأكون زيكم فردكأى حمال*ونغير اللى حصل لينا من حال إلى حال
قالوا إطفوا ياولاد النور
*********************
قلناياريس كلناجنودجاهزين للعراك* ومهما يحصل شعبك العربى ومصر وياك
موش حانسيبك قبل ماتحاسب الخونة اللى معاك*وعايزتمشى وتبيعناتتخلى عنناوننساك
قالوا إطفوا ياولاد النور
*******************
يالايارجال نحررأراضينامن العدوالمغرور*ونوريه إننافى الحرب أسود وزى النسور
هياياأبطال نطهرسيناونخليه يرحل ويغور*وجيشنا بجهده إن شاء الله بالحرب منصور
قالوا إطفوا ياولاد النور
***********************
**************************************************************
تأليف/ المهندس فاروق بن النيل( فى 19/6/1967م )
*****************************************************
**! إطفوا ياولاد النور**!
!*! 67 نكسة أم هزيمة !*!
قالوا إطفوا ياولاد النور*والدهان أزرق عالزجاج البنور
وقدام كل باب بيت رصوا سور*من قنابل الطيارات اللى بتلف وتدور
قالوا إطفوا ياولاد النور
**********************
وقفت أنا واصحابى بالشارع *نحميه من جواسيس العدو المخادع
كل واحد ينادى ياصاحبى سامع *تبلغنابالطوارئ لو شفت حد راجع
قالوا إطفوا ياولاد النور
*********************
بعد يومين قالوا إمسكوا أى جندى *لما تلاقى حديهرب من الجبهة عندى
واحنا واقفين نقول تمام يافندى*أنا هنا ضد أى خاين أو لاوندى
قالوا إطفو ياولاد النور
**********************
ولقيت واحد منا لابس ميرى*قولتله أوقف بطريقى وسيرى
جاى منين ورايح فين ياعسكرى*قالى وسع ياواد لأخليك أسيرى
قالوا إطفوا ياولاد النور
********************
بصيت ولقيت دا أحمد أخويه*هوه اللى راجع إ بن أمى وأبويه
حضنته ونسيت زرقان البوية*اللى عالشبابيك والضلمة والسوروالموية
قالوا إطفوا ياولاد النور
**********************
سيبته بلبسه دايخ يومين نعسان*ولما يتعب دوغرى لابد حلاقية صحيان
لاقيته راجع عالسرير ورايح بالتوهان*ونفسه بصدره طالع ونازل كأنه غرقان
قالوا إطفوا ياولاد النور
*********************
ولمامن النوم فاءقالنا يا ولاد عطشان *قام شرب مويه بعدها قال أنا جعان
حطيناقدامه ديك شمورت وشربةكمان*فضل ياكل لايبصلنا ولاحاسس إنه تعبان
قالوا إطفوا ياولاد النور
********************
ولما إرتاح قعد يشرب سجاره وشاى *بصيت وقولتله أحمد ياخويه معايا جاى
فبدايحكى بحسرة كماعازف ربابة وناى*على شهدا سينا وفكرنى بشهدا دنشواى
قالوا إطفوا ياولاد النور
*******************
قالى مخزنى ياخويه بالقسيمة فجرته بإيديه*اللى كان مليان سلاح ولع قدام عينيه
وصاحبى بدبابته للقدس رايح فاكرها تكية*فاتح على آخرسرعة بيحسبها دورية
قالوا إطفوا ياولاد النور
*******************
ورجعت فوق الجتت ماشى غيرالأسرا*بالنهارأستخبى وبالليل أمشى راجع بالصحرا
ومعاياتلاته زملامن غيربندقه وإحنابأسا*وبالقناة سلمنا نفسناللصليب الأحمر بالمسا
قالوا إطفوا ياولاد النور
********************
قالوا نكسة قلتلهم لاوالله أبدا هزيمة *وبجهلنا وإستهتارناهزمتنا إسرائيل اللعينة
عبد الحكيم عامرخانابسكروإهمال بعزيمة*خربها وقعد على تلها مخلاش لنا قيمة
قالوا إطفوا ياولاد النور
*******************
ذنبهم إيه كان جنودنا يدخلوهم الحرب*من غير مايستعدوا ويتمرنوا على الضرب
طيراناللعدومكشوف دمروامنه كذاسرب*وهوه قاعد بالمطارات وطيارينابغم وكرب
قالوا إطفوا ياولاد النور
************************
وقف ريسناجمال!!بمرارة وحزن وقال*حاسبونى وجهولى السؤال!عن الهزيمةوالقتال
بس حاتنحى وأكون زيكم فردكأى حمال*ونغير اللى حصل لينا من حال إلى حال
قالوا إطفوا ياولاد النور
*********************
قلناياريس كلناجنودجاهزين للعراك* ومهما يحصل شعبك العربى ومصر وياك
موش حانسيبك قبل ماتحاسب الخونة اللى معاك*وعايزتمشى وتبيعناتتخلى عنناوننساك
قالوا إطفوا ياولاد النور
*******************
يالايارجال نحررأراضينامن العدوالمغرور*ونوريه إننافى الحرب أسود وزى النسور
هياياأبطال نطهرسيناونخليه يرحل ويغور*وجيشنا بجهده إن شاء الله بالحرب منصور
قالوا إطفوا ياولاد النور
***********************
**************************************************************
تأليف/ المهندس فاروق بن النيل( فى 19/6/1967م )
هناك 28 تعليقًا:
و دلوقتى احنا فى وضع اسوا مش عشان بس يادتنا على سيناء مش كاملة لكن عشان الوضع دولوقتى لقى وكسة مش بس نكسة فى كل المجالات بس مافيش حد عنده دم يقول التنحى
و ارجع و اقول يافرعون ايه فرعنك؟
قالوا نكسة قلتلهم لا والله أبدا هزيمة
وبجهلنا هزمتنا ودمرتنا إسرائيل اللعينة
=====================
لا فض فوك يا عم فاروق
السلام عليكم
ازيك يا عم فاروق
انا اخدت بمبه وممكن تعليقى مش اول تعليق .. ما علينا
شوف يا عمنا:
فى سنة 67 انا كنت فى الاعداديه .. وكنت بامتحن يوم الاربع امتحان الاعداديه .. وكان يوم الخميس برضه امتحان .. وتأجل الامتحان حوالى مش فاكر .. تقريبا شهر ..
المهم يا عمنا كنت تلاحظ حالة توهان عند الناس .. انا واحد من الناس ومع صغر سنى كنت حاسس بالذل .. مكسور الخاطر .. كنت عايش مع الحناجير اللى بتقول احنا حنغلب اسرائيل ومن وراء اسرائيل وان مصر اقوى سادس قوة فى العالم وكنت مصدق وعامل فيها ابوزيد الهلالى مع انى فعلا ابوزيد .. لكن لا طلعت ابوزيد ولا هلالى ولا حتى الامير دياب .. دا انا طلعت عيشه وزينب وكل نساء الدنيا .. ما تضحكش على .. كان احساسى وانا ابن الاعداديه هو هذا الاحساس .. انت فاكر الهتيفه وفاكر بتاع الاتحاد الاشتراكى وبتوع منظمة الشباب والجماعه بتوع الحنجورى .. كانوا مدينا احساس بالضخامه وبالكبر وبالعنجهيه .. وفى الاخر .. شكت دبوس خلت مصر كلها تفسى
نركب الاتوبيس تلاقى الناس كلها نفسها مكسوره
تمشى فى الشارع تلاقى الناس عنيها زايغه
تروح اى مصلحه تلاقى الناس كئيبه ... وبقى هذا الاحساس حوالى شهر او مش فاكر شهر ونص .. لحد ما قامت معركة راس العش وابتدا الناس تفوق من الهباب اللى كانوا بيشربوه وابتدوا يفكروا من جديد وابتدت مصر تغسل وشها والوش راق شويه عشان كانت الميه اللى بنغسل فيها وشنا معكره لكن كانت احسن من قلتها
ما غسلناش وشنا بميه نضيفه الا بعد اغراق المدمره ايلات .. وجات الضربه بتاعة بحر البقى ورجعنا تانى نغسل وشنا بميه عكره .. لحد ما ابتدت حرب الاستنزاف وابتدينا نسمع عن المواضيع العظيمه بتاعة الحرب اللى ما اخدتش حقها فى الدعايه والنشر والمناقشه حتى اليوم
انا كتبت تعليق وبعدين مش عارف الكمبيوتر ما قبلوش ولا ايه .. مش عارف
المهم
عارف يا عم فاروق .. احنا الشعب اللى ما حدش يقدر يعرف هو بيفهم ازاى ولا بيفكر ازاى ..
طب جمال عبد الناصر تنحى عن الحكم .. اى نعم هو كان تنحى تآمرى .. لكن كانت فرصه .. والشعب قال حاسس انه حيكون يتيم من غير عبد الناصر .. ياناس يا هبله ..كانت الفرصه قدامكم .. عبد الناصر كان لابد من محاكمته .. وما بحبش حد يقول انه ما كانش يعرف ولا انهم غرروا بيه .. ازاى .. هو الرئيس وهو صاحب الصلاحيات وصاحب اكبر صلاحيات لرئيس على وجه الارض
انا يحضرنى بحث ماجستير كان يذكر صاحبه ان العبيد المصريين رفضوا العتق من العبوديه وطلبوا ابطال قانون العتق من العبوديه لانهم عنيد حظراتكم احسن من احرار ليس لهم قيمه .. ايه الهنا اللى احنا فيه ده.
يا راجل يا عم فاروق .. انا مخى طاقق .. سيبنى فى حالى الله يخليك
تحياتى بقى ويارب التعليق السابق ما يكونش ضاع.
Tears االعزيزة الغالية...
معلش كان الكمبيوتر مزرجن بقاله ساعتين وكل مره تحصل مشكلة فى الأبيات والحمد لله الآن .
فعلا الوضع منيل وموكوسين جدا جدا
كلمات من نور .....
شكراجزيلا على تشجيعكم داكان زمان بالشباب دلوقتى مابنعرفش نقول حاجة
عم فشكووووووووووووووووووووول
وحشتنى وذكريات والله قارفانا وساعتها كان الإنسان عنده دم دلوقتى مافيش شكرا لك على ذكرياتك
فشكووووووووووووووووول
معلش الكمبيوتر كان مزرحن معايا
فشكووووووووووووووول
تييرز خدت منك التعليق أولا تعيش وتاخد غيرها
على كد ما ايام النكسه او الهزيمة كانت سوده اكيد ماكنت اسود من الايام اللى بنعيشها دلوقت ولاانتا ايه رايك يا عم فاروق
تحياتى
عباس بن فرناس...........
أهلا بيك وشرفتنى والله ياعباس ....
لو سألت ,الدك فرناس لقال لك مافيش أسود من هذه الأيام التى نعيشها والسبب
غياب ضمائر الناس وقول مافيش ناس
الدم راح والكرامة راحت والنخوة ماتت
والشجاعة إتقتلت ومافضلش غير حاجة واحدة عايشة هى الجبن.
شرفتنا ياعباس وسلملى على والدك فرناس قوله أخوك فاروق بيسلم عليك
استاذ فاروق
واقعنا اكثر بؤسا وانكسارا
وكل مرة بيضحكوا علينا
مرة بالتحرير
ومرة بازالة اثار العدوان
ومرة بالسلام
ومرة بالخروج من عنق الزجاجة
ومرة بالتنمية والرخاء
ولا زال التدليس والكذب مستمرا
ولا زالت احوالنا من سيئ الى اسوء
ولا حول ولا قوة الا بالله
امتى نفوق ونعرف ان الداء هو الاستبداد
تحياتى وتقديرى
sal
صديقى العزيز............
واقعنا مرتبط إرتباطا وثيقا بماضينا
وأنا كلما ضاقت بى الدنيا تذكرت الماضى فآخذ منه الأمل وأننى كنت يوما عندى دم ونخوة وكرامة ويجب ألا أنسى ذلك حتى لاأفقدها كلية وشكرا لك صديقى
السلام عليكم
أستاذي وعمي وصديقي والله متأسف جدا على غيابي، وتعرف أن كثرة المشاركين..
على العموم أتمنى تقبل اعتذاري.
قصيدة اليوم تلمس جانبا تاريخيا من مصر.
والقصيدة فيها جرس رنان يعطي نبرة خاصة.
شكرا لك وبوريكت.
أخى وصديقى أبو حسام الدين ....
وحشتنى والله وشرفت مدونتى وشكرا جزيلا على كلامك الطيب وأهلا بيك دايما
قصيدة رائعه تحكي واقع مرير
وايام صعبه ..
سلم لنا هذا القلم اللامع
تقبل فائق احترامي
الله يسامحهم اللي كانوا السبب
بس اول مره اعرف انك بتكتب من زمان اوي كده يا خالو
القصيده كلماتها جميله اوي يا خالو وبتشرح فعلا اللي كنا بنسمعه
tote soly
شكرا جزيلا ياأم صلاح ( وأنس) على إطراءك الجميل
Dr/Walaa salah
أنا سبق أن قلت لك ذلك حتى أنك قد علقتى على قصيدة أنتى ووداد قديمة كانت أيضا ربما أول قصيدة لى وهى" التوبة النصوح" : يارب تبت إليك بعد الشيطان ماغوانى وهى كتبت وأنا بالعشرين عاما أو أقل بعض الشهور
شكرا يادكتورة على تواجدك وإطراءك وسلامتك ألف سلامة من الإنفلوزة قصدى( إنفلبطة قصدى إنفلونزا) وماتنسيش تشوفى الياهو إيميل عشان فيه رسالة وكمان نزلى الجديد اللى قصدته بالمطبخ
شكرا لكى
حقيقى الواقع اسوء بكتير
استاذ فاروق
دايما كلماتك معبرة
تحية لحضرتك ولقلمك وفكرك
Ms venus الغالية العزيزة.....
فعلا كما قلتى فين أيام زمان الواقع الذى نعيشه لايوجد أسوأ منه
شكرا جزيلا على تواجدك وإطراءك
اكتر شئ شدنى الكلمات التى كتبتها
لانها من الاعماق
اما نكسه او هزيمه
انا شايفه ان الاتنين ما يفرقوش عن بعض كتير
المهم اننا عبرنا وانتصرنا
والعبرة فى النهايه
تحياتى
مبدع كالعادة تحياتى
والحقيقة هى كانت وكسة سودة كان عمرى 7 سنين بس أنا مش عارفة ليه بعد كل السنين ديه الناس بتفتكرها أوى وتكتب عنها أكثر من أنتصار أكتوبر يعنى الحزن والمرارة له مكانة أكتر؟؟ مش عارفة بس عموما تحياتى لقلمك
جايدا العزيزى ..........
هى القصيدة كتبتها منذ 44 عاما تقريبا وموش عارف ليه إفتكرتها ربما عشان الوكسة اللى إحنا فيها كما قالت الأخت منى وربما لأن شر البلية مايضحك خلينا نضحك على نفسنا شوية يمكن نفوق شكرا لكى
Monaالعزيزة
كان عمرى 20 عاما وكنت بالمعهد العلى للإلكترونيات بمنوف بالصف الثانى وكنت بالحرس الوطنى نمسك سلاح حقيقى ونطوف بالشارع لنحميه ليلا من إيه موش عارف كنا متصورين أن إسرائيل ستدخل المدن المصرية بعد هزيمتنا المنكرة شكرا لكى
والله مش اكتر من اللي احنا فيه
بس مصر هترجع تاني امتي بقي الله وحده يعلم
تحياتي
تعليقاتك كلها وصلت يافندم
انا عامل حفظ تعليقات عشان اقراها
وعشان عندى مدونة تانية يبقي في فرصة لقراءة التعليقات في الناحيتين
شكرا علي تواصلك
Haytham Alsayes
الأخ الفاضل هيثم أعرف أننى مقصر معك لكن والله كان فيه ظروف كثيرة من مرض طويل لمشاكل مع المحاكم لمشاكل أعمال البيوت والبناء والأحياء المرتشية إلخ
لم أنسى صديقى ماإتفقناعليه من موضوع الشعار ( المسيح والمهدى والدجال فى فلسطين) وقد لاحظت إلغائك للشعار بمدونتك هل تريد أن ننسى الموضوع أم أن نبدأ فورا فيه ؟ منتظر ردك صديقى
إرسال تعليق