الشهيد أحمد شعبان(شهيد شرطة سيدى جابر)
الظلم فاق الوصف
************************************************
ياأفروديت موش إنتى وحدك بالصف
الظلم فى بلدى فاق الوصف
خالد سعيد سفكوا دمه مجرمين
من شرطة دولة القهر والعنف
مكفهومش بتعذيبه يروح شهيدالظالمين
فراحوا يقتلوا أحمد شعبان العف
والله مايوقفهم سوى إنفجارالمظلومين
بوجه عدو فاق حدود القرف
ياأفروديت موش إنتى وحدك بالصف
************************************
العذاب بقت لعبتهم لكل الآدميين
وصارت أساليب حيوانية بكل أسف
ومين راح يرجع حقوقهم الشهيدين
سوى كرامتنا نرجعها بقعدة عرف
مابقاش قانون يحمينا ولاحتى دين
حاكم فقد الأذن والعين والأنف
وربك كريم سبحانه أحكم الحاكمين
مايرضاه الظلم لو حتى واحد من ألف
ياأفروديت موش إنتى وحدك بالصف
****************************************
ياحسنى كفاية نوم وقف المعتوهين
دى سيئاتك ملت أوراق كتابك والملف
ياحبيب العادلى البلطجة ملتها العين
متفكرش التعذيب حايرعبنا أويصيبنابالخوف
بالعكس حيزيد إنفجار وإندفاع البراكين
لكل مفترى وغواة الدوران واللف
ونهاية كل ظالم بمشيئته حاتحين
وبإذن الله حايموت عساكر السخف
ياأفروديت موش إنتى وحدك بالصف
*************************************
ياعسكر مبارك والعادلى إنتوا مخدوعين
خلوكم تعذبوا خوكم وتقتلوه بالكف
مسيركم بيوم تعودوا لرشدكم ياتايهين
لطاعة مفترى ظالم ممنوع مالصرف
إعلم ياأخى إنك مصرى أمين
وإزاى تسفك دمك بجرة حرف
داأخوك خالد وأحمد هما الميتين
دى حكومة عايزاك تطبلها عالدف
ياأفروديت موش إنتى وحدك بالصف
****************************************
ويوم مايغرقوا يجروا على السويسريين
ومعاهم خيرات بلدنا وبالحمل ماخف
داغير اللى نهبوه من قوت المصريين
ورايحين جايين بسرقة وسلب وسف
وحوالينهم شلة حرامية وأونطجية ومنافقين
طالعين نازلين يسقفولهم وشغالين عزف
ودول اللى عايزين حرق المهلبين
وفيهم كل شحط ونطع وبأف
ياأفروديت موش إنتى وحدك بالصف
******************************************
*************************************
ياعسكر مبارك والعادلى إنتوا مخدوعين
خلوكم تعذبوا خوكم وتقتلوه بالكف
مسيركم بيوم تعودوا لرشدكم ياتايهين
لطاعة مفترى ظالم ممنوع مالصرف
إعلم ياأخى إنك مصرى أمين
وإزاى تسفك دمك بجرة حرف
داأخوك خالد وأحمد هما الميتين
دى حكومة عايزاك تطبلها عالدف
ياأفروديت موش إنتى وحدك بالصف
****************************************
ويوم مايغرقوا يجروا على السويسريين
ومعاهم خيرات بلدنا وبالحمل ماخف
داغير اللى نهبوه من قوت المصريين
ورايحين جايين بسرقة وسلب وسف
وحوالينهم شلة حرامية وأونطجية ومنافقين
طالعين نازلين يسقفولهم وشغالين عزف
ودول اللى عايزين حرق المهلبين
وفيهم كل شحط ونطع وبأف
ياأفروديت موش إنتى وحدك بالصف
******************************************
وكأننا رجعنا ياولاد لعصر الفراعين
ولهليوبوليس ورمسيس وعين شمس ومنف
والبيت اللى حكامه على الشعب متعاليين
حيطانه بلاأساس بيت مالوش سقف
ولا جبل عالى فوقيه إحنا ساكنين
موش بوسطيه لكن بحرف الجرف
وكأننا بسيارة سايقينا وبينا مندفعين
وعجلاتها كاوتش منفوخ منغير بلف
ياأفروديت موش إنتى وحدك بالصف
*******************************************
وعندهم دم يرشحوا نفسهم للمنتخبين
وعيزينا نتخبهم عشان يسرقونا ياخى أف
ولونسينا إحنا اللى بيعملوه الخاينين
وفكرنا نساندهم تانى حايركنونا عالرف
موش بس كده حانفضل متأزمين
وبمشاكل كتيرة حيحملونا لأن نبعهم جف
دول لابيمثلونا ولا همه بعذابنا حاسين
لارحمة بقلوبهم ولاعندهم حب ولاعطف
ياأفروديت موش إنتى وحدك بالصف
*******************************************************
الشهيد/ خالد سعيد لحق به الشهيد / أحمد شعبان
أشرف السيد محمد عم الشهيد أحمد شعبان
*********************************************************
تأليف/ الشاعر المهندس/ فاروق بن النيل
هناك 33 تعليقًا:
أولآ/ بشكرك بجدوبحيك لأستجابتك بقصيدة زي دي قلت من قلبك لأنك شاعر بالفطرة وقلت من كبتك لأنك شاعر بالظلم ...
احنابقينا في زمن العبيد زمن المسخ
زمن فيه الحقوق مش بترجع زمن فيه كله بيطمع زمن الحقد زمن الكره زمن التطبيع زمن القتل زمن الأغتصاب والتكفير زمن التحرش زمن السلبيه
زمن بيموتوافيه القتيل ويوقفوا عليه وده مات من ايه
مش عارفه ايه علاقة كلامي بالحدث ولابقصيدتك بس خليني اقولك ان ده كان جوايا هي اللي ساعدت علي خروجه
شحنة من التمرد والغيظ ..بجد زهقنا خلالالالالالالالالاص
تحياتي ليك ولرقة قلبك وبراعة قلمك يا عميد الشعر يافاروق باشا
دعنى ارفع القبعه لاحساسك بغيرك ولاسلوبك المهرف المتميز
حسبنا الله ونعم الوكيل
جايلهم يوم مفيش حد مش هياخد جزاءه
فصبرا أخى إن الله مع الصابرين
عمو فاروق
يارب
يبارك
فيكى
كفايه
الم
وتعب
وانين
قلبنا
ينبض
دماء
وقبنا
الجرح
اصبح كله صديد
ومفيش
حد
يرعاه
حسبنا الله ونعم الوكيل
للأسف يا خالو
هي دي بلدنا
الظلم ملى حياتنا
والحق ضاع بين ايدينا
ومش هيجيب الحق غير شبابنا
وده للاسف مش هيبقى اخر شهيد يا خالو
كلماتك صعبه اوي يا خالو
بس الظاهر مش هيفضل عندنا غير الكلام وبس
مشكور يا خالو
استاذ فاروق
المواطن فى بلدنا اصبح مالوش ديه و انا صرت مؤمنه جدا بمقولة ما اؤخذ بالقوة لا يسترد الا بالقوة و لو فكرت ح تلاقى ان احنا لم نختار اى شىء و كله اتفرض علينا بالقوة و الكلام بتاع التداول السلمى و التغيير عن طريق صندوق الانتخاباب ده ضحك على الناس لان اصلا مافيش انتخابات و دى تمثيلية
يؤسفنى اقول اننا فى بلد التمانين مليون محتاجين بس شوية رجالة بجد...قول بس مائة رجل منظمين و بيحبوا البلد و عندهم دم و سلاح!
الى متى سيظل هذا الشعب صابر وجبان و ذليل و متفرغ للخناق مع بعضه زى ما هو طول عمره و سايب حالته تسوء اكتر و اكتر على مر العصور؟
اللى فاهم انه بسلبيته و سكوته بيحمى نفسه و اولاده يبقى يستاهل الذل و ما جمع الا اما وفق و كل شعب يستحق حاكمة و بكرة الدور على أخوك و ابنك و أبوك و أمك و أختك و أنت يا شعب بلا ثمن
طول ما احنا بنتلم بالملايين فى الكورة و التفاهة لكن مش بنصلح البلد لا ح يبقى فيه حق لحي و لا ميت و لا ح يبقى لينا عين نكلم اصلا عن حقوق بره لأننا بلا آدميه جوه
أفروديت العزيزة الغالية......
أعترف أولا أنك لكى الفضل فى هذه القصيدة وليس إعترافى هذا بضغط من الحكومة من حسنى مبارك
أو من التعذيب من شرطة حبيب العادلى
أو حتى من تفاهات الحزب الوطنى العفن
أو من محاولات منن يكرهون إستقرارناأن يوقع العداوة بين نسيجى الأمة
ولذا لم تطاوعنى نفسى أن أكتب قصيدتى بعد أن قرأت قصيدتك عن الشعيد أحمد شعبان وذكرتينى بقصيدتى عن خالد سعيد وكعادتى غيرتى على أهل بلدى وأبناءنا من الشباب أن أسطر بكلماتى وشعرى ما يجيش به صدرى وألا أنسى نصف بيتا من القصيدة يتكرر فيه ( أفروديت) ليتنى أعرف إسسمك الحقيقى كى أشكرك لكن خليه بعيد عن أعينهم وشكرا جزيلا لكى صديقتى العزيزة
مدونة ماكفاية بقى......
فعلا كفاية بقى ياصديقى أحسن عنوان إخترته لمدونتك بييجى على الجرح وعلى أحوالنا
أشكرا شكرا جزيلا صديقى والله لم تعجبنى كلمات القصيدة وكنت متسرعا فى كتابتها المهم الإحساس يوصل ليكم وبس ياريت اللى ماعندهمش دم يحسوا شوية باللى بيحصل لشبابنا
محمود( باحث عن الحب .....)
فعلا صديقى لانقول إلا:
" حســـبنا اللـه ونعـــم الوكيـــل"
وداد حبيبتى ........
ربنا ينتقم منهم المجرمين دول .
خالو/ فاروق
Dr/walaa salah
إنتى بتقولى كلماتى صعبة ياريت تأثر فيهم اللى ماعندهمش دم ولاخشا ولاكرامة
داأنا زعلان إنى ماكتبتش اللى جوايا بالضبط وحاسس إنى عايز أغيرها بس موش عارف شكرا حبيبتى دكتورة ولاء...
خالو/ فاروق
Tears العزيزة الغالية .......
والله كنت أتمنى أن تكونى تانى تعليق بعد أفروديت موش عشان المعزة أكتر لكن عشان موضوعها وقد وعدتها بالعليق وإنتظرت حتى يذهب البرد والإنفلونزا عنها ثم قلت أبدا بتييرز وفعلا علمت على ذلك ففوجئت بعد النشر والله أنكى الأخيرة لاأدرى لماذا عموما رأيك يهمنى جدا جدا أستاذه .......
"وكل تأخيرة وفيها خيره"
أولا " إن الله لايغير مابقوم حتى يغيروا مابأنفسهم" صدق الله العظيم وقد أعجبنى كلامك وهو نفس كلامهم بالخطب كل من حكم مصر" ماأخذ بالقوة لايسترد إلا بالقوة"
وقد أخذ منا كل شيئ كما تقولين بالقوة ويجب أن نسترده بالقوة إن شاء الله تعالى
Tears العزيزة الغالية........
الأستاذه الفاضلة والله إن كلامك صحيح والدور كل يوم على واحد منا كما تقول القصة" أكلت عندما أكل الثور الأبيض" نيجى فى الهايفة وندأر كما يقول المثل " كورة" إنتخابات فاشلة مزيفة بها بلطجية مأجرينهم بيشربوا بنجو عشان يحموا أصحاب الإنتخابات والسلطة ربنا ياخدهم
شكرا لكى صديقتى على تأييدك دائما ورأيك الصائب
استاذ فاروق
القضية مش الاول و لا الاخير و لا التوقيت فالعبرة بالكيف و ليس بالوقت
عندما اشاهد موضوع اتى للتعليق و لكن نظرا لظروف عملى و لان المحاضرات بتستمر اكتر من ساعتين و غالبا لدية طلبة فى وقت الراحة فلا استطيع دائما الدخول للنت على راحتى
دمت بخير
اولا اشكرك على كلاماتك
لانها واقع صرنا نعيشه برغم جراحه والامه
ثانيا مش بس الضلم اخى فاروق اللى فاق الوصف
ده الفساد والقهر والفقر والمرض
الى اخره
ربنا يرحمنا
اشكرك ايها الشاعر المبدع
وسعيده لانى هنا
تحياتى
Tearsالعزيزة الغالية ..........
فعلا العبرة بالكيف لاالكم ربنا معاكى بتلاقى الوقت دا كله فين ياأستاذه أنتى فعلا إنسانة لها مبادئ لاتتخلى عنها أبدا شكرا لكى عزيزتى وكان الله فى عونك المهم الطلبة يكونوا فاهمين صح واقعنا.
جايدا العزيزة الغالية ....
شكرا على تواجدك وتأييدك دائما وكلامك الطيب وشرفتينى
دولة الظلم ساعة ...
ولابد لكل ليل مهما طال من بزوغ شمس النهار....
كلماتك مؤثرة لأنها صادقة
جزاك الله خير الجزاء
محمد الجرايحى.............
فعلا على رأى الشاعر :
ضاقت فلماإستحكمت حلقاتها
فرجت وكنت أظنها لاتفرج
شكرا جزيلا ياأخ محمد
معاك حق استاذ فاروق
الظلم فاق الوصف
يبدو ان رؤية الصديقة تييرز هى الصح
تحياتى وتقديرى
أبكيتني يا عمو فاروق
بقينا ماشيين من سيء لأسوأ
إنا لله و إنا إليه راجعون
الشعب المصرررى كله بمسيحيه ومسلميه ضحايا للظلم يا استاذ فارروق
Sal
الله هو الخق ولايعلوا شيئ على الحق
"إن تنصرواالله ينصركم ويثبت أقدامكم "
"إن الله لايغيرمابقوم حتى يغيروا مابأنفسهم" صدق الله العظيم
شكرا لك صديقى
كلمات من نور............
لقدبكت قلوبناقبل دموعنا والله "يانور"
حسبنا الله ونعم الوكيل.............
ولاحول ولاقوة إلا بالله العلى العظيم...
وإنا لله وإنا إليه راجعون"...........
شكرا لكى "نور"
Ms Venus
عندك حق والله مابيفرقوش دلوقتى بيننا
حتى الواحد حاسس إنهم غرباء عننا والله يافينوس بأشعر إن دول موش مصريين بل محتلين أجانب لأنهم مابيفكروش إلا فى مصلحتهم فقط وبيعذبوا اللى ضدهم ويقتلوه هل هناك دليل أكتر من هذا على صحة كلامى شرفتينى وشكرا جزيلا لكى
استاذنا شرفنا بالزياره فى موضوع عندي عايزاك تقراه
ندى الياسمين............
أنا تشرفت خلاص بزيارتك وبدون تعليق وجرى على مدونتك الآن
السلام عليكم
وكما عهدناك دائما شاعر يناصر قضايا مهمة.
لا أزيد أن أقول حسبنا الله ونعم الوكيل.
أبو حسام الدين .........
المشكلة مابقتش قضية دا بقت حكاية شعب
مفروض عليه ظلم وإحتلال يجب أن ينتهى والمفروض همه فى معمة الإنتخابات -اللى هيه بدأت اليوم فعلا وحملتهم مستمرة منذ شهر- يتجملوا عشانها لكن هى دى آخر مافى جعبتهم ربنا وحده المنتقم منهم إن شاء الله تعالى.
شكرا جزيلا لك صديقى وشرفتنى
ازيك يا عم فاروق
الموضوع زاد عن حده
بس يا خساره مش راضى ينقلب لضده
ياترى احنا اللى نستاهل كل هذا الظلم
ولا هما اللى جبارين وغدارين
واللى حصل النهارده
فى كل دوائر الانتخابات فى مصر
مش ممكن دول ناس يكونوا مواطنين
دول ناس اعداء
ياترى ياعم فاروق اللى احنا حاربناهم فى 73 كنا ليه بنحاربهم
عشان دول
ولا عشان بلدنا تعيش
بس للاسف بلدنا ما بقتش عايشه
يا ترى التضحيات كانت عشان ايه
يا ترى احنا كنا ناس هبل
ولا كنا ناس عبط
ما هو اصحاب الفرح بيشحتوا والهابطين على الوطن كلوه فى بطنهم
كفايه احسن انا حاطق
صديقى العزيز فشكوووووووووووووووووول
واحشنى وسيبك من الكلام ده واليأس لأن المثل الشعرى يقول"ضاقت فلماإسيتحكمت حلقاتها*فرجت وكنت أظنها لاتفرجوربك كريم يقول " فإن مع العسر يسرا إن مع العسر يسرا" إن توكيد وتأكيد من الله سبحانه وتعالى باليسر بعد العسرالمهم كما قال الله تعالى أيضا" لاتقنطوا من رحمة الله" وإن الله يملى للظالم فإذا أخذه لم يفلته.وأيضا "ولاتحسبن الله غافلا عما يعمل الظالمون إنام يؤخرهم ليوم تشخص فيه الأبصار مهطعين مقنعى رؤوسهم لايرتد إليهم طرفهم وأفئدتهم هواء" صدق الله العظيم . المهم ماتاخودنيش فى دوكة وإيه بقى حكايتك حاتتجوز جديد ولاإيه وفين ياعم موضوعاتك وعلى الأقل يجب أن تزورنا وتعلق عندنا وتقول رأيك وتباشر الواقع اللى عايشينه وعلى الأقل إذا كان عندك ظرف طارق أو مريض لاسمح الله قولنا عشان نعرف حمدالله على السلامة. لاتيأس صديقى من رحمة ربنا وفرجه قريب جدا إن شاء الله
إرسال تعليق