***!!!ليه النرفزة والعصبية؟؟؟!!!
لاحظت كثير من المدونين والمدونات بعد حادث التفجير صابتهم حالات غريبة البعض من إعتزل المدونة نهائيا والآخر من إعتزل المدونة مؤقتا والثالث من أصابته العصبية والرابع أوقف التعليقات والخامس من يعلق بطريقة مستفزة والخامس من يحاول أن يفرض رأيه على الآخرين والسادس من يعترض على رأى الآخرين والعجيب أننا كمصريين تركنا المدونات الخاصة بنا مفتوحة ولم نغلقها إلا قليلا جدا ممن عندهم ظروف فقرروا غلقها نهائيا وليس وقف البوستات والتعليقات فقط فماهو سبب ذلك فى رأيكم ؟!!!!!!!!!!!!!!!!!!!!!!!!
إننى هنا بصفتى مصرى يحب بلده حبا جما ويغار عليها غيرة عميا ويتفاعل مع الناس ويتسامح مع البشر فكلنا بشر لسنا ملائكة لنا حسناتنا ولنا سيئاتنا ويجب أن نتعايش على ذلك وأن نتحمل بعض .
وقد فتحت باب التعليقات لتناقش سويا بدون عصبية بشرط ألا يعلق أحدنا على تعليق الآخر كل يقول رأيه بصراحة دون المساس برأى الآخرين لكى نثبت للعالم أننا شعب جدير بالإحترام وإلا فلن يجدى معنا شيئ وستكون شعاراتنا التى نطلقها بمدوناتنا ماهى إلا شعارات جوفاء لأناس أجوف ويحبون التظاهر فقط ولايعملون بما يقولون .
أى سنكون جميعا ممن ننطبق عليه قول الله تعالى " المنافقون والمنافقات بعضهم أولياء بعض " وسأبدأ بكتابة أول تعليق لى وأقول رأيى فى هذا الموضوع وأطلب من الأفاضل أن يقولوا رأيهم بصراحة وأطلب أيضا من الفضليات التعليق برأيهن بصراحة دون أن يعلق أحدنا على تعليق الآخر أو حتى الإشارة إلي تعليقه فكل حسب شخصيته ومبدأه وعقيدته وشكرا جزيلا لكم .
*************************************************************
بعشق غروب الشمس بالمغربية!*! وأنده على أحلامى بالفجرية
وأحفربمحراتى أرض غيطى !*! واماأتعب أئيل حبه بالعصرية
تحت سجرة توب جنب الساقية!*!والبقرة بتلف بياساعة الضهرية
أسقى زرعتى وأشوفهابترعرع!*!وأرجع لدارىومرتى حورية
وولادى مرقص وبرتى وجورج!*!وأحنهم عليه بنتى مارية
وبالمجعدأجعدحداتليفزيونى!*!بعدالعشاوالشاى حداياوياالسكرية
أشوف تمثيلية يوسف الصديق!*!وفلاحين بالغيط وفراعنةمصرية
وكهنة المعبديضحكواعالناس!*!ياخدوافلوسهم ويصرفوهابسهرية
وفجأة تنقلب الحال ليلة سودة!*!دخان ودم وقتل وإنفجارات نارية
يقولوافجرواناس غلابة بيصلوا!*!ولقيت الدنياولعت بإسكندرية
خلاص النوم طارمن عينية!*!وحالى إتبدل من ناس مفترية
الحيطان بالكنيسةعليهالحم بدم!*!الظلمةرجعونى لعيشةالبربرية
البارود وياالعظام صبحواسوية!*!والكابوس دمرالأحلام والحرية
والولادالصغيره طايره بالهوا!*!واللحوم رايحه بريح صرصرية
الجساوة ديه فجرت فينا قلوبنا!*!وإتخلع باب الكنيسة بسرمدية
بس اللى زعلنى من أهالينا!*!ليه ياحبايبى بتتصرفوا بعصبية
عارف إن مصيبتنا فعلا كبيرة!*!بس أكبر منها حالتنا النفسوية
واللى حيرنى تصرف مسئولينا!*!الواحد منهم بيتصرف بسخرية
لازم المصيبة دية توحدصفوفنا!*!وتخليناهاديين وبلاش العنجهية
*********************************************************
تأليف الشاعر المهندس/ فاروق بن النيل
فى الثلاثاء10/1/2011( الواحدة والنصف صباحا)
لاحظت كثير من المدونين والمدونات بعد حادث التفجير صابتهم حالات غريبة البعض من إعتزل المدونة نهائيا والآخر من إعتزل المدونة مؤقتا والثالث من أصابته العصبية والرابع أوقف التعليقات والخامس من يعلق بطريقة مستفزة والخامس من يحاول أن يفرض رأيه على الآخرين والسادس من يعترض على رأى الآخرين والعجيب أننا كمصريين تركنا المدونات الخاصة بنا مفتوحة ولم نغلقها إلا قليلا جدا ممن عندهم ظروف فقرروا غلقها نهائيا وليس وقف البوستات والتعليقات فقط فماهو سبب ذلك فى رأيكم ؟!!!!!!!!!!!!!!!!!!!!!!!!
إننى هنا بصفتى مصرى يحب بلده حبا جما ويغار عليها غيرة عميا ويتفاعل مع الناس ويتسامح مع البشر فكلنا بشر لسنا ملائكة لنا حسناتنا ولنا سيئاتنا ويجب أن نتعايش على ذلك وأن نتحمل بعض .
وقد فتحت باب التعليقات لتناقش سويا بدون عصبية بشرط ألا يعلق أحدنا على تعليق الآخر كل يقول رأيه بصراحة دون المساس برأى الآخرين لكى نثبت للعالم أننا شعب جدير بالإحترام وإلا فلن يجدى معنا شيئ وستكون شعاراتنا التى نطلقها بمدوناتنا ماهى إلا شعارات جوفاء لأناس أجوف ويحبون التظاهر فقط ولايعملون بما يقولون .
*************************************************************
بعشق غروب الشمس بالمغربية!*! وأنده على أحلامى بالفجرية
وأحفربمحراتى أرض غيطى !*! واماأتعب أئيل حبه بالعصرية
تحت سجرة توب جنب الساقية!*!والبقرة بتلف بياساعة الضهرية
أسقى زرعتى وأشوفهابترعرع!*!وأرجع لدارىومرتى حورية
وولادى مرقص وبرتى وجورج!*!وأحنهم عليه بنتى مارية
وبالمجعدأجعدحداتليفزيونى!*!بعدالعشاوالشاى حداياوياالسكرية
أشوف تمثيلية يوسف الصديق!*!وفلاحين بالغيط وفراعنةمصرية
وكهنة المعبديضحكواعالناس!*!ياخدوافلوسهم ويصرفوهابسهرية
وفجأة تنقلب الحال ليلة سودة!*!دخان ودم وقتل وإنفجارات نارية
يقولوافجرواناس غلابة بيصلوا!*!ولقيت الدنياولعت بإسكندرية
خلاص النوم طارمن عينية!*!وحالى إتبدل من ناس مفترية
الحيطان بالكنيسةعليهالحم بدم!*!الظلمةرجعونى لعيشةالبربرية
البارود وياالعظام صبحواسوية!*!والكابوس دمرالأحلام والحرية
والولادالصغيره طايره بالهوا!*!واللحوم رايحه بريح صرصرية
الجساوة ديه فجرت فينا قلوبنا!*!وإتخلع باب الكنيسة بسرمدية
بس اللى زعلنى من أهالينا!*!ليه ياحبايبى بتتصرفوا بعصبية
عارف إن مصيبتنا فعلا كبيرة!*!بس أكبر منها حالتنا النفسوية
واللى حيرنى تصرف مسئولينا!*!الواحد منهم بيتصرف بسخرية
لازم المصيبة دية توحدصفوفنا!*!وتخليناهاديين وبلاش العنجهية
*********************************************************
تأليف الشاعر المهندس/ فاروق بن النيل
فى الثلاثاء10/1/2011( الواحدة والنصف صباحا)
هناك 39 تعليقًا:
إسمحولى أن أبدأ بقول رأيى بصراحةوأطلب من كل واحد من زوارى الكرام أن يقول رأيه دون أن يتأثر بردود أفعال ولا يرد على تعليق غيره رجاءا :
فى إعتقادى أننا جميعا نعانى من أمراض نفسية وأنا واحد منكم وبدرجات متفاوتة وعندما نتعرض لضغوط ومصيبة كبيرة تبدأ بالظهور وتؤثر فى إتخاذ قراراتنا وكذلك فى شخصيتنا والدليل هو مايحدث الآن من بعض أصدقاءنا المدونين والمدونات فأرجوكم إمسكوا أعصابكم وتعاملوا بروح التسامح والعفو والحب والحنان فنحن جميعا مصريين نعيش منذ زمن مع بعضنا ولم نؤذى أحدا أبدا .
وأذكركم مرة أخرى أرجوا عدم التعليق على من زملاءك أو زميلتك أكتب رأيك فقط .
وشكرا لكم
صحيح كلامك يا مهندسنا العبقري ,,, كلنا بنعاني من مشاكل وامراض نفسية وبدرجات ودا شيء طبيعي ,, وانا برايي يجب على الشعب المصري الاتحاد ,, وعدم الالتفات الى مثل هذه المشااكل ؟!
ولكن سيدي المهندس فاروق اريد ان اسألك سوال ؟
الا تعتقد انه المسيحيون هم انفسهم من قاموا بهذه العمليه ؟؟؟
من يومين رايت فيديو لشنودة يتكلم فيه للمسيحين ويقول انه يجب ان تعود مصر للمسيحين ويجب علينا ان نشكك المسلمين في دينهم فما قولك في ذلك ؟<< دا طبعا مو رايي دا بس سوال !!
اما رايي الاول والاخـير ,, الغبي من يوقف القيادة في طريق الحياة من بعد حادث ويغير طريقه !! ... لتستمر الحيـاة كما كانت عليه وليعود الشعب الى ما كان عليه من وحده مهما كان دينه وليسعى لحل مشاكله بعيد عن النظر الى من يحاول التفرقة بينهم
وشكرا
السلام عليكم استاذى
شكرا على فكرتك الجميلة
واشركك حضرتك برأيى
مع احترامى لكل مدون خد اسلوب معين
اى مشكلة بتقابل اى كيان فى الدنيا بتكون محتاجة هدوء حتى تضح اركانها وجوانبها وحكمة فى التعامل
عشان كدا محبتش اتكلم ف الموضوع دا لحد دلوقتى بالرغم طبعا اننا كلنا مش موافقين على اللى حصل سواء كان الفاعل من هنا او من هناك كلنا انسان
لكن مش معنى كدا اننا نقفل مدوناتنا او نقفل التعليقات او نسخن الجو او نفرض رأينا على غيرنا
كلنا رأيه صواب يحتمل الخطأ ورأيه خطأ يحتمل الصواب وكل بعد رسول الله صلى الله عليه وسلم يؤخذ من كلامه ويرد
لازم يكون فى ناس تبين الصورة صح لو اتخلينا عن اماكنا يبقى اللى بيتربصوا ببلدنا حقوقوا طموحهم
دا مجرد رأى
تقبل تحياتى
أستاذ فاروق : أولا تحياتى لك
أنا عندى كلام كتير لكن المجال هنا لن يتسع لذلك أنا الموضوع صدمنى وكمان تبعات الموضوع صدمتنى وتصرفات بعض الناس صدمتنى وبعض ناس كنت فاكرها بتفهم لقيتها فى قمة التخلف صدمنى النفاق فى أوج صورته من الشيوخ الى كانوا بيقولوا أياكم وبعد كده هم نفسهم قالوا مين قال لكم كده صدمتنى كم الاهانات والشتائم التى تبادلها البعض من الجانبين سواء المسلم أو المسيحى تحت شعار الدين أى دين هذا صدمتنى الهيافات ومحاولات التحريض بالكلام الهايف الى لا يودى ولا يجيب زى موضوع الهلال مع الصليب وصدمنى أن ناس تحتفل بعيدها وهى محاطة بالعساكر والأمن أى عيد هذا
صدمنى أنى قلت الكلام ده السنة الى فاتت أن فيه تميز كم حد رد على وعلق وقال لى لا مافيش الكلام ده
أنا حاليا يا أستاذ فاروق فاصلة شحن مش حتكلم عن أحوالنا لانى حاسة أنى مخدوعة ومطعونة ومش قادرة أتلكم فى أى حاجة تخص بلدنا وأحوالنا لم أعتزل المدونة صحيح بس حتكون مؤقتا للخواطر ولمعلومات أدبية مش أكتر
تحياتى
مُتفق معاك يا أستاذ فاروق صدقنى
يمكن انت فصرت حالنا بجد فى القصيدة بتاعت حضرتك
ربنا يهدى
حنين.........
زى ماقلت كل واحد حر برأيه وهو يظهره للجميع والناس بكده بتعرف شخصية كل واحد دون الرد عليه أو حتى مناقشته ولن أرد على سؤالك وإستفسارك الآن لكن لتعلمى أختى أن صوابعك موش زى بعضها لسنا ملائكة نحن بشر نصيب ونخطئ لنا حسنات ولنا سيئات
دومتى أختى
أستاذ/ محمود ( مدونة رحلة حياة
الله يكملك بعقلك الحكيم يامحمود شسكرا على تعليقك المميز
أستاذ فاروق
الازمة بتحتاج اننا نتكتل ومش نطعن بعض ولا نثور ضد بعض
الدول العربية كلها مفتوحة على ابواب جهنم فبلاش نخلي جهنم جوانا
انا والله في كل تعليق بيخص الموضوع بقول كفايا كلام في الموضوع علشان الكلام بيكبر وكل واحد بيزيد عليه شويه كمان الحكومات عايزه كده عيزانا ننهش في بعض وناكل بعض علشان تفرق شملنا ومتخليناش مركزين معاها هي اصل البلى كلو
استاذ فاروق انا فعلا حزينة من الي بيجرا لينا والخراب الي حل فينا
فيا ليت كل الناس تسمع نداك وتدرك اننا كلنا اخوة وبنعوم في نفس البحر فبلاش نغرق بعض
تحياتي لك
منى...............Mona
أولا: قريت موضوع بيرم التونسى وجهزت تعليق لسيرته الذاتية وعلاقته بأم كلثوم وعندما حاولت أن أنزله صدمت لما قرأت تعليقك وتحذيرك وكنت حزين حتى إنى قررت بعدها كتابة هذا البوست طبعا فيه ناس كتير قريبين منى جدا وعملوا نفس الشىئ قفلوا التعليقات
ياناس إما تلغى المدونة أو تفتحها للتعليق حتى لو موش عايزترد موش مهم
مدونة بلا تعليق لاشيئ
ثانيا : عندى شاحن قوى للى فاصل شحن إيه رأيك أبعتهولك على الإيميل
ثالثا: عندى مثل ربما يزعل بعض الناس الوحشة طبعا ( الكلاب تعوى والقافلة تسير ) مع إحترامى لأى إنسان مهما كان والله أقصد فعلا بالمثل الكلاب والحيوانات وليس الإنسان لكن تشبيه فقط بالقول
رابعا: يامنى تعرفى مشكلتنا إيه فى بلدنا وأنا عاشرتها أثناء عملى كمدير إدارة ثم مدير عام ثم وكيل وزارة , المشكلة هى النفاق فى كل مصلحة تجدى الأكثرية ونظرا لكرهى الشديد له والأسباب المؤدية إليه( إذا حدث كذب وإذا وعد أخلف وإذا أؤتمن خان وإذا عاهد " أو خاصم" فجر)فإن ذلك أخر ترقيتى حوالى ثمانية أشهر أثرت على معاشى الحالى ولكن هذا قضاء الله وقدره أقبله عن طيب خاطر أقول هذا لكى تتعاملى مع المجتمع على هذا الأساس تصورى يامنى واحد من رؤسائى السابقين كان يعاملنى بسوء لدرجة تلفيق تهم لى وشئون قانونية ونيابة إدارية وعامة ولكن الله نصفنى بتقديمى مايثبت عكس قوله هذا الرجل لما خرج إلى التقاعد قبلى أتصل به بالعيدين وأهنئه فيقول لى فاروق إحنا كنا فى العمل بنغلط غلطات كبيرة ماحيتهاش إلا لما خرجت على المعاش دى تسوى إيه يامنى معظم المسئولين ورجال الدين بالدولة هكذا منافقين ولو لم يكونوا كذلك لتركوا أعمالهم شكرا لكى عزيزتى .
عايز أعلق على بيرم التونسى قبل ماأفصل شحن زيك وأروح فى أبو نكلة
Ramy
"فسرت " بالسين موش بالصاد" فصرت "
إنت فصلت شحن يارامى ولاإيه
لازم نعدى هذه الأزمة يارامى ونحن أقوى وأقرب وطول ماإحنا متحدين حانكون أقوى من أدراك إن الحكومة نفسها عايزة كده عشان نخبط فى بعض ونضعف ولانقوى وبالتالى تسيطر علينا وإلا قولى ليه لغاية دلوقتى ساكتين همه نفسهم قالوا قبلها إنهم عرفوا إن فيه بعض التهديدات ومراقبين اللى داخلين البلد من شهور وعارفينهم ليه ماإتصرفوش على هذا الأساس فهمتنى يارامى شكرا لك
السلام عليكم
اولا انا اضيقت جدا
من غلق مدونه دكتوره ولاء
وطبعا هي لها الحريه الكامله في ذلك
ولها اسبابهاولكن زعلي ده جي من معزتي
لها وارتباطنا ببعض جميعا كأسره كبيره
جميله وانا اعتبرها زهره المدونين واتمني من الله رجوعها عن قريب
اما بالنسبه للعصبيه التي اصابت بعض المدونين فانا من وجهه نظري انه كان ناتج عن ما حدث لنا في الاسكندريه وهذا شئ طبيعي
وان شاء الله سيعم الهدوء تدريجيا في مصر وبيننا
تحياتي الي استاذي
ازيك يا عم فاروق
ما علهش .. اصل الملمات بتغير من طبيعة الانسان
لكن سرعان ما يعود كل الى حاله
لان النسيان من طبع الانسان وعندما يهدأ يعود الى طبيعته
تحياتى واشكرك على التعليق الجميل فى فشكول .. خد عندك من هنا وجاى تخاريف فى تخاريف
تحياتى
ليس لها من دون الله كاشفة
(:
أسف للخطأ
مُحرج جداً
شكراً للتصحيح أستاذ فاروق
و متفق مع حضرتك اننا لازم نعدى الأزمة مع أدانة الحكومة أدانة كاملة هى السبب الرئيسى للى بيحصل
شهرزاد.............
فعلا كما قلتى هى أصل البلا كله
وإحنا فى مركب واحد يانعوم يانغرق كلنا سلم قلمك وكلامك وشكرا لكى
كارولين فـــــــــــــــــــــــاروق
طبعا ياكارولين أنا معاكى ولما سألتها فيه حد ضايقك قالتلى د/ ولاء لا والله ياخالوا عندى شغل كتير وعايزة أركز شوية وكمان عايزة اقرأ من يوم ورايح فى القرآن الكريم ربنا ييسر الأمور
أنا اللى مزعلنى موش الموضوع نفسه كلنا بننسى بسرعة هكذا خلقنا الله تعالى لكن اللى مزعلنى تصريحات هنا وهجوم هناك ودعوة للتفر قة ودعوة للشغب هذا ليس طابعنا كمصريين طول ماأحنا متحدين سنكون أقوى من كل أعدائنا وشكرا لكى
فشكووووووووووووووووووووووووووووووول
كما قلت صديقى الإنسان يملك نعمة النسيان وهى أفضل نعمة خلقها الله لنا وإلا والله كنا نتجنن وندخل المرستان اللى إنت دخلته خلاص وبدأت تفصل شحن من يوم التخاريف بتاعت عزيزة اللذيذة
والراجل بتاع القبقاب وكمان أبو بردعة.
أقولك إيه عن الشوق ياحبيبى شكرا لك
أستاذنا الفاضل/ محمد الجرايحى....
هذه فعلا هى الحكمة بعينها أخى فى الله
"ماقل ودل " وليس أفضل من قول الله تعالى " ليس لها من دون الله كاشفة "
صدقت أخى العزيز وشكرا لك جزاك الله كل خير
Ramy
لاأسف يابنى حبيت فعلا أقولك إنى كبير فى السن 64 عاما لكن ماخرفتش لسه واخد بالى قوى وفعلا يارامى كما قلت حبيبى المشكلة فى حكومتنا سبب البلاوى كلها وبتتفرج علينا نفسها تشوفنا واقعين مع بعض سلم الله مصر من كل سوء ومنهم
استاذ فاروق
شكرا لهذه الدعوة الطيبة
للتسامح
معاك حق ...فى المواقف الصعبة الناس
بتختلف ردة الفعل لديهم
منهم من يصدم فلا يتكلم ومنهم من يصرخ
ومنهم من يعتقد فى صواب رؤيته ووووو
انا باعتقد ان مشكلة كبيرة فى داخلنا
هى سبب الكثير من الانفعالات
وهى مسألة التعامل مع الاخر المختلف
دينيا او سياسيا
كل منا يعتقد ان رأيه هو عين الحق والصواب ..ليس لدينا مساحة فى الصدور
والعقول لقبول الاخر المختلف او المخالف
ذاك جانب ومن ناحية اخرى
هناك من يعتقد انه من خلال ما يكتب
سيغير العالم وسيغير قناعات الاخرين
وذلك محال...لأن ما يأتى من الرفق واللين اكثر مما يأتى بالعنف ...
وللاسف حتى من يدعى ولاءه للدين يستخدم
اساليب السباب والقذف فى حق الاخرين
دون ان ينتبه انه يخالف ما يؤمن به
اكتفى يا سيدى بذلك
بارك الله فيك وفى دعوتك الكريمة
الى التسامح والعفو والحب
تحياتى وتقديرى
طيب و ما كانش فيه ناس كويسة خالص:)
دى من المرات القليلة اللى تكتبلنا فيها موضوع يعبر عن رأيك بالكلام العادى مش بس بالشعر و انا شخصيا بفضل ده اكتر و بستمتع به و لازم اشكرك الاول
فيه صعاب كتير بتمر على الانسان و كل واحد رد فعله بيكون حسب قدرته النفسية و عقليته و خلفيته التعليمية و الثقافية
بس اعتقد مع مرور الوقت الكل بيميل للهدوء و تخطى صعوبة المواقف لان الحياة يجب ان تستمر
قبل قراءه البوست ده كنت بجهز بوست جديد ح نشره قريب جدا اعتقد ان فيه رد قوى قد يكون موجع لكنه زى الدواء...مر لكن ضرورى للشفاء
أستاذنا الحكيم/ صلاحSal
لاأجد ردا على كلامك الطيب إلا أن أرفع قبعتى ( قصدى طاقيتى ) إحتراما لشخصك وفلسفتك الرفيعة التى نتعلم منها كل يوم شيئا جديدا شكرا لك على تلبية دعوتى دومت أخى
تييرز العزيزة الغالية......
لو أعدتى قراءة تعليقى الأول لوجدتى هذه العبارة"والدليل هو مايحدث الآن من بعـــــــــــــــــــــــــــض
أصدقاءنا المدونين والمدونات " هوه حد يقدر ينطق بكلمة فى وجودك سلام تعظيم سلام يافندم إنتى عميدة المدونين والمدونات بنتعلم منك
لاشكر على واجب عزيزتى كمان أنا منتظر الدواء لأنى عندى إنفلوزة ( إنفلونزا ) شديدة والدواء دايما مر لكن لما يكون من الأحباب يبقى شهد وعسل أبيض أول قطفة شكرا على كلامك الطيب
اخى العزيز
ذلك هو مخططهم بس اليأس فى نفوسنا
والاستسلام والانهزام والانسحاب
واعتقد ان مخططهم قد نجح
اما انا لانى افهم ولا استسلم
واعلم ان الهجوم خير وسيله للدفاع
وان الاستمرار هى نار تسرى فى احشائهم
مازلت مستمرة ولا ابالى بضعفهم
خاطرة رائعه استاذى العزيز وارى انك تعلم مأربهم وتتحصن
جزاك الله كل خير عنا
سلامى الى الدكتورة ولاء
تحياتى
جايدا( عايدا) العزيزة الغالية
أولا "بس " دى للقطة والأصح " بث "
ثانيا: مخططهم مانجحش ولا حاجة فيه فى مجتمعنا نفوس ضعيفة وكمان لازم تعذرى اللى شافوا بعنيهم الحادثة شيئ فظيع أنا شوفته بالفيديو بس الحقيقة أصعب
تهز كيان الإنسان وتخلع إتزانه وتفتت عقله
أنا بلغت الدكتورة ولاء سلامك وسلام تييرز وهيا رأيها إنها تبعدمشغولة شوية
كمان عايزة تقرأ يوميا ورد من القرآن
الكريم شكرا لكى عزيزتى
استاذ فاروق
علشان بحترم حضرتك جدا
هحترم طلب حضرتك فى اننا مش نعلق على كلام او تعليق غيرنا هنا
لان فى تعليق معين يحتاج يترد عليه
لكن انا هعمل انى مش قريته
اصل تعرف المشكلة ايه ؟
المشكلة ان الانسان يشوف الظلم ويسكت
هتكلم عن نفسى
انا حقيقى تعبت من اللى حصل
ووارد اكون اتعصبت فى بعض تعليقاتى
بس زى ما حضرتك قولت
احنا بشر
مش آلات
ربنا يرحمنا كلنا
ويعدى الايام على خير
ويحمينا ويحمى بلدنا من اعدااء السلام والانسانية
ياأستاذنا أنا لم أقفل التعليقات خالص الى حصل أنى أتفذلكت ودوست على التعليقات المنشورة من برة وتحذفت كلها علشان كده أعتذرت لكن أنا مقدرش أقفل التعليقات خالص أنا أقدر أكتب الى حضرتك عاوزه بس أحب أقولك أنى مش بحب أغانى أم كلثوم :)))))))))))
منى الغرباوى
اللي حصل يعصب فعلا استاذ فاروق
الضغط النفسي ماكانش قليل
وردود الافعال كانت اقل وابسط مايمكن وده من وجهة نظري احسن بدل الكبت لكن في الاخر كلنا عارفين ومتأكدين اننا اخوات ومالناش الا بعض وهنفضل كده باقي عمرنا وماحدش هيقدر يفرقنا
شكرا لطرحك هذا البوست الرائع لاعطاء كل فرد فرصة ليخرج مافي نفسه
تحياتي وخالص احترامي
احم احم
ورجعنا تانى من غير زعل ومن غير نرفزة اهو زى ما وعدتك
كل سنه وحضرتك طيب ياغالى
ايناس
ملاك يعيش بكوكب اخر
Ms Venusالعزيزة الغالية
طلبك مجاب وبأحترم ماأشرتى إليه وسوف أنتهز الفرصه لأنفذه وأعرف مثلك اللينك اللى تقصديه سلمك الله وسلم مصر كلها من كل شر دومتى إبنتى العزيزة
نبع الغرام العزيزة الغالية......
وحشتينا أوى أوى أوى ياااااااااااااه
أد كده النيا بتاعتنا صغيرة وبتدينا نسبة صغيرة أوى من اللى بنتمناه
أحلى وأجمل رجوع دلوقتى بس الأكسجين اللى بنتنفسه صافى مافيهوش تلوث بيئى
أهلا بيكى ياإيناس
كان أشد مايحزننى أنى بحاول أن أعلق على كلمات رائعة ليكى بالبوستات السابقة بكل الطرق الممكنة بالنيت ماعرفتش أبدا حرام عليكى تعملى فينا كده عملنا إيه ليكى عشان تزعلى مننا كلنا اللى زعلك إرميه ورا ضهرك وكملى المشوار مع المخلصين والمحترمين واللى بيحبوكى داإذا كانوا بالنسبة ليكى كده فعلا عموما موش حاضغط عليكى أكثر .
وإنتى طيبة ياأغلى مدونة بالوجود
شكرا لله على عودتك .
Ms Venusالعزيزة الغالية
أهو كده نلتزم برغم الإشارة التى أشرتى
بيها بالتعليق كل واحد حر برأيه وممكن كده أحسن عشان نطلع اللى جوانا وكل واحد يرتاح بعد كده حتى ولو كان كلام سمعه أو شافه غلط وفى النهاية يافينوس بتعرفى ياإبنتى العزيزة شخصية كل واحد قدامك كده أحسن ولا أنافقك وأقول كلام معسول واللى جوايا حاجة تانية ربنا يسلمك ويسلم مصر من كل شر
وعلى فكره بعذرك على المناظر البشعة اللى شوفتيها بالإسكندرية ربنا يصبرك أنا شخصيا بكيت بس من الفيديو فمابالك باللى شاف بعينه ربما رحمنى الله من أنى لم أكن موجودا هناك كان حصلى
"شوك" فى عقلى ربنا يسلم الجميع
بعذر اللى إتعصب واللى صرخ واللى زعق واللى بكى وماأعذرش اللى قفل التعليقات أبدا يقفلها أحسن ويرتاح ممكن يتحكم بالتعليقات ينزل اللى عايزه ويمنع اللى عايزه ويحزفه كل واحد حر فى مدونته شكرا لكى عزيزتى
غير معرف........
أنا فعلا قريت حاجة زى كده بس اللى أعرفه يامنى إن الإنسان يستطيع يرجع التحكم بالتعليقات بأى وقت هوه عايزه
عموما شاكر لكى أختى منى الغرباوى بس أنا بحب أم كلثوم جدا جدا جدا ماعلش وجهات نظر ........
الإختلاف بالراى لايفسد للود قضية
شرفتينى منى وسعيد جدا بتواجدك
Carmenالعزيزة الغالية
أهو كده إنتى فهمتينى نطلع اللى جوانا أحسن مانطق وبعد كده كل واحد بيعرف شخصية الآخر وكما قلت لفينوس عايزانى انافقك وأقول كلام معسول وجوايا حاجة تانية ياسمسم ياسماسم إنتى عارفه إن ساعات أختك أو أخيكى بيتعصب عليكى ويقول كلام جارح بعدين بيقولك إيه؟
ماتزعليش ياحبيبتى كنت تعبان وزعلان شوية وإرتحت دلوقتى كلنا بشر ياسمسم موش ملايكة لنا حسناتنا ولنا سيئاتنا
شكرا لكى إنتى إنك لبيتى دعوتى وشرفتينى بجد ياأختى
السلام عليكم
والله معاك حق يا استاذ فاروق
مش عارفه ليه الانقسام الى انا شفته فى المدونات ده وكأن ده مش يخص مصر كلها وكأن بعض المدونين مذنبين
عموما ربنا يهدى الحال
والسلام ختام
دمت بكل خير
اختك جميله
جميلة المصرى..................
لايجب أن نكون منقسمين أبدا نحن شعب واحد مصيرنا واحد عدونا واحد وأرضنا واحدة ونيلنا واحد آثارنا واحدة حياتنا واحدة ومن يريد أن يفرقنا فهو عدونا محتل يجب مقاومته لأن فلى مصلحته تفرقنا شكرا لكى أختى جميلة
إرسال تعليق