**********************************************************
هتافات الجماهير بساحة التحرير وبجميع مدن مصر :
يامبارك ياطيار .. الطيارة فى المطار- موش حانمشى .. هوه يمشى - يامبارك ياسخيف ..دم المصرى موش رخيص- الشعب يريد إسقاط النظام - يامبارك ياسخيف ..دم الشهدا موش رخيص - الشعب يريد .. إسقاط الرئيس -يامبارك ياجبان.. إرحل إنت وسليمان - يامبارك ياسخيف.. ليه تصغر الرغيف - الجيش والشعب إيد واحده - يحيا الهلال مع الصليب - موش عايزينك موش عايزينك.. الطوارئ بينا وبينك - يسقط .. يسقط.. حسنى مبارك - باطل حسنى مبارك .. باطل .. أحمد نظيف .. باطل.. جمال مبارك باطل .. فتحى سرور .. باطل .. صفوت الشريف .. باطل .. زكريا عزمى.. باطل ..مفيد شهاب .. باطل .. الحزب الواطى .. باطل - حاكموه .. حاكموه .. إوعو تهربوه........ إرحل بقى ياعم ... خلى عندك دم ....- ثورة ..ثورة فى مكان.. ياعميل الأمريكان- عايزين حكومة حرة عايزين حكومة جديدة .. وبقينا عل الحديدة - غلوا السكر .. غلو الزيت ..بعنا ياناس عفش البيت - حسنى مبارك .. حسنى مبارك... الطيارة فى إنتظارك
اليفط المكتوبة : إمشى بقى إيدى وجعتنى - إرحل مراتى وحشتنى( متزوج منذ عشرين يوما) - يسقط حسنى مبارك - يامبارك تل أبيب فى إنتظارك
ذهب ولم يعد:1-اد/ أستاذ جراحة القلب بالقصر العينى"طارق حلمى يقول: أنا لاأفهم بالسياسة وكنت أقول لإبنتى إيه التهريج اللى بتعملوه ده ويوم الجمعة إتصلت بى إبنتى وقالت بابا أرجوك هات معاك معدات طبية وشاش وقطن وأدوية لأن فيه ناس كتيرة مصابة إصابات خطيرة محتاجينك ذهبت وقال لى شاب سألته عدة أسئلة وفى كل مرة يرد رد واحد: يرحل وحتى الآن لاأعرف لم أنا مصرا على البقاء حتى يرحل أوأموت .
2-مذيعة التليفزيون المصرى" هالة فؤاد" تقول ذهبت يوم المذبحة الخميس 3/1/2011م ومازلت هناك معهم ويوم الجمعة وجدت شابا يقذف بشنطة بيده ويقول : أنا رايح أستشهد ولم أراه حتى الآن وانا يامنى( الشاذلى بالعاشرة مساءا) أوجه نداءا عبر شاشتكم لهذا الشاب وإسمه (أحمد مطاوع من شارع حسنى مبارك - كفر المصيلحة " بلد وشارع حسنى مبارك" )إنا موجودة يوميا ياأحمد أو أى شخص يعرفه فى ميدان التحرير ولن أغادره وعلى فكره شنطته لم يكن فيها سوى "بسكويت وشاش وأوراق وأقلام ماركر وبعض الملابس والشباب هناك موش مصدقين إنى مذيعة بالتليفزيون المصرى ومعاهم لأن إعلامنا للأسف شوه صورتنا .
********************************************************************************
ذهب ولم يعد:1-اد/ أستاذ جراحة القلب بالقصر العينى"طارق حلمى يقول: أنا لاأفهم بالسياسة وكنت أقول لإبنتى إيه التهريج اللى بتعملوه ده ويوم الجمعة إتصلت بى إبنتى وقالت بابا أرجوك هات معاك معدات طبية وشاش وقطن وأدوية لأن فيه ناس كتيرة مصابة إصابات خطيرة محتاجينك ذهبت وقال لى شاب سألته عدة أسئلة وفى كل مرة يرد رد واحد: يرحل وحتى الآن لاأعرف لم أنا مصرا على البقاء حتى يرحل أوأموت .
2-مذيعة التليفزيون المصرى" هالة فؤاد" تقول ذهبت يوم المذبحة الخميس 3/1/2011م ومازلت هناك معهم ويوم الجمعة وجدت شابا يقذف بشنطة بيده ويقول : أنا رايح أستشهد ولم أراه حتى الآن وانا يامنى( الشاذلى بالعاشرة مساءا) أوجه نداءا عبر شاشتكم لهذا الشاب وإسمه (أحمد مطاوع من شارع حسنى مبارك - كفر المصيلحة " بلد وشارع حسنى مبارك" )إنا موجودة يوميا ياأحمد أو أى شخص يعرفه فى ميدان التحرير ولن أغادره وعلى فكره شنطته لم يكن فيها سوى "بسكويت وشاش وأوراق وأقلام ماركر وبعض الملابس والشباب هناك موش مصدقين إنى مذيعة بالتليفزيون المصرى ومعاهم لأن إعلامنا للأسف شوه صورتنا .
********************************************************************************
لو علمنا أن الديون الخارجية منذ أن أمسك حسنى مبارك بالحكم ( منذ ثلاثون عاما) تساوى حوالى130 مليار دولار فى حين أن المبالغ المهربة خارج مصر فى فترته حوالى 300 مليار دولار أضف إلى هذا أن مبارك وأسرته يملكون من (40-70) مليار دولار فى حين ثروة " بيل جيتس 54 مليار دولار " ومع أن الشعب المصرى 40% منه تحت خط الفقر( دولار واحد باليوم) وهذا يعنى أن حسنى مبارك أغنى أغنياء العالم إذن يحكم مصر لمدة سبعة أشهر باقية أكبر نصاب وشيخ منصر وحرامى بالعالم
**********************************************
!*!موش أبويا ولارئيسى!*!
ياساقية إتحركى يالا لفى ودورى*يامية النيل الحلوة إتفجرى فورى
أخوياجرجس أرضه عطشت فين بحورى*لأجل مانسقيكى دوغرى لحسن تبورى
**************************
يالا بينا يامحمد نلعب إستغماية*لما تشرب أرضنا ونرويها وتقول كفاية
أخوياجرجس أرضه عطشت فين بحورى*لأجل مانسقيكى دوغرى لحسن تبورى
**************************
يالا بينا يامحمد نلعب إستغماية*لما تشرب أرضنا ونرويها وتقول كفاية
يانطرة رخى رخى ومطًَرى من سمايه*خلينى أنضف هدمتى وآخد الحُمًَاية
***************************
إيه ده ياجرجس إنت بتعمل إيه*بتقفل على دلوقتى أرضى المية ليه
إيه ده ياجرجس إنت بتعمل إيه*بتقفل على دلوقتى أرضى المية ليه
يامحمد خوفنى منك أبويا البيه*بيقولى إنت حاتسرق منى الجنيه
***************************
لأه ياجرجس طول عمرى حبيبك*أخويا وصاحبى وجارى وقريبك
لأه ياجرجس طول عمرى حبيبك*أخويا وصاحبى وجارى وقريبك
داهوه عايزنى أكرهك وأسيبك*عيشة ومريم والغديوة حاتجيبك
***************************
والمسيح الحى أبويا قالى كلام*إنت مابقيتش أخويا وبينا خصام
والمسيح الحى أبويا قالى كلام*إنت مابقيتش أخويا وبينا خصام
جامعك وكنيستى أعداء وقربك حرام*وخلاص موش حاقدر أئامنلك وأنام
****************************
قالى إن مريم أختى بتعاكسها*وبتشدها من إيديها وبتقطع ملابسها
قالى إن مريم أختى بتعاكسها*وبتشدها من إيديها وبتقطع ملابسها
وعايز تهدم كنيستى وتشيل اساسها*وسرقت منى محرات أرضى وفاسها
***************************
لأه ياجرجس صدقنى ماتصدقوش*حا يخلى بينا خناق ويقول حلق حوش
لأه ياجرجس صدقنى ماتصدقوش*حا يخلى بينا خناق ويقول حلق حوش
والحب بينا والشهامة أبدا ماتعجبوش*كلمة الحق بيقولكم ليها ماتسمعوش
***************************
طيب يالا ياجرجس نسأل مريم أختنا*وأكيدعلى الحكاية والرواية حاتقولنا
طيب يالا ياجرجس نسأل مريم أختنا*وأكيدعلى الحكاية والرواية حاتقولنا
ماتحكمش ياخويا على كلام منقولنا*إلا لما نتأكد من اللى حصل بنفسنا
*****************************
أبوياآدى مريم ومحمد جيبته مالأرض*قولت ياجرجس محمد عايز يهتك العرض
أبوياآدى مريم ومحمد جيبته مالأرض*قولت ياجرجس محمد عايز يهتك العرض
لأختى مريم وهيا قدامك دلوقتى بالعرض*ردت مريم قالت أبويا على شرفى عض
******************************
يابونا إزاى بتعمل كده وإزاى شايفه عادى*قالنا إنتم عمركم ماكنتوا أبدا بيوم ولادى
يابونا إزاى بتعمل كده وإزاى شايفه عادى*قالنا إنتم عمركم ماكنتوا أبدا بيوم ولادى
أنا لقيتكم قدام الجامع والكنيسة والنادى*وربيتكوا لأجل تزرعوليا أرضى وبلادى
******************************
عرفت ياجرجس مين اللى إعتبرناه أبونا*وكنا فاكرينه بيحبنا وهوه من اللى خلفونا
عرفت ياجرجس مين اللى إعتبرناه أبونا*وكنا فاكرينه بيحبنا وهوه من اللى خلفونا
دلوقتى مابقاش لاريسناولا ناس عاشرونا*عمره ماخاف علينا ولاحاسس باللى آذونا
******************************
والله موش حاسيبك إلا إما تسيب البلد* وقبلها لازم أحاسبك على كل طفل فيها إتولد
سرقت منه صحته وتعليمه وعيشته بنكد*وحتى سرقت أحلامه وأموال مالهاش عدد
******************************
والله موش حاسيبك إلا إما تسيب البلد* وقبلها لازم أحاسبك على كل طفل فيها إتولد
سرقت منه صحته وتعليمه وعيشته بنكد*وحتى سرقت أحلامه وأموال مالهاش عدد
***********************************************
تأليف الشاعر المهندس/ فاروق بن النيل
فى الإثنين 7 ينايرالساعة الرابعة عصرا
هناك 14 تعليقًا:
بغض النظر عن اي شئ
فنان وشاعر كبير بجد يا استاذ
رسمت بأيديك صوره لها حكايه ونهايه
وربنا يستر من النهايه
وربنا معنا جميعا
مصر تعبت يارب
حررها
حررها بقى من كل اللى بينهشوا فيها وفى شعبها
كارولين فـــــــــــــــــــــــاروق
الحكاية دى شوفتها وعيشتها بنفسى فى النحرير بس من شباب متحضر شوفت المسيحى بجوار الملتحى والمسيحية بشعرها بتهتف ووياها المنقبة والمحجبة والملتحى تقول يحيا الهلال ويا الصليب وكلنا بنرد
طبعا كانت لابسة إسود وإيديها فيها صليب وربما كان ميت ليها حد كمان شوفت واحد من الإخوان ملتحى بيقول لأول مرة بحياتى أحضن مسيحى وأتكلم معاه أخلاق المصريين إتغيرت ياكارولين فعلا فيه حب كبير روحى شوفى ده بنفسك شكرا ليكى وشرفتينى
Ms Venus
هذا الشباب الرائع يافينوس شوفى عمل إيه فى أسبوع واحد غير حكومة مشى مجرم زى حبيب العادلى بكره الأيام تكشفلك عن
كل اللى كان بيعمله عشان يوقع بينا والحمد لله ربنا كان معانا الملحمة المصرية مافرقتش بين قبطى مسلم وقبطى مسيحى كلنا مصريين شوفتى الشيخ بإيده القرآن بيحضن مسيحى بإيده صليب وكمان ملتحى من الإخوان بيقول لأول مرة بحياتى أحضن مسيحى هنا فى ميدان التحرير أنا شخصيا وجدت بجوارى فتاة مسيحية طبعا الصليب بإيديها رفعت صوتها بالهتاف وقالت : يحيا الهلال مع الصليب ورددنا جميعا معها المنقبة المحجبة الملتحى كلنا سواء حب كبير بينهم لم أره فى حياتى من قبل تعاون بيتقاسموا اللقمة والمية بجوار بعض لايوجد حالة تحرش واحده ونمنا فى نفس الميدان وكل فترة ينبه الماسك بمكبر الصوت ينبه عن محفظة بها نقود أو بطاقة رقم قومى أو طفل أو طفلة موجودةوإسمها وأوصافها وفى خارج هذه الساحة المباركة تجدى السرقة والنهب والقتل والترويع فمن يعمل ذلك هم نفس البلطجية اللى حاولوا يوم الخميس 3 يناير 2011م ومعاهم ضباط من أمن الدولة أن يقتحموا ميدان التحرير وقتلوا من قتلوا وأصابوا من أصابوا وهذا ليس تخمينا فقد تم القبض على مائة منهم وتم إيداعهم أسفل مترو الأنفاق ومعهم بطاقاتهم التى تدل على شخصيتم وطبعا هذا هو نفس المكان الذى كنت نائما فيه يوم 1 يناير 2011 م ( ثلاثاء المليونية 2.5 مليون شخص)
شكرا لكى عزيزتى إن شاء الله غدا سيكون أفضل بكثير والله معنا
عظيم يا استاذ فاروق
معجبة بثباتك و تمسك بموقفك برغم الهجوم
و معحبة بصبرك لان الحقيقة انا بقيت مش بناقش اى حد لاننا بقينا فى قضية تشبه المثل اللى بيقول...نقول طور يقولوا احلبوه
تييرز العزيزة الغالية.........
لو عرفوا كل المصريين إننا بمركب واحد ياإما نكمل ونعدى للبر التانى ياإما نغرق كلنا ولازم يعرفوا كمان إن الموضوع دلوقتى مابقاش " إرحل " لأه بقى فيه حاجة" حاكموه .. حاكموه .. إوعوا تهربوه" هكذا كنت أهتف أثناء إلقاء خطابه الأخير اللى ضحك بيه على بعض المصريين للأسف أقولها دون زعل " الساذجين " وكذلك أثارنا هذا الخطاب جدا وكنت معهم هناك يوم الثلاثاء 1 يناير 2011م وأعتقد قبلها أن مبارك مر فوقنا ( 2.5 مليون ) بطائرة هليوكوبتر لأنها كانت شكلها غريب مختلف عن الطائرات الهليوكوبترالأخرى التى رأيناها طول اليوم وكانت قريبة جدا منا وكانت بها إضاءة داخلية وهذا كان غريبا وكنا نهتف ونحن نشير إليه ونقول:
"حاكموه .. حاكموه .. إوعوا تهربوه "
شكرا لكى تييرز ليت صبرى مثل هؤلاء الشباب الأبطال فأنا بعمرى هذا لاأساوى إلا قطرة فى بحر شجاعتهم ونخوتهم وكرامتهم وعزهم ومجدهم ورجولتهم وثباته والله إن هذا الثبات والرباط من عند الله وليخسأ المبطلون وليخسأ الجبناء والخونة فى مصر
فيه مظاهرة بكرة بتنظمها ستة ابريل امام مبنى التلفزيون هنا
http://6april.org/modules/news/article.php?storyid=1724
تييرز العزيزة الغالية........
كنت قد حاولت أن أنزل عندك تعليق يتضمن بوستا قد كتبته يوم 14 يناير ( قبل الثورة بـ 11 يوم ) وكان عنوانه "اللص اللعين والألعن" عن تونس قبل رحيل زين العابدين بساعة ودعوت فيه عقبالنا يارب ثم ذهبت عندك ووجدتك أنزلتى بوستا أيضا على تونس وقلتى " عقبالنا يارب ":
إمتى يامصرى كرامتك ليك تعود!والنخوة ترجع قبل هرم السنين
وفين الفراعنة اللى مايصدهم حد!
وفين المصرى كريم العنصرين
مات رئيس مصر مدى الحياة!
واللى ويانا فاكر نفسه من الخالدين
طبعا ده بيتين ولما فشل لم أعاود إنزاله مرة أخرى لأنى وجدته كبير جدا
عموما سأرى الرابط وربنا يسهل شكرا
روعه بجد وحقيقية جدآآآآآآآ
فعلآ أحناأخوات ودامش كلام وووضح جدآ في الثورة
خاطرة جميله ياشاعرنا ربنايقويك وينصرنايارب
أفروديت ............
إنتى تعرفى إيه مشكلتنا أننا عايزين نقول كلام والجميع يصدقه لازم نصدق أنفسنا الأول بعدين الناس حاتصدقنا صح ولاغلط؟!!!!!!!!!!!!!!!!!!!!!!!
الكلام اللى طالع من القلب بيوصل على طول وموش قصدى الشعر قصدى الكلام العادى يعنى لو أنا كنت رايح بتفرج على المظاهرة بس ماكنتش حاسيت إننا على حق بجد وكمان ماكنش الولاد دول كملوا لغاية دلوقتى وإنشاء الله حايكملوا بين ياأفروديت شكرا لكى على إخلاصك
الله عليك يا استاذ بجد
كلماتك اكتر من رائعه
ربنا يستر من اللى جاى
وتكون النهايه كما نحب
تقبل مرورى
ايناس
إيناس ..............
طول عمرى أعرف إنك قوية ومخلصة ورقيقة وحنونة وصادقة وهى دى مراتب الإيمان وإذا فقدتى الثقة بحد أبدا إوعى تفقدى الثقة بالله موش هوه ده كلامك اللى إتعلمناه منك عايزك يوم الجمعة إن شاء الله تقوليلى رأيك فى الناس باشارع بالمنصورة وإنتى معاهم وشكرا على مشاعرك الرقيقة وخوفك على مصر موش حايكون أسوأ من الثلاثين عاما وإن شاء الله ياإما بمصر أوبالطائرة أو بالمستشفى بألمانيا أو بإنجلترا مع عيلته
الله أعلم المهم قريبا جدا وهوه حاسس بكده قبل أى مصرى ومستعجل أكتر مننا
انا بجد تعبت من كل الاخبار العنيفة دي
يارب الامور تهدأ قريبا وتكون افضل
تحياتي لك استاذ فاروق
تسلم ايدك
carmen
إصبرى شوية ياكارمن إن شاء الله قريبا جدا ترتاحى ويسيب مصر لألمانيا يتعالج ونرتاح كلناوشكرا لكى
إرسال تعليق