على فكره ياولاد أنا كنت تحت العلم الكبير ده وبأهتف وأقول:
"يامبارك ياجبان ...إرحل إنت وسليمان "
(هذا الشعارضمن شعارين من تأليفى هناك بالتوواللحظة)
وكانت الجماهير تهتف كما الرعد معايا وكان معايا أخويا الأصغر وإبنه وهوه ظاهر خلفى باين خارج العلم وإحنا بنلف الميدان بعد صلاة عصر يوم الثلاثاء 1/2/2011 م وعلى فكره كمان يوم 10 يناير كان المفروض عيد ميلاد مدونتى الأول وكمان 11 فبراير عيد ميلادى الرابع والستون( يعنى بعد 3 أيام أبدأ فى العام الخمسة وستون ) ووالله لن أحتفل بهما إلا بعد ماأشوفه بعيد عن عينى وعن مصر هوه مين ياولاد ؟!!!
أرجوكم جاوبوا فى أول تعليق لكل واحد مصرى حر بيحب بلده وشكرا لكم ياأحباب
إلى اللقاء يوم الجمعة فى ميدان الشرف والكرامة
ميدان ثورة 25 يناير الحقيقية
****************************************************
!*! ×××× حادى بادى ×××× !*!
حادى بادى يارب ياهادى * يالا َّ ياناس إسقوا الوادى
إحموا بناتكم ساندوا ولادى *ميرى وخورى وفادى وهادى
حرروا مصر من أسيادى*خلوا ضميرى يصرخ ويعادى
رجعوا يالا حق بلادى*بخروا أرضى من حسادى
حادى بادى يارب ياهادى
\
0
0
/
قولوا معايه إحنا كفاية* مصر الغالية هية حكاية
طول مالمصرى خدها بداية* روحنا بكفنا هية نهاية
حسنى مبارك خادها وصاية*تكية أرضه فاكرها وساية
خلوه يرحل بره سماية*ياإما يموت بأى بناية
حادى بادى يارب ياهادى
/
0
0
\
قالت أمى روحى ودمى* فداكى يابلدى أبويا وعمى
إوعى ياولدى ترضى بغمى*ترفع ضغطى وتزيد همى
وإنتى يابنتى إبنك ضمى*لحم أخوكى شهيدك لمى
خففى عنى حزنى وألمى*وإسترى عرضى وحارتى وهرمى
حادى بادى يارب ياهادى
\
0
0
/
فاضل زأه وبيقول لأه* هوه فاكرها زنقه وهقه
ولا يامقه يانغه يادقه*لسة بتلعب عليا سقه
فاكرها لعب عيال حقه*مصرالوقتى مافيهاش رقه
يالا ياحسنى يالا يانقه* خلى حياتنا من غير خنقه
حادى بادى يارب ياهادى
/
0
0
\
حادى بادى إمشى ياسادى*ياللى كَسَرْت كنيسة ونادى
سيب العسكر يساندوا جهادى*ضد عدو نهب ولادى
حسنى مبارك ضد عنادى*حرروا كل عُرْبِ الضادى
مصر ياحرة شرفى ينادى*شيلوا وحطوا مِْندَهْ عَلادِى
حادى بادى يارب ياهادى
\
0
0
/
هيلا هوبه... وهيلا هوبه* يالا بينا لقصر القبه
قتلنا الشرطى وراح يتخبه*لوجيت للحق حبيبه إتربه
شعبنا منهم خلاص إتعبه*بقوا للحكم أكبر سبه
وشبابنا مصمم يلبه لبه*يمكن مافهمش لسه الحسبه
حادى بادى يارب ياهادى
/
0
0
\
شدى حيلك شدى يابلد*مصر من اليوم بتتولد
وشبابنا قال مدد مدد*مافيهاش جبان فيها أسد
فيها الخاين أخيب ولد* ويقول ياحرام حرقوا البلد
حرقوها صحاب حبل المسد*وحاصونها من حاكم فسد
حادى بادى يارب ياهادى
\
0
0
/
حادى بادى إمشى ياسادى*ياللى كَسَرْت كنيسة ونادى
سيب العسكر يساندوا جهادى*ضد عدو نهب ولادى
حسنى مبارك ضد عنادى*حرروا كل عُرْبِ الضادى
مصر ياحرة شرفى ينادى*شيلوا وحطوا مِْندَهْ عَلادِى
حادى بادى يارب ياهادى
\
0
0
/
هيلا هوبه... وهيلا هوبه* يالا بينا لقصر القبه
قتلنا الشرطى وراح يتخبه*لوجيت للحق حبيبه إتربه
شعبنا منهم خلاص إتعبه*بقوا للحكم أكبر سبه
وشبابنا مصمم يلبه لبه*يمكن مافهمش لسه الحسبه
حادى بادى يارب ياهادى
/
0
0
\
شدى حيلك شدى يابلد*مصر من اليوم بتتولد
وشبابنا قال مدد مدد*مافيهاش جبان فيها أسد
فيها الخاين أخيب ولد* ويقول ياحرام حرقوا البلد
حرقوها صحاب حبل المسد*وحاصونها من حاكم فسد
حادى بادى يارب ياهادى
\
0
0
/
حادى بادى يارب ياهادى* يالا ياناس إسقوا الوادى
إحموا بناتكم ساندوا ولادى*ميرى وخورى وفادى وهادى
حرروا مصر من أسيادى*خلوا كرامتى تنادى تعادى
رجعوا يالا حق بلادى * بخَّروا أرضى من حُسادى
رجعوا يالا حق بلادى * بخَّروا أرضى من حُسادى
حادى بادى يارب ياهادى
***************************************************************************************
*********************************************************
تأليف الشاعر المهندس/ فاروق بن النيل
فى الثلاثاء 7/2/2011م الساعة 2.20 ظهرا
هناك 14 تعليقًا:
يا رب يا استاذ فاروق ده لو حصل يبقى فرح كبير مش عيد ميلاد بس خاصة ان عيد الحب كمان قرب
عيد ميلاد سعيد بثورة مصر و عودة الروح لشعب مصر :)
...........
على فكرة اعتقد ان مشكلة مبارك حاليا انه مش قادر يسافر بره مصر لانه سيلاحق جنائيا بتهمه ارتكاب جرائم انسانية ضد شعبه لان فيه قضايا مرفوعه عليه فعلا فى محكمة العدل الدولية ده غير مشكلة ثروته اما لو بقى فى مصر فهو برضة خايف من الناس و من النظام الجديد...هو فى ورطة
تييرز ...........
وكالات الأنباء العالمية بتقول إنه عايز يخرج بطريقة مشرفة من مصر عشان كدة إتصل بالمسئولين بألمانيا والمستشفى ورحبوا بذلك الظاهر خايف من السعوديى وربما ربنا موش كاتبها له يروح يحج ربنا يهديه ويحل ورطته عشان أحتفل بقى ياناس بالعيدين ( 11 يناير - 11 فبراير ) وشكرا لكى
إيه رأيك فى الفيديو " وائل غنيم على فكره راح النهاردة وخطب بالميدان وكان بيقول أنا موش بطل إنتم اللى بالميدان من يوم 25 يناير إنتم الأبطال وبأحييى الشهداء بالنيابة عنكم
هيلا هوبه... وهيلا هوبه* يالا بينا لقصر القبه
والله استاذى الجميل كان نفسى يروحوا النهاردة قصر القبة ويخلصونا منه بقى
ان شاء الله فرج ربنا قريب اوى اوى علشان الشباب ده يرتاح وينعم شوية بالهدوء
للاسف اغضب اوى اوى لما اشوف ناس لسه بتهتف لمبارك
تخيل لو ثروته اتوزعت على الغلابة فى مصر والله هنسدد ديونا ونكون بلد جميل
لكن يارب يكون القادم اجمل لانى مش باثق فى اى انسان يقعد على الكرسى
احييك استاذى العزيز على نشاطك ومجهودك واعذرنى فى تقصيرى فى التعليق لكن اتابعك دائما بالقراءة
هذه الايام فى شدة القلق لان اخويا فى التحرير ودايما مشغولين عليه
تحياتى لك وتقديرى وربنا ينصرنا ان شاء الله
لولوكات (أم هريرة)........
هوه ناوى يروح ألمانيا للعلاج وهيه رحبت بيه ربنا يقرب البعيد
لاتنشغلى على أحد لو رحتى هناك حاتندمى لما تشوفى أطفال بنات وبنين صغيرين شايلين أعلام وبعضهم بيهتفوا بمكبرات الصوت بحماس ضد مبارك
شكرا لكى وموش حاقولك ربنا يحرسه لأنه فعلا هوه سبحانه حارسه وإن شاء الله رايح الجمعة هناك معاهم شكرا لكى
حقا ماعاد عندي كلمات تصف روعة مايتناوله قلمك
اسلوبا ووصفا ومعني وهدفا
خالص احترامي لك ولقلمك وشخصك
carmen
لقد أخجلتم تواضعنا والله إنى أكتبها لآخذها معى هناك وربما ألقيها بالمكبر كهتافات فهى تصلح كهتافات أعتقد ذلك شكرا لكى كارمن
الله الله االله عليك يا استاذ
مبدع بجد والله لك كل التقدير والاحترام
قلبي معكم والله وبينزف لقهركم
ياريتني معاكم واصرخ صرخكم
ربنا يعينكم ربنا يفرج كربكم
ياارب
تحياتي يا استاذي
شهرزاد ............
أشكرك شكرا كثيرا على شعورك وإنتى فعلا معانا بقلبك ومشاعرك وكلامك الرائع
اعز الله مصرنا
واعزك وبارك لك فى جهدك
احتمالية البقاء اصبحت معدومة
وليس له الا اختيارات محدودة
ابشر يا سيدى
قدر الله التأخير النسبى
حتى تكون فرحتنا غامرة
وحتى تتكشف سوأته وجرائمه
أستاذ/ صلاح.......
صدقت ونكتشف أيضا ونغربل الناس حولنا من أصدقاءنا وحتى أهلنا وشكرا لك
أستاذنا المبدع الجميل: م/ فاروق
كل عام ومدونتك بخير وأنت بخير وفى تمام الصحة والعافية ومصر والأمة جميعها بخير وفى انتصارات دائمة .... اعتبره خلاص رحل
تقبل خالص تقديرى واحترامى
وبارك الله فيك وأعزك
ربنايسمع منك يااستاذ فاروق
اناكمان رايحة تاني الجمعة ان شاء الله
ربنايقرب البعيد ويرحل
أستاذى الفاضل/ محمد الجرايحى
أعزك الله وبارك فيك وجمعنا على محبته والدفاع عن دينه وعن شرفاء مصر الأحرار وشكرا على تهنئتك إن شاء الله ساعات فقط وفرج ربنا قريب بفضل
الله تعالى وبهمة هؤلاء الشباب الحر الأبطال
أفروديت ..........
بعد صلاة الجمعة هناك وبعد الصلاة على الغائب من شهداء التحرير ثورة 25 يناير سأكون أمام نصب تذكارى لهم هناك بها صورا لهم معى موبايل نوكيا أحمر وشكرا لكى نتمنى أن نتقابل مع شخصيات مثلك وطنية ومحبة لمصر
إرسال تعليق